Mbaromanu 11:7 - ICIGHAN BIBILO

⁷ Tsô ka nana? Kwagh u Iserael lu keren la ve zua a mi ga. Kpa asande a ve a i tsough a la yô, a zua a mi; mbagenev yô, ve cighir asema.

Mbaromanu 11:7 Iomraidhean Croise

Anzaakaa 1:28

zum la vea yilam, kpa me bugh zwa ga, vea kerem sha gbashima je, kpa vea zua a mo ga.

Yesaia 44:18

Ve fa ga, mba henen kwagh ken asema ve kpaa ga, gadia i cir ve ashe sha u vea fatyô u nengen ga kua asema a ve kpaa, sha u vea fatyô u kaven ga yô.

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Marku 6:52

gadia ve kav kwagh u ubredi la ga, sha ci u asema cighir ve ker yô.

Luka 13:24

Nôngo nyôr nen hen hunda u hogholoo, gadia M kaan ne ne, ior kpishi vea nôngo u nyôron, kpa vea fatyô ga.

YOHANE 12:40

A pir ve ashe, shi A cighir ve asema kpaa, sha u ve̱ de nengen sha ashe ve ga yô, shi ve̱ de kaven ken ishima man ve̱ gema ishima, M̱ war ve ga.

Mbaromanu 10:3

Gadia ve fa perapera u a dugh her Aôndo la ga, mba keren u veren u ve ayol a ve. Perapera u Aôndo la yô, ve rumun un ga.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 11:5

Kape hen shighe u ainge ne kpaa asande a shi her a i tsough a sha mrumun u sha mhôôn la.

Mbaromanu 3:9

Tsô ka nana? Shi se hemba je kpa? mayange ga. Gadia se vande nan Mbayuda kua Mbagrika ibo cii ser, mba sha ikev i isholibo.

Mbaromanu 6:15

Nahan yô, ka nana? Sé gbaa eren isholibo tsô er se kera lu sha ikev i atindi ga, i gem i lu sha ikev i mrumun u sha mhôôn yôô? Mayange ga.

Mbaromanu 9:18

Nahan yô ka A zungwe or u i sar Un la mhôônom, kpa or u i sar Un u cighir nan ishima yô, A cighir di je.

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

1 Mbakorinte 10:19

M ngu ôron nana? Nagh ku i ne sha akombo la, ka ma kwagha? Shin akombo ka ma kwagha?

2 Mbakorinte 3:14

Kpa i cighir asema a ve, gadia zan zan nyian je kpaa ape i lu ôron Ikuryan i Tse yô, ikondo i yisan shon la ngi her, mba bughun i sha ga, gadia ka ken Kristu i bughun i kera ye.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbaefese 1:4

A tsuwa se ken a Na je er i lu a gba tar ga yô sha u lun mba i tsegh ve man u lun a acôghol iyol ga kpaa sha ishigh Nagh. Ka sha dooshima je

Mbaefese 4:18

Mfe ve la wa ime, mba paleghaa a uma u Aôndo, sha ci u lanegh ku ku lu ken ve sha asema ve a cighir la.

Mbafilipi 1:18

Tsô á er nana? A lu nan nan kpaa mba pasen kwagh u Kristu je, a lu sha ayom, shin a lu sha mimi kpaa, man ka sha kwagh la je m lu ember ye man shi me va ember kpaa.

Mbaheberu 12:17

Gadia ne fa zum u i mase saren un pe yan dyako sha iveren i dedoo yô, i venda un gadia a kera zua a ian i geman ishima ga shin er a ker i ngegh, a mliam ashe je kpaa.

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.