Mbaromanu 11:12 - ICIGHAN BIBILO

¹² Nahan aluer mper u ve per tindi la va tar a akaa kpishi man mpande u iyenge ve i pande la va atôatyev a akaa kpishi yô, man hire shighe u iyenge ve ia ivi?

Mbaromanu 11:12 Iomraidhean Croise

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Mika 5:7

Asande a Yakob a a shi her la, aa lu ken atô u akuraior kpishi er avure a a dugh hen TER nahan, man er aber a ura sha toho nahan, a a keghen or ga, shin á ngôôr her sha ci u ônov mba iorov kpaa ga yô.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Aerenakaa A Mbaapostoli 3:21

Un yô, lu u ma i ngohol Un Sha keng, zan zan ar sha ashighe a sôron akaa cii, er Aôndo vande ôron a uicighanmbaprofeti Nav mba tsuaa, ve gema ve ôr ior la.

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 11:33

Kpash! Mze u ikpelaakaa man mfe man kwaghfan u Aôndo ve za kweng ne! Ajir a ôron a Na gande u timen sha mi, igbenda Na kpaa i gande u tôvon tsôô!

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.