Mbaromanu 10:9 - ICIGHAN BIBILO

⁹ Aluer u pase sha zwa wou wer, Yesu ka Ter, shi u na jighjigh ken ishima you wer, Aôndo nder Un shin mbakpenev yô, ú war.

Mbaromanu 10:9 Iomraidhean Croise

Luka 12:8

Man shi M kaan ne: Hanma or u nana pasem sha ishigh ki iorough, Wan u or kpaa Una pase nan sha ishigh ki mbatyomov mba Aôndo.

YOHANE 9:22

Mbamaren un kaa nahan sha ci u ve lu cian Mbayuda yô; gadia Mbayuda vande zuan zwa kera er, aluer ma or nana pase Un er ka Kristu yô, á dugh nan ken shinagoge kera.

Aerenakaa A Mbaapostoli 16:31

Ve kaa er: Gba nan Ter Yesu jighjigh tsô ú war, we kua ya wou kpaa.

Aerenakaa A Mbaapostoli 2:24

kpa Aôndo nder Un, A sagh mnyoonom ma kuugh kera sha ci u u fetyô u kusun Un ga yô.

Aerenakaa A Mbaapostoli 2:32

Ka Yesu shon ne je, Aôndo nder Un ye, se cii se mba shiada sha kwagh ne.

Aerenakaa A Mbaapostoli 8:36

Tsô mba ngur yemen sha gbenda yô, ve za ar hen mnger. Or u eren tom ken ya u tor la kaa er: Mngerem kpaa man, man ka nyi je i yange u eren mo batisema? [

Mbaromanu 10:10

Gadia ka ken ishima ka i na jighjigh sha u zuan a ishô ye, shi ka sha zwa ka i pase sha u zuan a myom ye.

Mbaromanu 14:11

Gadia i nger er: Ter ngu kaan er: Er Mo M lu u uma ne, ka sha ishigh Yagh hanma inyu ia gure ye, hanma nombor kpaa ua wuese Aôndo.

Mbaromanu 14:9

Ka sha ci u nahan man Kristu kpaa A kpe shi A lu uma ye, ka sha u Una lu Ter u mbakpenev man mbaumav kpaa.

Mbaromanu 4:24

kpa ka sha ci wase kpaa, ka se mba á na se ishô la, se mba se ne Un u A nder Ter wase Yesu shin ku la jighjigh.

Mbaromanu 8:34

Ka an nana ôr ijir nana na ibo? Ka Kristu Yesu A kpe ye, kpa shi i nder Un je, ngu ken uwegh ku yanegh ku Aôndo, ngu sônon sha ci wase kpaa.

1 Mbakorinte 12:3

Nahan yô, m ngu pasen ne sha u fa nen, ma or u nan er kwagh sha Jijingi u Aôndo yô, nana kaa er: Yesu ngu a ifan iyol ga, man shi ma or nana fatyô u kaan er: Yesu ka Ter ga; saa sha Icighan Jijingi.

Mbafilipi 2:11

man hanma nombor kpaa ua pase er Yesu Kristu ka Ter je sha ci u iengem i Aôndo Ter.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Yohane 4:15

Hanma or u nan pase er Yesu ka Wan u Aôndo yô, Aôndo tema ken a nan, nan di kpaa ken Aôndo nahan je.

2 Yohane 1:7

Gadia mbaicughuv kpishi due sha tar, mba pasen er Yesu Kristu va ken iyol i or ga. Ka orcugh, ka Antikristu je la.