Mbaromanu 10:19 - ICIGHAN BIBILO

¹⁹ Nahan shi m ngu pinen mer: Iserael kav ga shinii? Hiihii yô, Mose kaa er: Me na, né gba mba ve lu nongo u ior ga la iwuhe, Me er ishima ia vihi ne a ikurior i lanen kwagh.

Mbaromanu 10:19 Iomraidhean Croise

Yeremia 10:14

Hanma or nan hingir orlanenkwagh, nan ban a mfe; hanma or u nan eren tom sha zenaria nan va ahenge sha ieev mbi nan mbi gban a gba la; gadia ieev mbi nan mbi keren a ker mbila ka kwagh u icughugh je, ma iôôn ngi ken mbi ga.

Yeremia 10:8

Kpa ve imôngo cii, ve lan kwagh ve bume; ityesen i ieev ka kon tsô.

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Mbaromanu 10:18

Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mbaromanu 11:11

Nahan m ngu pinen mer, ve nôngo gbev nahan ve gba ve saa heregh jee? Mayange ga. Mper u ve per tindi la gema na myom va hen atôatyev sha u nan ve iwuhe i gban.

Mbaromanu 11:14

ka sha u nan ityô yam iwuhe i gban sha kwagh ne, i̱ yima mbagenev ken ve.

Mbaromanu 3:26

Lu sha u Una tese perapera Na hen shighe u ainge ne, sha u Una lu u perapera man shi Una na mba ve lu ken jighjigh u nan ken Yesu la ishô kpaa yô.

1 Mbakorinte 1:12

Kwagh u m ver ishima sha mi jim je yô, ka er hanmô wen ka nan kaa er: Mo m ngu or u Paulu, mo di m ngu or u Apolo, mo yô, m ngu or u Kefa, mo ne yagh yô, m ngu u Kristu.

1 Mbakorinte 10:19

M ngu ôron nana? Nagh ku i ne sha akombo la, ka ma kwagha? Shin akombo ka ma kwagha?

1 Mbakorinte 11:22

Nahan yô, ne kera mba a uya mba né ya kwagh ker, né ma kwagh ker gaa? Shin ka nongo u Kristu u Aôndo ne lahan ve ne ne mba ve lu a kwagh ga la iheene? Tsô me kaa ne nana? Me wuese nee? Sha kwagh ne yô, m ngu wuese ne ga.

1 Mbakorinte 12:2

Ne fa, shighe u ne lu atôatyev la, i gba yemen a ven ken akombo a lamen ga la tsô, i za a ven han han kpaa.

1 Mbakorinte 15:50

Kpa, anmgbianev, m ngu ôron ngun nahan mer: inyam man awambe fatyô u yan dyako u tartor u Aôndo ga, kwagh u a lu u hôôn la kpaa, ye dyako u kwagh u hôôn ga la ze.

1 Mbakorinte 7:29

Kpa anmgbianev, m ngu kaan mer, shighe kera vese ga. Hii hegen yô, mba ve lu a kasev kpaa, ve̱ lu er mba a kwase ga yô.

Duteronomi 32:21

Ve kpoghol iwuhe Yam sha kwagh u a lu Aôndo ga je, ve bamem sha akaa a ve a gbilinigh. Mo kpaa Me kpoghol iwuhe ve sha mba ve lu ikurior ga je, me bam ve sha ikurior i lanen kwagh.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

1 Peteru 2:10

Ngise ne lu nongoior ga, kpa hegen ne gema ne hingir nongoior u Aôndo, i zungwen ne mhôônom ga, kpa hegen yô, mba zungwen ne mhôônom.