Mbaromanu 10:18 - ICIGHAN BIBILO

¹⁸ Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mbaromanu 10:18 Iomraidhean Croise

1 Utor 18:10

Mimi je, er TER, Aôndo wou, A lu u uma ne, ma ikurior shin ma tartor henpe terem a de tindin u keren we yô, ngu ga; zum u ka vea kaa un er: Ngu heen ga yô, a kaa a tartor kua ikurior la, ve̱ bum er ve zough a we ga yô.

Upasalmi 19:4

nahan kpaa imo ve samber sha tar sha won cii, kua akaaôron a ve kpaa, zan zan ikighir i tar je. A ver iyange tenti ker;

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Yesaia 24:16

Hii shin ikighir i tar je, se ungwa atsam er: I̱ wuese orperapera. Kpa mo m kaa mer: M ngu saan, kwagh tserem ve! Mbaatsereghev mba eren kwagh sha atseregh, een ka sha atseregh mbaatsereghev ve eren kwagh ye.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Mateu 24:14

Man Loho u Dedoo u tartor ne yô, á ôr u á tser tar, sha u u̱ lu mpase hen akuraior cii; ka zum la man mkur una kuma ye.

Mateu 26:13

Mimi je M kaan ne ne, hanma ijiir i á ôr Loho u Dedoo ne sha won cii yô, kwagh u a er ne kpaa á ter un, sha u umbur un.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Mateu 4:8

Shi diabolo yem a Na sha gôgôwo u taven tsung, tese Un ityartor i sha won cii kua icivir i i,

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Marku 16:20

Ve kpaa ve yem, ve gba za ôron kwaghaôndo sha won cii; Ter kpaa lu eren tom a ve imôngo, lu taver kwaghôron ve sha uivande mba ve ze a ve ityô la.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

Aerenakaa A Mbaapostoli 28:23

Tsô er ve ver un iyange yô, ior kpishi va her a na ape a nyôr la; a gba pasen ve inja i tartor u Aôndo, lu sendegh a ve sha kwagh u Yesu ken atindi a Mose kua uprofeti kpaa, a hii pepe je, iyange kar been.

Mbaromanu 1:8

Hiihii yô, m ngu wuese Aôndo wam sha Yesu Kristu sha ci wen cii, gadia jighjigh wen u nan za gwa sha won cii.

Mbaromanu 15:19

man sha agee a uivande man akaa a kpilighyol man sha agee a Icighan Jijingi kpaa. Nahan hii ken Yerusalem ningir zan zan ar ken Ilirikum m ôr Loho u Dedoo u Kristu m tser.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

1 Mbatesalonika 1:8

Gadia ka her a ven man kwaghôron u Ter hura nyôr ken Masedonia man Akaya tseegh ga, kpa kwagh u jighjigh wen u nan u ne ne Aôndo la, samber ken hanma ijiir cii, je kera gba u se ôr ma kwagh ga.