Mbaromanu 10:16 - ICIGHAN BIBILO

¹⁶ Kpa ka ve cii man ve ver ato sha Loho u Dedoo la ga. Gadia Yesaia kaa er: Tere, ka an nan ne kwagh u nan ongo hen vese la jighjigh?

Mbaromanu 10:16 Iomraidhean Croise

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Yesaia 53:1

Ka an je nan ne kwagh u i pase se la jighjighii? Man i pase uwegh ku TER hen ana?

Mateu 13:14

Nahan kwagh u profeti Yesaia lu ôr la kure sha a ve vough er: M-ongo yô, né ungwa, kpa á wanger ne je ga. Mnenge kpaa né nenge, kpa né kav je ga.

YOHANE 10:26

Kpa ne na jighjigh ga, sha ci u ne lu ken iyôngo Yam ga yô.

Aerenakaa A Mbaapostoli 28:24

Mbagenev na jighjigh sha akaa a i ôr la; kpa mbagenev yô, na jighjigh ga.

Mbaromanu 1:5

Ka hen a Na se ngohol mrumun u sha mhôôn man tom u apostoli ye, sha u akuraior cii a̱ wa jighjigh u nan la iko sha ci u iti Na yô.

Mbaromanu 11:17

Aluer i asegh agbaa a gen man we u u lu angbaa u kon u olev u ken toho ne i va zor u sha ijiir i a, u zua ken mise u zaregh u kon u olev la yô,

Mbaromanu 16:26

Kpa i va a mi ken igbar hegen shi mba pasen un sha uruamabera mba uprofeti hen akuraior cii, sha u a̱ wa jighjigh u nan la iko—

Mbaromanu 2:8

Kpa mba ve hembe wan ayol a ve iko, ve hembe mimi ato ve gem ve ongo imo i iferkwagh yô, Una na ve iyugh man ishima i vihin.

Mbaromanu 3:3

Tsô ka nana? Aluer mbagenev ken ve yan vea lu jighjigh ga yô, mban u jighjigh ve la gema bunde jighjigh u Aôndo?

Mbaromanu 6:17

Kpa i̱ wuese Aôndo er ne lu ikpan i isholibo kpa ne gem ne hingir mbaungwan ityesen i i ne ken ven la sha asema a en je yô.

Mbagalatia 3:1

Kpa! ne Mbagalatia mbalanenkwagh, ka anti nan bum ne, ne mba i tese ne Yesu Kristu u i mande Un sha terankon la sha ashe a en bong ne.

Mbagalatia 5:7

Ne lu yevese dedoo; man ka an nan yange ne u ne kera ungwa imo i mimi la ga ase?

2 Timoteu 1:8

ken igyamusu; Una tsaha mba ve fe Aôndo ga man shi mba ve we Loho u Dedoo u Ter wase Yesu iko ga la kpaa.

Mbaheberu 11:8

Ka sha jighjigh u nan man Aberaham zum u i yila un yô, a wa iko a due a gba yemen hen ijiir i una va ya dyako sha mi la, a due kpa a fa ape a lu zan je ga.

Mbaheberu 4:2

Gadia se kpaa, i ôr se Loho u Dedoo vough er i ôr mbala nahan. Kpa loho la lu ve a inja ga gadia u zua a jighjigh u nan hen ve mba ve lu ungwan la ga.

Mbaheberu 5:9

Er A hingir vough yô, A hingir itine i myom u tsôron sha ci u mba ve ongo imo Na la cii.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 2:8

man shi: Ka iwen i keman nguhar sha mi man vande u nôngon gbev sha mi. Ka ve mba ve nôngo gbev sha ci u ve we kwaghôron u Aôndo iko ga la, man ka sha kwagh la je i vande veren ve kpaa ye.

1 Peteru 3:1

Nahan yô, ne kasev di kpaa ungwan nen imo i noov enev sha er aluer mbagenev ken ve, vea lu mbawan kwaghôron u Aôndo iko ga je kpa, á urugh ve sha mlu u kasev vev la, á kera lu sha kwaghôron kpee ga,