Mbaromanu 10:15 - ICIGHAN BIBILO

¹⁵ Man shi á er nan man vea ôr kwaghaôndo aluer a tindi ve ga yôô? Kape i nger la er: Angahar a mbayôôn loho u akaadoon la a doo tsô!

Mbaromanu 10:15 Iomraidhean Croise

Yesaia 40:9

Unde sha uwo u taven, we Shion u u yee loho u dedoo ne; genger imo taver taver, we Yerusalem u u yee loho u dedoo ne, genger imo de cie ga, kaa agar a Yuda wer: Nenge, Aôndo wen Ngun!

Yesaia 52:7

Angahar a or u nan ve a loho u dedoo, a doo u nengen a mi sha iwo tsô, u nan yee bem, u nan ve a loho u dedoo, u nan yee myom, man nan kaa a Shion er: Aôndo wou ya tor!

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yeremia 23:32

Nenge, M ngu num a mba ve er mnyam ma cien la, kape TER A kaa ne, man ve pasen ma, ve ne ior Av ve tsum sha aie ve, kua kwaghôron ve u sha ihagher la; nahan kpaa, Mo M tindi ve ga, M na ve zwa kpaa ga; man shi vea lu ior mban a ma inja je ga, kape TER A kaa ne.

Nahum 1:15

Nenge sha iwo, angahar a or u van a loho u dedoo, or u yôôn bem! Er uiniongo ou, we Yuda, kure uiceghzwa ou, gadia orifer la una kera kar ker atô wou ga; i tim un kera puru.

Mateu 9:38

Nahan yô, sôn nen Ter u sunda, A tindi mbatomov ken sunda Na.

Luka 10:1

Ken masejime u akaa ne Ter shi ver mbagenev akunduatargber, tindi ve uhar uhar er, ve̱ hira hemen ve̱ za hen hanma gar man hanma idiôya i i lu Un ka zan her la yô.

Luka 2:10

Kpa ortyom la kaa a ve er: De cie nen ga, gadia m va ne a loho u dedoo u iember i vesen u ua lu sha ci u ior cii;

Luka 2:14

I̱ wuese Aôndo Sha, shin tar yô, bem a̱ lu sha ior mba i doon Un a ve la.

Luka 8:1

Tsô ayange nga kar ciôn yô, A gba zenden nyôron ken agar a tamen man angarev mba kiriki, lu ôron kwaghaôndo, pasen Loho u Dedoo u tartor u Aôndo; mba pue kar uhar lu a Na ityô,

YOHANE 20:21

Tsô Yesu shi kaa a ve er: Bem a̱ lu sha a ven. Er Ter A tindim yô, Mo kpaa M ngu tindin ne nahan.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 13:26

Ne anmgbianev, ne ônov mba ken tsombor u Aberaham man ne mba ne cie Aôndo cii, ka her a vese je i tindi a loho u myom ne ye.

Aerenakaa A Mbaapostoli 22:21

A gema A kaa a Mo er: Mough, gadia tindin Yam we ken atôatyev ica je.

Aerenakaa A Mbaapostoli 9:15

Kpa Ter kaa a na er: Gba zan tsô, gadia un ka ikagh ki i tsegh ki sha ci Wam sha u una zende a iti Yam sha ishigh ki atôatyev man utor kua Mbaiserael kpaa yô.

Mbaromanu 1:15

Ka nahan man i hangem pe ôron ne mba ne lu ken Roma Loho u Dedoo kpee ye.

Mbaromanu 15:20

M ver ishima mer me kera ôr Loho u Dedoo ape i vande teren Kristu la ga, sha u m̱ de maan sha imagh ki orgen ga yô.

Mbaefese 2:17

Man A va a Loho u Dedoo A yôô bem sha ci wen mba ne lu ica man bem sha ci u mba ve lu ikua ikua kpaa.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbaefese 6:15

man wa nen akôv shin angahar, ka mkoholyol u sha ivangeli i bem je la.

1 Peteru 1:12

I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.