Mbaromanu 10:12 - ICIGHAN BIBILO

¹² Mkposo ngu hen Oryuda a Orgrika je ga, gadia ka Ter môm je A lu u ve cii ye, shi A ngee a akaa sha ci u mba ve yer sha iti Na la cii.

Mbaromanu 10:12 Iomraidhean Croise

Upasalmi 145:18

TER ngu ikua ikua a mba ve yer Un cii, mba ve yer Un sha mimi la cii.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Aerenakaa A Mbaapostoli 7:59

Ve ta Sefanu awen, lu yilan kaan er: Ter Yesu, ngohol jijingi wam!

Aerenakaa A Mbaapostoli 9:14

Heen kpaa ngu a tahav mbu a ngohol hen upristi mba tamen sha u una kange mba ve yer sha iti You la cii yô.

Mbaromanu 14:9

Ka sha ci u nahan man Kristu kpaa A kpe shi A lu uma ye, ka sha u Una lu Ter u mbakpenev man mbaumav kpaa.

Mbaromanu 15:12

Man shi Yesaia kpaa kaa er, Mise u Yese Una va, ka Un u Una mough Una ya tor sha atôatyev la, ka sha a Na man atôatyev aa veren ishima aa keghen ye.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Mbaromanu 3:22

ka perapera u Aôndo u sha jighjigh u i ne [Yesu] Kristu la, sha ci u ve mba ve ne jighjigh la cii, gadia mkposo ngu ga.

1 Mbakorinte 1:2

mba sughun nongo u Kristu u Aôndo u u lu ken Korinte la, mba i tsegh ve ken Kristu Yesu, mba i yer ve er ve̱ lu uicighanmbaiorov a mba ve yilan sha iti i Ter wase Kristu la imôngo cii, sha hanma ijiir cii, ka Ter ve man Ter wase kpaa;

1 Mbakorinte 15:47

Or u hiihii la ka u shin tar, ka shin inya je i dugh nan ye, Or u sha uhar la yô, ka Sha A dugh ye.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je

Mbaefese 2:7

Ka sha u ken ayange a a lu van ken hemen la Una pase mrumun Na u sha mhôôn u a ngee yum, a hemba sha won la, sha a vese ken Kristu Yesu.

Mbaefese 3:16

M ngu sônon mer, A̱ na ne sha iengem Na i ngeen yum la, i̱ taver ne ne̱ lu a agee sha Jijingi Na ken uma u ken semayolough,

Mbaefese 3:6

er atôatyev kpaa a lu mbayandyako imôngo man iyol i môm man nongo môm a vese sha ityendezwa i ken Kristu Yesu sha Loho u Dedoo.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbafilipi 2:11

man hanma nombor kpaa ua pase er Yesu Kristu ka Ter je sha ci u iengem i Aôndo Ter.

Mbafilipi 4:19

Aôndo wam Una na sha hanma gbayol wen vough sha inja i mngee u A ngee a akaa ken iengem ken Kristu Yesu.

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

Mbakolose 3:11

Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.

1 Timoteu 2:5

Gadia Aôndo ngu môm tsô, Orhimen u her atô u Aôndo a ior kpaa ngu môm, ka or, ka Kristu Yesu

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.