Mbaromanu 10:10 - ICIGHAN BIBILO

¹⁰ Gadia ka ken ishima ka i na jighjigh sha u zuan a ishô ye, shi ka sha zwa ka i pase sha u zuan a myom ye.

Mbaromanu 10:10 Iomraidhean Croise

Marku 9:23

Yesu kaa a na er: Aluer wea fatyô yô, akaa cii a kôrcio hen or u nan ne jighjigh la.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Aerenakaa A Mbaapostoli 8:37

Filibu kaa er: Aluer u na jighjigh a ishima i môm yô, á fatyô. A gema a kaa er: M na jighjigh er Yesu Kristu ka Wan u Aôndo je.]

Mbaromanu 10:11

Gadia icighanruamabera ngu kaan er: Hanma or u nan ne Un jighjigh yô, nana va ahenga ga.

Mbaromanu 10:9

Aluer u pase sha zwa wou wer, Yesu ka Ter, shi u na jighjigh ken ishima you wer, Aôndo nder Un shin mbakpenev yô, ú war.

Mbagalatia 2:16

Se fa or gbe zuan a ishô sha aeren a sha tindi ga, kpa ka sha jighjigh u nan ken Kristu Yesu. Man se ayol a ase kpaa se na Kristu Yesu jighjigh, sha u ma i ne se ishô sha jighjigh u nan u ken Kristu, i kera lu sha aeren a tindi ga. Gadia sha aeren a tindi yô, ma or u umace nana zua a ishô ga.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbaheberu 10:22

Nahan yô, se kporom nen a ishima i mimi, man a jighjigh u nan u lun a akpelan je ga er i mishi asema ase, i wanger imo i bo i ken ishima la kera, shi i ôô ayol a ase sha mngerem ma wang kpaa yô.

Mbaheberu 3:12

Ver nen ishima, anmgbianev, sha u boshima u nan jighjigh ga a̱ de luun ken hanmô wen sha u né undu Aôndo u uma ga.

1 Yohane 4:15

Hanma or u nan pase er Yesu ka Wan u Aôndo yô, Aôndo tema ken a nan, nan di kpaa ken Aôndo nahan je.

Mpase U Yohane 2:13

M fa henpe u tem ka henpe ikônough ki torough ki Satan ki lu je la, nahan kpaa u kusu iti Yam gbang gbang, u nyiman jighjigh u nan Mo la ga, shin sha ayange a Antipa orshiada Wam u jighjigh la kpaa, un u i wua un hen ven, henpe Satan a tem la.