Mbaromanu 1:30 - ICIGHAN BIBILO

³⁰ man mbatuhwanior man mbakôron Aôndo ihom man mbacihinkwagh man mbagengeseyol man mbahagher sha kwaghôron man mbadughun aeren a bo man mbahemban mbamaren vev ato

Mbaromanu 1:30 Iomraidhean Croise

1 Utor 20:11

Nahan tor u Iserael gema kaa er: Za kaa un: Or u nan kange a kange iyol i utya yô, nana̱ de te ihagh er or u nan vande eren ikav kera la ga.

2 Kroniku 19:2

Ornengenakaa Yehu wan u Hanani, due va kegh un gbenda, a kaa a tor Yehoshafati er: Doo u ú wasen mbaafereve, man mba kôron TER ihom kpaa ve̱ doo u ishimaa? Sha ci u kwagh ne yô, iyugh i TER ngi van sha a we.

2 Kroniku 25:19

U fa wer, u hemba Edom; nahan ishima i gengese we wer, ú ker icivir yô. Gba teman hen ya wou gir gir tsô, inja na nan man ú kumbur ú ve a kwaghbo sha iyol you, ú va gba, kua Yuda imôngo?

Upasalmi 10:3

Gadia orifer ka a ta ihagh sha kwagh u isharen i ken ishima na, a ver oreren hua doo doo, a gema a laha TER.

Upasalmi 106:39

Kape ve hôngor sha aeren a ve la, ve gba eren idya sha aeren a ve la;

Upasalmi 49:6

Ka mba ve suur sha inyaregh vegh je la, ve ta ihagh sha inyaregh vegh ki ngeen la.

Upasalmi 5:5

Mbaihaghev vea tile U sha ishi ga; mbaerenafer cii U vende ve.

Upasalmi 52:1

We, orageegh, ka nyi man u manger sha kwaghbo nahana? Erdoo u Aôndo ngu her zan zan.

Upasalmi 81:15

Mbaihomov mba TER kpaa ma ve ve hen a Na agurenu, ican i i er ve la, ma i tser gbem sha won.

Upasalmi 94:4

Mba lamen, ôron kwagh sha imanger; mbaerenafer cii mba er kwagh sha ihagh.

Upasalmi 97:7

Mba ve civir ieev cii, ve va ahenge, mba ve manger sha agbilinakaa la; mbaaôndo cii mba gur mba civir Un.

Upasalmi 99:8

U rumun imo ve, TERE, Aôndo wase, U lu ve Aôndo u den ve asorabo, shin er U or iyev sha aeren a ve a bo nahan kpaa.

Anzaakaa 24:8

Or u nan veren ishima sha u eren ifer yô, ior vea yila nan er, oratsereghegh.

Anzaakaa 25:23

Ahumbe a ken imbusutarimese ka a va a ura, kape nombor u angeregh kpaa u ve a ishigh ki yuwen la.

Anzaakaa 30:17

Ishe i i naha ter u i tar, man ii laha u wan ngô u i iko yô, ugugôô mba shin pev vea dugh i, ônov mba gafa kpaa vea ya i.

Anzaakaa 8:36

Kpa or u nan karem kpe yô, nan ngu vihin uma u nan iyol i nan je; mba ve vendem cii, ka ku u doo ve ye.

Orpasenkwagh 7:29

Nenge, ka kwagh ne tseegh m zough a mi ye: Aôndo er or dedoo, kpa mba keren u eren akaa sha ayom yum.

Esekiel 14:5

sha u Me kôr asema a ya u Iserael, gadia ve cii ve pav a Mo sha akombo a ve la.

Esekiel 22:7

I civir ter man ngô ken a we ga; shiror kpaa i er nan ican, ken a we; ancôghol man kwasecôghol kpaa i nzughul a ve ken a we.

Numeri 10:35

Zum u areki una mough una gba yemen yô, Mose a kaa er: Mough sha TERE, i̱ sambe mbaihomov Ou; mba ve ker U ihom ve̱ yevese ve̱ kar sha ishigh You kera.

Mateu 15:4

Gadia Aôndo kaa er: Civir teru man ngôu; man u nana tuhwa ter shin ngô yô, nana kpe keng.

Mateu 16:21

Hii hen shighe la je, Yesu hii u pasen mbahenen Nav er, ka u Una za hen Yerusalem keng je yô, Una ya ican sha akaa kpishi sha ikev i mbatamen man upristi mba tamen kua mbangeren man á wua Un, kpa sha iyange i sha utar la á nder Un.

Luka 21:16

Kpa mbamaren enev man mba ve lu ngô môm a ven man ityô yen man akar a en kpaa, vea na ne ken ijir, á wua mbagenev ken a ven kpaa.

YOHANE 7:7

Tar fatyô u kôron ne ihom ga; kpa Mo yô, u kôrom ihom sha ci u M pasen kwagh u u Mer, aerenakaa a u ka a bo yô.

Aerenakaa A Mbaapostoli 5:36

Gadia sha ayange a a kar la Teuda mough, yila iyol na er un ngu ma kwagh je; ior mbagenev nyôr nongo a na, iyenge ve lu er deri unyiin nahan. I wua un, nahan mba ve ungwa imo na cii, i num ve, ve kera lu ma kwagh ga.

Mbaromanu 2:17

We yô, u rumun wer i̱ yila u er Oryuda man shi u suur sha atindi shi u wuese wer u ngu a Aôndo,

Mbaromanu 2:23

We u u wuese wer u ngu a atindi ne u gema u ngu lahan Aôndo sha tindi u peren wouwee?

Mbaromanu 3:27

Tsô ihagh i tan shi ngi hana? I kar a mi sha. Lu sha hanma tindi? Lu sha tindi u aeren la shinii? Ei, lu sha tindi u jighjigh u nan.

2 Mbakorinte 10:15

Se mba karen ikaa inya ga, se mba tan ihagh sha tom u mbagenev ve eren tsung la kpaa ga, kpa m ngu veren ishima mer, er jighjigh u nan wen una seer yô, ian yase i ken a ven kpaa ia seer,

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

Duteronomi 27:16

Ifan i̱ kôr or u nan laha ter shin ngô u nan la. Ior cii ve̱ rumun er: Amen.

Duteronomi 7:10

oron iyev sha mba ve ker Un ihom sha ishiv vev je, timin ve; Una de or u nan ker Un ihom ga, Una or iyev sha nan sha ishigh ki nan je.

2 Timoteu 2:4

Ka orhendan u kenden a iyol na sha er un hemba hanma kwagh u i yer un er Aôndo man hanma kwagh u i civir un la kpaa zan zan una tema ken tempel u Aôndo, una yôô er ka un je un lu Aôndo ye.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:2

Gadia ior vea hingir mbawan ayol a ve iko tseegh man mba inyaregh ki doo ve ishima man mbahagher sha akaa man mbagengeseyol man mbaôron kwagh dang dang, man mbahemban mbamaren vev ato man mbalun a ishughun ga man mbalun wang ga,

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

Yakobu 3:5

Kape nombor kpaa u lu anlyegh u kpeghee kpa u hagher sha uzegembaakaav je la. Nenge anusu kpeghee kpaa ka a nande ingbaikon yô.

Yakobu 4:16

Kpa hegen yô, ne mba tan ihagh sha imbwase yen i kaan. Imbaihagh ne cii ka ifer je.

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.

Yuda 1:16

Mban ka mbagbanahon mba ma kwagh a kom ve ga, mba zenden sha asaren a ve ayol a ve, ijô ve ngi hagher sha akaaôron, mba nyohon zwa sha u zuan a mtsera.