Mbaromanu 1:25 - ICIGHAN BIBILO

²⁵ Ve daa mimi u Aôndo ve ver aie. Ve civir kwagh u i gbe un a gba, ve er un tom kpaa, kera lu Un u A gbe akaa la ga, man ka Un u i lu wuese Un gbem sha won ye.

Mbaromanu 1:25 Iomraidhean Croise

Upasalmi 72:19

man shi i̱ wuese iti Na i dion tsung gbem sha won; tar cii u̱ iv a iengem Na. Amen, man shi Amen kpaa.

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Yeremia 13:25

Ka kwar wou je ne, ka kwar u u zough a mi her a Mo ne, kape TER A kaa ne, sha ci u M hungul we man u gema u lian sha aie yô.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Amoshi 2:4

TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

Habaku 2:18

Eev mbu gban a gba, mbu or nan gbe mbu la, mbu a inja sha nyi? man shi eev mbu haan, mbu mbu lu ortesen u aiegh la, or u nan gbe mbu la nan gem nan suur sha kwagh u nan gbe la, or ka nan gba ieev mbi gbiliniv mbi fan ityô u lamen ga!

Mateu 10:37

Or u ter u nan shin ngô u nan a hembe doon nan ishima a Mo yô, nan kumam ga; man shi or u wan u nan u nomso shin u kwase a hembe doon nan ishima a Mo yô, nan kumam ga;

Mateu 6:24

Or môm môm ngu u nana fatyô u eren uter uhar tom ga; gadia nana kôr ugen ihom, ugen á doo nan ishima, shin nana var ken ugen, nana laha ugen. Ne fatyô u eren Aôndo tom kua inyaregh kpaa ga.

YOHANE 2:8

A kaa a ve er: Kese nen hegen, za nen a mi hen oriniongo; tsô ve tôô.

Mbaromanu 1:18

Ka Sha man i lu pasen iyugh i Aôndo ye. Ngi van sha hanma mvende u i lu vendan Aôndo man sha hanma ifer i ior mba ve lu kighir mimi inya sha kwagh u ifer la;

Mbaromanu 1:23

Ve daa iengem i Aôndo u tsôron kera ve ver eev mbu mbu bee or u nan lu kwagh u kpen la, man shi eev mbu inyon man uzendenya man akaa a kpelan iyav inya kpaa.

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

2 Mbakorinte 11:31

Aôndo Ter u Ter Yesu Kristu u i wuese Un gbem sha won ne, A fa er i lu aie m eren ga yô.

Mbaefese 3:21

Icivir i̱ lu i Na ken nongo u Kristu man ken Kristu Yesu sha ikov ikov gbem sha won.

1 Mbatesalonika 1:9

Gadia ve ayol a ve je kpaa mba ôron kwagh wase sha injamnyer i se nyôr her a ven, man er ne gema her Aôndo, ne undu akombo, sha u né eren Aôndo u uma man u mimi la tom,

1 Timoteu 1:11

Ka sha inja i Loho u Dedoo u iengem i Aôndo u i wuese Un la u i nem sha ikev la.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:4

man mbapasen ior aker man mbawan uma ve iko ga man mbamoronyol a ve man mba iember i iyolough i hembe doon ve a Aôndo la.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.