Mbaromanu 1:14 - ICIGHAN BIBILO

¹⁴ M ngu a injô iyol hen Mbagrika kua atôatyev kpaa, man shi hen mbafankwagh kua mbalanenkwagh cii.

Mbaromanu 1:14 Iomraidhean Croise

Anzaakaa 1:22

Ne mbalanenkwagh, ka hanma shighe je lanegh kua de saren ne; man mbapuunakaa kpaa kwaghpuun una de doon ve; abumeaior kpaa aa de u vendan mfe?

Anzaakaa 8:5

Ne mbalanenkwagh, fa nen u eren sha uee; ne abumeaior kpaa, fa nen u eren sha inja.

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Luka 10:21

Hen shighe la A ember ken Icighan Jijingi, A kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô; een Tere! kape i doo U ken ishima je la.

Aerenakaa A Mbaapostoli 22:21

A gema A kaa a Mo er: Mough, gadia tindin Yam we ken atôatyev ica je.

Aerenakaa A Mbaapostoli 28:2

Ior i heregh la ve er a vese doo je cier iyol, gadia ve keer se usu, ve kua a vese cii sha ci u ura lu nôôn, wuhe kpaa kôr yô.

Aerenakaa A Mbaapostoli 28:4

Man er ior mbala nenge bokwagh la shil un sha uwe nahan yô, ve kaa ayol a ve er: Or ne ka orwuanor keng; shin er a war zegemnger nahan kpaa, ijirôron de un er a̱ war ga.

Aerenakaa A Mbaapostoli 9:15

Kpa Ter kaa a na er: Gba zan tsô, gadia un ka ikagh ki i tsegh ki sha ci Wam sha u una zende a iti Yam sha ishigh ki atôatyev man utor kua Mbaiserael kpaa yô.

Mbaromanu 1:22

Ve kaa er, ve mba mbafankwagh kpa ve hingir abumeaior.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 12:16

Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga.

Mbaromanu 13:8

De luun ma or a ma injô ga saa di mdoo u ma ne doo ayol a en la tseegh tsô, gadia or u orgen nan doo nan ishima yô, nan kura atindi ve.

Mbaromanu 16:19

Iko yen i wan la i fa i sha won cii, ka nahan man m lu ember sha kwagh wen ye. Kpa sarem ka lu nen mbafankwagh sha kwagh u a lu u dedoo yô, kpa gema lu nen wang sha kwagh u bo la.

Mbaromanu 8:12

Nahan yô, anmgbianev se mba mbayananzô kpa ka sha kwagh u iyolough er shi sé lu uma sha inja i iyolough nahan ga.

1 Mbakorinte 14:11

Nahan aluer me kar inja i ikenge la ga yô, me hingir or u ôron kwagh la er ortyôtyev nahan man or u ôron kwagh la di kpaa nana hingir mo er ka ortyôtyev nahan.

1 Mbakorinte 14:16

A lu nahan ga yô, wea sughun sha jijingi yô, á er nan man u nan lu sha ian i fan kwagh la ga la, nana rumun er, “Amen” sha ishughun you laa? Gadia nan fa kwagh u u lu ôron la ga.

1 Mbakorinte 2:13

Ka a je se lu ôron ye, ka sha asemberakaa a mfe u or a tesen la ga, kpa ka a Jijingi A tesen yô, nahan se mba karen akaa a jijingi sha akaa a jijingi.

1 Mbakorinte 3:18

Ma or nana̱ de tsughun iyol i nan ga. Aluer anti or u ken a ven nan ngu henen er nan ngu orfankwagh ken kov u ainge ne yô, nana̱ hingir ibumeor, man nana fa kwagh ye.

2 Mbakorinte 10:12

Gadia se mba cihin u wan ayol ase ken mbagenev mba ve lu wuese ayol a ve la ga, shin u karen ayol a ase sha a ve tsô kpaa ga. Mba eren gesa ayol a ve, mba karen ayol a ve hen ayol a ve, mba kaven kwagh ga.

2 Mbakorinte 11:19

gadia ne mba wan ishima a abumeaior saan saan je er ne lu mbafankwagh yum yô.

Mbakolose 3:11

Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:10

Ka nahan man m we ishima sha akaa cii ye, sha ci u uicuwanmbaiorov, sha u ve kpaa, ve̱ zua a myom u ken Kristu Yesu la kua iengem i tsôron.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.