Mbakolose 4:6 - ICIGHAN BIBILO

⁶ Kwaghôron wen a̱ luun u doon gbem, u i we bar shi mi yô, sha u fa nen er i doo u nea ôr kwagh a hanma or yô.

Mbakolose 4:6 Iomraidhean Croise

1 Kroniku 16:24

Pase akuraior iengem Na, man akaa a Na a kpilighyol kpaa, pase a hen ior cii.

Upasalmi 105:2

Wa icam ter nen Un, wa nen atsam a wuese Un, ôron nen kwagh u akaa Na a kpilighyol cii.

Upasalmi 119:13

Ka sha zwa wam je, m pase akaaôron a jirigh a sha zwa Wou la cii ye.

Upasalmi 119:46

Me ôr kwagh u mbampase Ou sha ishigh ki utor kpaa, kunya ua kôrom ga.

Upasalmi 45:2

U hemba doon ashe a ônov mba iorov; akaaôron a doon nga dugh ken zwa Wou, ka nahan man Aôndo A ver U doo doo gbem sha won ye.

Upasalmi 66:16

Ne mba ne cie Aôndo cii, va, va ungwa nen, me pase ne kwagh u A er sha ci u uma wam yô.

Anzaakaa 10:21

Ityumbuzwaagh i mbaperapera ngi koson ior kpishi, kpa abumeaior yô, nga kpe sha ci u mban u mkav.

Anzaakaa 15:4

Nombor u bem ka kon u uma je, kpa u u lu dang la yô, ngu ne ishima i yinan.

Anzaakaa 15:7

Ityumbujôôgh i mbafankwagh ngi samber a mfe, kpa ishima i abumeaior yô, ngi vough ga.

Orpasenkwagh 10:12

Akaaôron a sha zwa u orfankwagh ka a doo ken ato, kpa ityumbuzwaagh i ibumeor ia mena iyol i nan.

Esekiel 43:24

Va ver ve sha ishigh ki TER, upristi ve̱ haa bar sha a ve, ve̱ na TER nagh ku nanden sha mi.

Levitiku 2:13

Hanma nagh ough ku sha samuyia yô, ú wa bar sha mi; bar u ikuryan i Aôndo wou a̱ de banen sha nagh ough ku sha samuyia ga; iniav youv cii, i̱ va a mbi a bar imôngo.

Mateu 5:13

Ne mba bar u tar; kpa aluer bar una kera nyoho ga yô, ka sha nyi je á sôr unu? Una kera lu a inja sha ma kwagh je ga, á gba haan kera tsô, ior á ndyar angahar.

Marku 9:50

Bar doo, kpa aluer bar una kera nyoho ga yô, ka sha nyi né shi né sôr unu? Lu nen a bar ken a ven je, man lu nen bem bem ayol a en.

Luka 4:22

Tsô ve cii ve wuese Un, gba kpiligh ve iyol sha akaaôron a dedoo a a dugh ken zwa Na yô, ve kaa er: Shin ka Wan u Yosev ne ga ase?

Mbaefese 4:29

Ma kwaghôron u dang a̱ de dugh ken zwa wen ga, saa di u doon u una fatyô u maan a maa kwagh ape kwagh a gbe sha mi yô, nahan mba vea ungwa kpaa vea zua a mrumun u sha mhôôn.

Duteronomi 11:19

Man tesen ônov ou a, ôron kwagh u a, zum u wea tema hen ya wou, man zum u wea zenden sha gbenda, man zum u wea yav inya man zum u wea moughon sha kpaa.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

1 Peteru 3:15

Kpa gema tsegha nen Kristu ken asema a en, A̱ lu Ter, waan nen ago iyol veren nen a ver sha u né na imo sha mpin u hanma or u nana pine ne ityôikaa i ishimaverenkeghen i i lu ken a ven la, kpa i̱ lu sha ishima i legh legh man sha mcie kpaa.