Mbakolose 3:8 - ICIGHAN BIBILO

⁸ Kpa hegen yô, dugh nen akaa ne kera: iyugh man ishima i nyoon man ifer man ityuhwanev man kwaghôron u dang ken zwa wen.

Mbakolose 3:8 Iomraidhean Croise

Upasalmi 37:8

De ishima i nyoon, de iyugh; ishima i̱ de vihin we ga, ka u nan or, ifer i eren tsô.

Anzaakaa 17:14

Mhii u num yô, ngu er ka a na mngerem ian ma a ande yô, nahan yô, de anyimanaikaa, je er a lu a hingir num ga la.

Anzaakaa 19:19

Or u nyoon ishima yum, nana tôô ibo, gadia aluer u yima un kpaa, ú shi ú va yima un keng.

Anzaakaa 29:22

Or u nyoon ishima fefa, nan ne num; or u yuwen di kpaa nan peren atindi kpishi.

Mateu 5:22

Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Marku 7:22

man shi ivaa i vihin sha idya, man u tômon akaa, man afer a eren a dang, man icugh, man u kôron iyol tsaha ga, man iwuhe, man angereke, man ityough ki kehen, man ibumegh ve dugh ye.

Mbaromanu 13:13

Se zenden nen sha inja, i̱ lu sha inja i atetan, i̱ de lu sha iniongo i msôr shin msôrom ma hunden ga, i̱ de lu sha idya shin ijimba i eren ga, i̱ de lu sha iyongo shin iwuhe i eren kpaa ga.

1 Mbakorinte 3:3

gadia ne mba mbaiyolov heregh di tsô, gadia aluer iwuhe man iyongo vea lu her a ven yô, kera ka mbaiyolov ne lu, man kera ka sha inja i or ne zenden gaa?

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

Mbagalatia 5:15

Kpa aluer ne nyuma ayol a en, ne ya ayol a en yô, ver nen ishima sha er né mena ayol a en ga yô.

Mbagalatia 5:20

man u civir akombo man ahir a eren man ihom i kôron man iyongo i keren man iwuhe man ishima i nyoon man u wan iyol you iko tseegh, man u hendan akaa, man mbampav,

Mbagalatia 5:26

Se̱ de kera tan ihagh sha ayol a ase ga, shi se̱ de vemben ayol a ase man se̱ de eren iwuhe ayol a ase kpaa ga.

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Mbaefese 4:25

Nahan yô, dugh nen aie kera, hanma or nana̱ ôron kwagh sha mimi a or u nan we ndor a nan yô gadia se mba alegh ayol a ase.

Mbaefese 4:26

Nyoon nen ishima, kpa de eren nen isholibo ga, iyange i̱ de been ne a ishima i vihin her ga.

Mbaefese 4:29

Ma kwaghôron u dang a̱ de dugh ken zwa wen ga, saa di u doon u una fatyô u maan a maa kwagh ape kwagh a gbe sha mi yô, nahan mba vea ungwa kpaa vea zua a mrumun u sha mhôôn.

Mbaefese 5:4

Hwanger man kwaghôron u sha beer man asenge a doon ga la cii, a̱ de luun ken ven ga, guda yô, i̱ lu iwuese.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

Mbakolose 3:9

De eren nen aie hen ayol a en ga gadia ne dugh tseor kua aeren a na la kera,

1 Timoteu 1:13

shin er yan m lu or u ityuhwan, man or u tôvon mbagenev a ican man shi ipilaor nahan kpaa. Kpa i zungwem mhôônom gadia m lu eren sha lan man sha jighjigh u nan ga kpaa.

1 Timoteu 1:20

Himeneu man Alekesander kpaa mba ken ve. Ve yô m na ve sha ikev i Satan sha u i̱ tese ve, ve̱ de ityuhwanev.

Mbaheberu 12:1

Nahan yô, se kpaa er ikpela i mbashiada i vesen ve kase se yô, sé shir nen hanma ikav kua isholibo i ka i tseren se abur abur la, sé gba nen ayem sha ishima i taver tsung sha gesa u ayemegh u i ver se sha ishi la.

Yakobu 2:7

Kera ka ve je ve lu tuhwan iti i doon i i yer ne a mi la ye gaa?

1 Peteru 2:1

Nahan undu nen hanma ifer man hanma icugh man imanger man iwuhe man angereke cii kpaa,

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.

2 Peteru 2:7

Man A yima Loti or u perapera u a ya ican ken ishima tsung sha ci u ijimba i eren i mbaaferev mbala.

Yuda 1:13

Ka agôndo a zegemnger a yemen iuuu, ka ve mbua hugh sha kunya ve ayol a ve, ka asan a tsumen gbenda, ka ior mba i ver angôghime sha ci ve gbem yô.

Yuda 1:8

Mban kpaa ka sha gbenda shon môm môm ne ve lu hôngor ayol a ve sha mnyam ma cien, ve lu vendan mbautahav, ve lu tuhwan mba ve engem la ye.

Mpase U Yohane 16:9

Tsô ior hia sha mtsee u taveraa la, ve gba tuhwan iti i Aôndo u A lu a tahav sha atsan angan, ve kera gema asema, ve na Un icivir ga.