Mbakolose 3:23 - ICIGHAN BIBILO

²³ Hanma kwagh u ne eren cii yô, eren nen un, i̱ lu sha ishima i môm er ka sha ci u Ter nahan, i̱ de kera lu sha ci u ior ga,

Mbakolose 3:23 Iomraidhean Croise

2 Kroniku 31:21

Hanma tom u a kôr ave sha mi u eren yô, u ken iyou i TER, man sha atindiakaa kua atindi cii, sha u keren Aôndo na yô, a er u sha ishima na i môm je, a kure u dedoo kpaa.

Upasalmi 103:1

Wuese TER, we uma wam; kwagh u a lu ken mo cii kpaa, a̱ wuese icighanti Na.

Upasalmi 119:10

M ker U a ishima yam cii, de deen mo, m̱ undu atindi a Ou ga.

Upasalmi 119:145

M yila a ishima yam cii, ungwam TERE! Me kuran akaawan a Ou la.

Upasalmi 119:34

Nam mkav, m̱ kuran atindiakaa a Ou, m̱ waan a iko a ishima yam cii.

Orpasenkwagh 9:10

Hanma kwagh u uwegh ough ku zough a mi u eren yô, er un sha agee ou je, gadia ma tom shin mhen shin mfe shin kwaghfan mba shin Sheol henpe u ze la ga.

Yeremia 3:10

Nahan kpaa, anngô na u kwase Yuda, u a lu a jighjigh ga la, hide her a Mo, kpa ka sha ishima i môm ga, ka sha igyer tsô, kape TER A kaa ne.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mbaromanu 14:6

Or u nan ver ishima sha iyange kpaa ka sha ci u Ter nan veren ishima ye, or u nan ye kpaa ka sha ci u Ter nan lu yan ye, gadia nan sughun Aôndo. Or u nan ye ga la kpaa, ka ken Ter nan ye ga ye, nan sughun Aôndo kpaa.

Mbaromanu 14:8

Gadia shin sea lu uma, kpa ka sha ci u Ter se lu uma ye, shin sea kpe kpaa, ka sha ci u Ter se kpe ye, nahan yô, shin sea lu uma shin sea kpe kpaa se mba kwagh u Ter.

Mbaefese 5:22

Kasev, ungwan nen imo i noov enev er ka Ter nahan.

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 2:13

Waan nen hanma tindi u ior ve we la iko sha ci u Ter—shin a lu tor u a hembe cii,

1 Peteru 2:15

Gadia ishima i Aôndo yô, kape i lu ne, ka u né eren dedoo man né cir abumeaior zwa sha lanegh vegh ye.