Mbakolose 3:16 - ICIGHAN BIBILO

¹⁶ Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

Mbakolose 3:16 Iomraidhean Croise

1 Utor 3:28

Tsô Iserael cii ungwa agwa, er tor a kur ijir la yô; nahan ve cia tor, gadia ve kav er kwaghfan u Aôndo a lu ken a na sha u ôron ijir yô.

1 Kroniku 25:7

Kohol iyenge ve cii a anmgbianev vev imôngo, mba i tese ve atsam a wan wuese TER, ka mba ve fa dedoo je la, ve lu deri uhar man akunduanyiin kar anigheni.

Nehemia 12:46

Gadia hii sha ayange a Davidi man Asav, tsuaa la je, orhemen u mbawanatsam lu, kua atsam a wuese man a sughun Aôndo kpaa.

Yobu 23:12

M hide ijime sha tindi u sha zwa Na kpaa ga; m wa akaaôron a Na iko, je hemba kwaghyan wam kpaa.

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 119:54

Akaawan a Ou hingir mo atsam a wan, hen ya u m lu shiror her la.

Upasalmi 138:1

Me wuese We a ishima yam cii, me wa atsam a wuese We sha ishigh ki mbaaôndo je.

Upasalmi 28:7

TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

Upasalmi 32:7

Ka We, U lu ijiir yam i yeren ye, U kuram sha mzeyol, U kasem a atsam a myom. Sela.

Upasalmi 71:23

Zwa wam ua ember tsung je zum u me wa atsam a wuese We yô, kua uma wam u U paa un la kpaa.

Anzaakaa 14:8

Kwaghfan u or u nan lu a mfe ngu sha ci u nana kar gbenda u nan, kpa ibumegh ki abumeaior yô, ka icugh je.

Anzaakaa 18:1

Or u nan dugh iyol i nan kposo yô, ka isharen i nan iyol i nan, nan keren ye, nahan nan mough num a kwaghfan u mimi cii.

I Solomon 1:1

Icam i hemban atsam cii ne, ka i Solomon.

Yesaia 10:2

sha u mgbeghan mbaibanave sha ijirôron kera, man sha u ngohol ian i mbaatsanev mba ken ior Av la kera, sha u kasev mba côgholov ve̱ hingir ishar ve, man sha u ve̱ gema ve̱ sar ancôgholov kpaa!

Yesaia 26:1

Sha iyange la á wa icam ne ken tar u Yuda er: Se mba a gar u taver; A ver myom er, a̱ lu gilgar kua akpagar.

Yesaia 30:29

Nea wa icam er ka i eren icighaniniongo tugh nahan, man iember kpaa ia lu ne ken ishima er or ka nan zenden sha korough ku tôngon nan vaan sha uwo u TER, hen Vande u Iserael yô.

Yesaia 5:1

Kam pe wan icam teren u a doom ishima la, icam i u a doom ishima la, sha sule na u wain. U a doom ishima la yan lu a sule u ikon i wain sha igungu u doon inya kpishi;

Yeremia 15:16

Ka a zua a akaaôron a Ou yô, m ya a, akaaôron a Ou hingir mo iember man msaanyol ken ishima yam; gadia i yilam sha iti You je, TERE, Aôndo u akum a Sha.

Mateu 26:30

Mba we icam kera yô, ve due, ve za sha uwo u Olev.

Luka 2:51

Tsô A yem a ve, A va ken Nasareti, A lu ungwan imo ve. Ngô Na kpaa koso mkaanem man cii ken ishima na.

YOHANE 15:7

Aluer ne luun ken a Mo, man mkaanem Am maa luun ken a ven yô, nyi ityôkwagh i i sar ne kpaa, sôn, nen, á er ne i.

Mbaromanu 10:17

Nahan jighjigh u nan ka sha m-ongo, m-ongo di gema ka sha kwaghôron u Kristu.

Mbaromanu 15:14

Anmgbianev av, sha kwagh wen yô, m fa dedoo mer ne mgbough a mdoom shi ne iv a mfe gbing gbing kpaa, ne kuma u wan ayol a en kwagh kpaa.

1 Mbakorinte 14:15

Tsô á er nana? Me er msen sha jijingi shi me er msen sha mhen kpaa. Me wa icam sha jijingi, shi me wa icam sha mhen kpaa.

1 Mbakorinte 14:26

Nahan yô, anmgbianev, kwagh ne ngu nana? Ka nea kohol ijiir i môm yô, hanmô wen nan lu a icam shin ityesen shin mpase shin u lamen ma zwa, shin u pasen inja i u. Yô, i̱ er hanma kwagh cii sha u maan a maa.

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbaefese 5:17

De luun nen mbabumen ga, kpa kav nen er ishima i Ter i lu yô.

Mbaefese 5:19

Ôron nen kwagh ayol a en sha upasalami man atsam man amo a gberen a ken jijingi, man dugh nen amo, waan nen Ter atsam ken asema a en.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

Mbakolose 1:28

Ka Un se lu yôôn kwagh Na, se lu wan ior cii kwagh, se lu tesen ior cii sha hanma kwaghfan ye, sha u veren hanma or nana̱ lu vough ken Kristu yô.

Mbakolose 1:9

Sha ci u nahan yô, hii sha iyange i se ungwa kwagh la je se kera mem u eren msen man shi u zamber sha ci wen ga, ser ma i iv ne a mfe u fan ishima Na sha kwaghfan cii man mkav u ken jijingi kpaa,

Mbakolose 4:6

Kwaghôron wen a̱ luun u doon gbem, u i we bar shi mi yô, sha u fa nen er i doo u nea ôr kwagh a hanma or yô.

1 Mbatesalonika 1:8

Gadia ka her a ven man kwaghôron u Ter hura nyôr ken Masedonia man Akaya tseegh ga, kpa kwagh u jighjigh wen u nan u ne ne Aôndo la, samber ken hanma ijiir cii, je kera gba u se ôr ma kwagh ga.

1 Mbatesalonika 4:18

Nahan yô, sur nen ayol a en asema sha akaaôron ne.

2 Timoteu 3:15

Kpa de nengen nen nan er ka orihom ga, kpa wa nen a wa nan kwagh er ka anmgbian nahan.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:15

Man shi u fa er hii iyev je u kav icighanruamabera u a fatyô u tesen we u zan ken myom sha jighjigh u nan u ken Kristu Yesu la.

Titu 3:6

u A haa sha a vese wuee ken Yesu Kristu Oryiman wase la,

Yakobu 1:5

Aluer kwaghfan una yina mô wen yô, nana̱ sôn Aôndo u ka A na ior cii wuee, A kera kôhôn ashe ga la, tsô á na nan di je.

Yakobu 3:17

Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.

Yakobu 5:13

Ican i tser ma orgen ken a vene? Yô, nana̱ er msen. Orgen nan ngu saan saana? Yô, nana̱ wa icam i iember.

1 Yohane 2:14

M nger ne mbayev gadia ne fa Ter. M nger ne uter gadia ne fa Un u A lu sha hiihii je yô. M nger ne ikaior gadia ne taver iyol man kwaghôron u Aôndo kpaa ngu ken a ven man ne hemba Orbo.

1 Yohane 2:24

Ne yô, kwagh u ne ungwa sha hiihii je yô, a̱ lu ken a ven; aluer kwagh u ne ungwa sha hiihii la una lu ken a ven yô, ne kpaa né lu ken Wan man ken Ter kpaa.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.

2 Yohane 1:2

ka sha ci u mimi u a lu ken vese la man shi una lu a vese gbem kpaa.

Mpase U Yohane 14:3

Ve lu wan icam i he sha ishigh ki ikônough ki torough kila man sha ishigh ki akaauma a anyiin la man mbatamen kpaa. Ma orgen fatyô u rumun icam la ga, saa di mba dubu deri man akunduahar kar unyiin mbala mba i paa ve shin tar la tseegh.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,