Mbakolose 3:12 - ICIGHAN BIBILO

¹² Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

Mbakolose 3:12 Iomraidhean Croise

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 45:4

Ka sha ci u Yakob wanakiriki Wam man Iserael icuwan Wam, M yer sha iti you ye, M seer u iti i icivirigh, shin er u vande fan Mo ga nahan kpaa.

Yesaia 63:15

Hen ijiir You i teman i tseghan kua i icivirigh la, shir ashe shin, nenge. Gbashima Wou kua aeren a Ou a utaha nga hana? Mhôônom Ou ma kôron tsung ma ken ishima kua mhôônom Ou ma zungwen la kera ma a mo ga.

Yesaia 65:22

Mayange vea maa ya, orgen á kar á tema ker ga, vea lôô, man orgen á kar á ya, ga; gadia er ayange a ikon a lu nahan kape ayange a ior Av kpaa aa lu la; uicuwan Av kpaa vea ya tom u ave ve zan zan je.

Yesaia 65:9

Me er tsombor ua due ken Yakob, man ken Yuda kpaa, or u yan dyako u iwo Yam; uicuwan Av vea ngohol i man mbayev Av vea tema ker.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 31:3

TER ande her a mo ken ica je, kaa er: Een, u doom ishima sha dooshima u tsôron je, ka sha ci u nahan M udugh we sha erdoo ye.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Mateu 24:22

Man ka er i pande ayange la kera yô, gayô, ma i yom ma or ga; kpa sha ci u uicuwanmbaiorov yô, á pande ayange la kera.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 24:31

Man Una tindi mbatyomov Nav a ikpamkor i kaan hweng, vea kohol uicuwanmbaiorov Nav sha avegher anyiin á hii ken ikighir ingila.

Marku 13:20

Ka er Ter A pande ayange la kera, gayô, ma i yom ma or ga; kpa sha ci u uicuwanmbaiorov mba A tsough ve yô, á pande ayange la kera.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Marku 13:27

Hen shighe la, Una tindi mbatyomov Nav vea kohol uicuwanmbaiorov Nav sha ahumbe a sha avegher anyiin la, hii shin ikighir i tar zan zan á ar sha ikighir i Sha.

Luka 1:78

sha mhôônom ma zungwen tsung ma Aôndo wase la; ka sha ma man sev mbu aven Sha la mbua va hen vese ye,

Luka 18:7

Man hire Aôndo Una kera kure ijir sha ci u uicuwan Nav mba ve ve a mliam hen Na tugh man tetan ga yee, shin er A timbir sha kwagh ve yum nahan kpaa.

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

Mbaromanu 9:11

Kpa er i lu a mar ve ga la je, ve lu a er kwagh u bo shin u doon kpaa ga, lu sha u awashima u Aôndo sha mtsough u Una tsuwa ve la a lu her,

1 Mbakorinte 13:4

Dooshima we ishima, lu sar sar gbe iwuhe ga; dooshima gengese iyol ga, moron iyol kpaa ga,

2 Mbakorinte 6:6

man mlu u wang, man kwaghfan, man ishima i wan, man mlu u sar sar, man Icighan Jijingi, man dooshima u lun a imanger ga,

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbaefese 1:4

A tsuwa se ken a Na je er i lu a gba tar ga yô sha u lun mba i tsegh ve man u lun a acôghol iyol ga kpaa sha ishigh Nagh. Ka sha dooshima je

Mbaefese 4:2

a iyolgengese ga, man a ishima i legh legh, man a ishima i wan kpaa, kundu nen asema a ayol a en sha dooshima.

Mbaefese 4:24

man haa nen orhe iyol u i gbe un sha inja i Aôndo ken perapera u mimi man mtsegh u mimi.

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

Mbafilipi 1:8

Gadia Aôndo ka shiada wam er i hangem a ven cii tsung sha mhôônom ma kôron ma Kristu Yesu.

Mbakolose 3:10

ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.

1 Mbatesalonika 5:15

Nenge nen sha er ma or nana̱ de ôron iyev i ifer sha ifer ga. Nôngon nen sha kwagh u doon gbem je hen a ven ayol a en man shi a mbagenev cii kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:9

u A yima se shi A yila se sha icighanmyer la, lu sha ci u aeren a ase ga kpa lu sha awashima Na iyol Na man shi sha mrumun u sha mhôôn Na u i ne se ken Kristu Yesu je er shighe lu a lu ga la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:10

Ka nahan man m we ishima sha akaa cii ye, sha ci u uicuwanmbaiorov, sha u ve kpaa, ve̱ zua a myom u ken Kristu Yesu la kua iengem i tsôron.

Titu 1:1

Paulu, kpan u Aôndo man apostoli u Yesu Kristu sha inja i jighjigh u nan u uicuwan mba Aôndo man sha inja i mkav u kaven mimi u sha mciviraôndo la,

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.

2 Peteru 1:10

Nahan yô, anmgbianev, shi seer nôngon nen u taver a taver myila u i yila ne la man mtsough u i tsough ne la, gadia aluer ne er nahan yô, né kera nôngo gbev mayange ga.

1 Yohane 4:19

Se mba a dooshima sha ci u se vande doon Un ishima je yô.

2 Yohane 1:13

Ônov mba icuwan anngôu u kwase mba sughun we.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.