Mbakolose 3:11 - ICIGHAN BIBILO

¹¹ Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.

Mbakolose 3:11 Iomraidhean Croise

Upasalmi 117:2

Gadia erdoo Na a vese kehe yum. Mimi u TER kpaa ka u tsôron gbem sha won. Haleluya.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Esekiel 47:22

Kar nen tar sha ishor i eren sha ci u u̱ lu dyako wen, ne kua atôatyev a a lu shir her a ven, a a mar ônov her a ven yô; a̱ hingir her a ven vough er ônov mba ityôôv ken atô u ônov mba Iserael nahan; a̱ ya dyako a ven imôngo, ken ikwe i Iserael.

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Amoshi 9:12

sha u ve̱ ngohol asande a Edom a a shi her man akuraior a i yer a sha iti Yam cii, kape TER u A er kwagh ne, A kaa la.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 15:5

Mo M ngu kon u wain, ne mba agbaa; or u nan luun ken a Mo Mo kpaa M luun ken a nan yô, ka nan ume atam kpishi; gadia a lu Mo ga yô, ne fatyô u eren ma kwagh ga.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

Aerenakaa A Mbaapostoli 15:17

sha ci u ior mba ve shi yô, ve̱ ker Ter, man shi atôatyev a i yer iti Yam her a ve la cii kpaa; kape Ter u A gbe akaa ne A kaa la;

Aerenakaa A Mbaapostoli 28:2

Ior i heregh la ve er a vese doo je cier iyol, gadia ve keer se usu, ve kua a vese cii sha ci u ura lu nôôn, wuhe kpaa kôr yô.

Aerenakaa A Mbaapostoli 28:4

Man er ior mbala nenge bokwagh la shil un sha uwe nahan yô, ve kaa ayol a ve er: Or ne ka orwuanor keng; shin er a war zegemnger nahan kpaa, ijirôron de un er a̱ war ga.

Mbaromanu 1:14

M ngu a injô iyol hen Mbagrika kua atôatyev kpaa, man shi hen mbafankwagh kua mbalanenkwagh cii.

Mbaromanu 10:12

Mkposo ngu hen Oryuda a Orgrika je ga, gadia ka Ter môm je A lu u ve cii ye, shi A ngee a akaa sha ci u mba ve yer sha iti Na la cii.

Mbaromanu 3:22

ka perapera u Aôndo u sha jighjigh u i ne [Yesu] Kristu la, sha ci u ve mba ve ne jighjigh la cii, gadia mkposo ngu ga.

Mbaromanu 3:29

Shin Aôndo ka u Mbayuda tseeghe? Kera ka u atôatyev kpaa gaa? Mimi je, ka u atôatyev kpaa,

1 Mbakorinte 12:13

Gadia se cii kpaa, ka sha Jijingi môm i er se batisema ken iyol i môm ye, shin a lu Mbayuda, shin a lu Mbagrika, shin a lu ikpan shin a lu ônov kpaa, se cii i haa se Jijingi môm, heen se iyol cii.

1 Mbakorinte 14:11

Nahan aluer me kar inja i ikenge la ga yô, me hingir or u ôron kwagh la er ortyôtyev nahan man or u ôron kwagh la di kpaa nana hingir mo er ka ortyôtyev nahan.

1 Mbakorinte 7:19

Icôngo yô, ngi ma kwagh ga, ipusu kpaa ngi ma kwagh ga, saa u wan atindi a Aôndo iko.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbaefese 1:23

ka iyol Na je la, ka m-iv u Un u A lu ivin akaa cii ken uuma cii.

Mbaefese 2:14

Gadia ka Un A lu bem wase ye, A gema ve uhar cii hingir kwagh môm, A hembe kpekpe u ihom u ker atô la kera; ka ken iyol Na

Mbaefese 2:15

man A bunde tindi u akaawan a a lu sha gbaaôndo la kera ye, sha u Una gema ve uhar cii Una gba or u he môm, ken iyol Na, Una va haa bem,

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

Mbaefese 3:6

er atôatyev kpaa a lu mbayandyako imôngo man iyol i môm man nongo môm a vese sha ityendezwa i ken Kristu Yesu sha Loho u Dedoo.

Mbaefese 6:8

gadia ne fa hanma kwagh u doon u or nan eren la, nana shi nana ngohol un hen Ter, shin nan lu kpan, shin nan lu kpan ga kpaa.

Mbakolose 2:10

Man ne mba a m-iv la ken a Na, Un u A lu ityough sha mbatarev man tahav cii la.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

2 Yohane 1:9

Hanma or u nan ze hemen kpishi, kpa nan kera luun ken ityesen i Kristu ga yô, nan ngu a Aôndo ga. Kpa u nan luun ken ityesen ne yô, ka nan je nan lu a Ter man Wan kpaa ye.