Mbakolose 3:10 - ICIGHAN BIBILO

¹⁰ ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.

Mbakolose 3:10 Iomraidhean Croise

Genese 5:1

Ngun ka ruamabera u tsombor u Adam ne: Iyange i Aôndo gba or yô, ka sha mlu u ibeen i Aôndo A gba nan ye;

Yobu 29:14

M haa perapera iyol, a cirim er ka ikondo yô; mimi wam lu er riga nahan man shi er tsar u sha ityou yô.

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Yesaia 52:1

Nder, nder, we Shion, wa agee a ou iyol, haa akondo a ou a dedoo, we Yerusalem, icighangar; gadia ken hemen yô, oripusu man orhôngorough vea kera nyôr ken a we ga.

Yesaia 59:17

A haa perapera iyol er rigautya u iyôô nahan; idyer i myom ngu Un sha ityou; A haa iyevoron iyol er ka akondo nahan, man A haa gbashima iyol er ka riga u wuhegh nahan.

Esekiel 11:19

Me na ve u lun ishima i môm, Me ver jijingi u he ker a ve; Me dugh iwenshima ken iyol ve kera, Me na ve ishima i inyam;

Esekiel 18:31

Haa nen asorabo a en, a ne er la cii kera, wa nen ishima i he man jijingi u he kpaa, gadia ka sha ci u nyi né kpe, we ya u Iseraele?

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 13:12

Tugh za yum, sev sôôn aven. Nahan yô, se gbihi nen aeren a imegh kera se haa nen ikav mbi utyav mbi iwangerev iyol.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

Mbaromanu 6:4

Nahan i ii se a Na imôngo sha batisema u ken ku la sha u er i nder Kristu ken mbakpenev sha iengem i Ter yô, kape se kpaa se zenden ken uma u he je la.

Mbaromanu 8:29

Gadia mba A vande fan ve la, A vande veren ve er ve̱ lu inja i môm a mlu u Wan Na sha u Una lu Waniunda ken anmgbianev kpishi yô;

2 Mbakorinte 3:18

Se cii se kera mba a ikondo i yisan sha ishi ga se mba nengen iengem i Ter er ka ken ijingi nahan. Mba geman se se̱ hingir er ibeen shon la nahan, hii ken iengem za a za hemen ken iengem. Ka hen Ter u A lu Jijingi la kwagh ne a dugh ye.

2 Mbakorinte 4:16

Nahan yô, asema kera nga yinan se ga; shin er or wase u ken won ne lu vihin kera kpaa, or wase u kimi ne mba gem un hegh ayange ayange.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

2 Mbakorinte 5:17

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

Mbagalatia 3:27

Gadia mba i er ve batisema ken Kristu cii, ve haa Kristu iyol je ve.

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbaefese 2:15

man A bunde tindi u akaawan a a lu sha gbaaôndo la kera ye, sha u Una gema ve uhar cii Una gba or u he môm, ken iyol Na, Una va haa bem,

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

Mbakolose 3:14

Kwagh u a hembe cii yô, haa nen dooshima iyol, ka kwagh u maghen mlu u vough je la.

Filemon 1:6

M ngu eren msen mer mnyer wou u u nyer nongo ken jighjigh u nan ne yô, a̱ wase, a̱ er tom ken we, a̱ ar a we ken mfe u fan akaa a doon cii a se lu a mi ken Kristu la.

Mbaheberu 6:6

man vea mase gban kera yô, á fatyô u shi hiden a ve ken mgemshima ga, gadia sha kwagh ve ayol a ve yô, shi mba kimbir u manden Wan u Aôndo sha terankon, heen Un ken igbar.

1 Yohane 2:3

Ka sha kwagh ne je man se fa er se fe Un ye, aluer sea kuran atindi a Na yô.

1 Yohane 2:5

Kpa u nan we kwaghôron Na iko yô, mimi je ka ken a nan man dooshima u Aôndo a kom vough ye.

Mpase U Yohane 21:5

Un u A tema sha ikônough ki torough la kaa er: Nenge M ngu geman akaa cii hingir a he. Shi A kaa er: Nger, gadia akaaôron ne ka a jighjigh man ka a mimi kpaa.