Mbakolose 2:4 - ICIGHAN BIBILO

⁴ M ngu ôron nahan sha u ma or nana̱ de kera tsughun ne sha kwaghôron u sha msendegh ga.

Mbakolose 2:4 Iomraidhean Croise

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 24:4

Yesu gema kaa a ve er: Ver nen ishima, ma or nana̱ de tsughun ne ga.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Aerenakaa A Mbaapostoli 20:30

Man her atô wen je kpaa ior vea mough, vea gba ôron akaa a geseghaa, sha u vea urugh mbahenen ken ijime ve yô.

1 Mbakorinte 2:4

Kwaghôron wam man kwaghaôndo wam u pasen kpaa, lu sha mhanger u kwaghôron tsô ga, kpa ikav i Jijingi man i agee kpaa lu sha mi,

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

Mbagalatia 2:4

Kpa lu sha ci u anmgbianev mba aiev mba ve nyer myer la; ve yô, ve nyôr imbusu sha u vea nenge mker sha mlu wase u lun a ikangenev ga ken Kristu Yesu la, sha u vea za a vese ken ikpan yô.

Mbaefese 4:14

Ka nahan man sé kera lu mbayev mba ka i daase a ve i yem a ve wue wue sha ahumbe a ityesen, sha atseregh a ior, sha mtsugh u tsughun ior tsumen a ve sha wayo la ga ye.

Mbaefese 4:17

M ngu ôron kwagh ne ken Ter m ngu eren shiada mer, mayange de kera zenden nen er atôatyev a zenden sha mhen ve u gbilinigh la nahan ga.

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

Mbakolose 2:18

Ma or nana̱ de bundu ne injar ga, ka injaor i i doo nan u hiden a iyol i nan ijime man shi u civir mbatyomov mba Shaav, man u ôron akaa a i pase nan sha mpase u sha mnenge la vighe vighe, man u gban gengese iyol i nan sha kwaghfan u iyolough gbilin tsô,

Mbakolose 2:8

Ver nen ishima, or nana̱ de ker ne yemen a ven sha kwaghfan shin sha atseregh a gbilinigh ga. Akaa ne ka sha inja i ukaaer mba ior la, shi ka sha inja i ujijingi mba taregh mba hiihii, kera ka sha inja i Kristu a lu ga.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:16

Palegh ayôôso a gbilinigh a dang la. Gadia vea hemba yemen a yem hemen sha u vendan Aôndo.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:13

Kpa udangmbaiorov man mbatsughunior vea yem hemen hemen vea hemba vihin a vihi kwagh. Mba tsughun ior man ve di kpaa mba gem mba tsughun ve.

1 Yohane 2:18

Mbayev, ka shighe u masetyô je ne, man er ne ungwa ner Antikristu ngu van yô, shin hegen je kpaa Mbaantikristu due, mba imôngo je, ka nahan man se fe er i lu shighe u masetyô je ne ye.

1 Yohane 2:26

Akaa ne m nger ne ka sha kwagh u mba ve nenge u mgbeghan ne sha gbenda kera la.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.

2 Yohane 1:7

Gadia mbaicughuv kpishi due sha tar, mba pasen er Yesu Kristu va ken iyol i or ga. Ka orcugh, ka Antikristu je la.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.

Mpase U Yohane 20:3

a kende un shin ihungwa i i ze kweng la a cir i a ver ikav sha mi sha u a̱ de kera tsughun akuraior ga, saa anyom dubu aa kuma ve. Ken masejime yô, á shi á pase un anshighe kpeghee keng.

Mpase U Yohane 20:8

Una due sha u tsughun akuraior a ken azongo a tar anyiin la, ka Gogi man Magogi je la, ka sha u una kohol ve sha ci u utya. Ingeegh vegh kuma er waarawa u shin zegemnger nahan.