Mbakolose 2:20 - ICIGHAN BIBILO

²⁰ Aluer ne kpe a Kristu imôngo sha kwagh u ujijingi mba taregh mba hiihii yô, ka nyi man shi ne rumun ner, i̱ wa ne atindi bee er shi ne mba uma ken tar nahana?

Mbakolose 2:20 Iomraidhean Croise

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

2 Mbakorinte 10:3

Gadia shin er se lu zenden ken iyol nahan kpaa, se mba nenge ityav sha inja i iyolough ga.

Mbagalatia 4:3

Kape se kpaa zum u se lu iyev la yô, se lu sha ikev i ujijingi mba taregh mba hiihii la er ka ikpan nahan.

Mbagalatia 6:14

Kpa mo yô, me ta ihagh je ga, saa di sha terankon u Ter wase Yesu Kristu, ka sha u je man i mandem tar, mo kpaa i mandem sha terankon sha kwagh u taregh ye.

Mbaefese 2:15

man A bunde tindi u akaawan a a lu sha gbaaôndo la kera ye, sha u Una gema ve uhar cii Una gba or u he môm, ken iyol Na, Una va haa bem,

Mbakolose 2:14

Mnger u anzô ase a atindi a na, u a lu nan se ibo la yô, A ese un kera, A bunde un A gema A mande un sha terankon.

Mbakolose 2:16

Nahan yô, ma or nana̱ de kera ôron ne ijir sha kwagh u kwaghyan man kwaghman shin sha kwagh u iniongo shin uwer u he shin iyange i memen kpaa ga.

Mbakolose 2:21

er: de ker ave ga, de benden sha nombor ga, de benden ave ga,

Mbakolose 2:8

Ver nen ishima, or nana̱ de ker ne yemen a ven sha kwaghfan shin sha atseregh a gbilinigh ga. Akaa ne ka sha inja i ukaaer mba ior la, shi ka sha inja i ujijingi mba taregh mba hiihii, kera ka sha inja i Kristu a lu ga.

Mbakolose 3:3

Gadia ne kpe, uma wen yô i yer un a Kristu imôngo ken Aôndo.

Mbaheberu 13:9

I̱ de kera daase a ven sha atesen a he anza kposo kposo ga, gadia u taver ishima sha mrumun u sha mhôôn yô, hemba doon a akaa a yan a ya a, mba ve za sha mi la, ve kera zua a iwasen sha mi ga.

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

1 Yohane 5:19

Se fa se due ken Aôndo, kpa tar cii ngu sha ikev i Orbo.