sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.
Ikpelaior i i na jighjigh yô, asema a ve man mhen ve hingir kwagh môm, man shi sha akaa a hanmô ve nan lu a mi la yô, ma or kera kaa er, ka kwagh u nan iyol i nan je la ga, ve nungwa akaa a ve lu a mi la hingir kwagh môm.
M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa.
Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.
Ka Un kpaa A lu ityough ki iyolough ye, ka nongo u Kristu je la. Ka Un A lu mhii ye, ka Waniunda u ken mbakpenev, sha er Un Una lu u hiihii ken akaa cii yô.
Ka u sé sugh Aôndo ayange ayange sha ci wen, anmgbianev, er i doo u eren yô, gadia jighjigh wen u nan ngu seer je zua iyol ga, man dooshima u hanmô wen hen ayol a en kpaa ngu ngeen je,
Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.
Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.