Mbakolose 2:18 - ICIGHAN BIBILO

¹⁸ Ma or nana̱ de bundu ne injar ga, ka injaor i i doo nan u hiden a iyol i nan ijime man shi u civir mbatyomov mba Shaav, man u ôron akaa a i pase nan sha mpase u sha mnenge la vighe vighe, man u gban gengese iyol i nan sha kwaghfan u iyolough gbilin tsô,

Mbakolose 2:18 Iomraidhean Croise

Genese 3:13

Tsô TER Aôndo kaa a kwase la er: Ka nyi kwagh u er nee? Kwase la kaa er: Ka iyô, i tsughum, ve m ye ye.

Yobu 38:2

Ka an nan we mhen ime sha akaaôron a sha mfe ga laa?

Yesaia 57:9

U za hen Moleki kpaa a mkurem ma ishin, man shi u seer mkurem ou ma human doon ma ngee, u tindi mbatyomov ou ken ca, ve yem shin, ve za ar shin Sheol je.

Esekiel 13:3

Ter AÔNDO ngu kaan nahan er: Kwagh á tser udangmbaprofeti mba ve dondon sha jijingi ve ayol a ve, mba ve nenge a ma kwagh ga yô.

Daniel 11:38

Sha ityouv vev yô, una civir aôndo u ayouautya a taver; aôndo u uter nav ve fe un ga la, una civir un sha zenaria man azurfa man awen a injaa man akaa a haan ishar iyol.

Numeri 25:18

gadia ve nôngo num a ven sha atseregh a ve er a ven sha kwagh u Peor man sha kwagh u Kosebi anngô ve u kwase, wan u ititor i Midian, u i wua un sha iyange i bouange u sha kwagh u Peor la.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mbaromanu 1:25

Ve daa mimi u Aôndo ve ver aie. Ve civir kwagh u i gbe un a gba, ve er un tom kpaa, kera lu Un u A gbe akaa la ga, man ka Un u i lu wuese Un gbem sha won ye.

Mbaromanu 16:18

Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakavenkwagh ga la ye.

1 Mbakorinte 13:4

Dooshima we ishima, lu sar sar gbe iwuhe ga; dooshima gengese iyol ga, moron iyol kpaa ga,

1 Mbakorinte 3:3

gadia ne mba mbaiyolov heregh di tsô, gadia aluer iwuhe man iyongo vea lu her a ven yô, kera ka mbaiyolov ne lu, man kera ka sha inja i or ne zenden gaa?

1 Mbakorinte 4:18

Kpa mbagenev gengese iyol, mba henen er m kera ngu van hen a ven ga.

1 Mbakorinte 4:6

Akaa ne yô, anmgbianev, m gema a m zua sha iyol yam kua Apolo kpaa; ka sha ci wen sha u ne̱ zua a ityesen hen a vese er, i̱ de karen akaa a i nger la ken inya ga yô, sha er ma or nana̱ de gengese iyol a ma or sha kwagh u orgen la ga.

1 Mbakorinte 8:1

Sha kwagh u inyamakombo yô, se fa er se cii se lu a kwaghfan yô. Kwaghfan yô, ne iyolmoron kpa dooshima yô, gem maan a maa.

1 Mbakorinte 9:24

Ne kera fa gaa? Mbagban ayem ken iniumbe ka ve yevese cii, kpa ka môm tsô nan tôô iwua la ye gaa? Yô, yevese nen sha er né zua a mi yô.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

Mbaefese 4:17

M ngu ôron kwagh ne ken Ter m ngu eren shiada mer, mayange de kera zenden nen er atôatyev a zenden sha mhen ve u gbilinigh la nahan ga.

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

Duteronomi 29:29

Akaamyer ka a TER, Aôndo wase, kpa akaa a i pase yô, ka a ase kua a ônov asev gbem sha won cii, sha er ne er sha akaaôron a tindi ne cii yô.

Mbafilipi 3:14

M ngu yevese zan hen ikighir i i ver la sha u zuan a iwua i myila u a sen sha, u Aôndo A lu yilan ken Kristu Yesu la.

Mbakolose 2:23

Akaa ne bee a bee kwaghfan tsô, ka adini u i dugh sha mfe u or la, man u hiden a iyol ijime man u eren iyol ican, kpa nga a ma inja sha u yangen hua u iyolough ga.

Mbakolose 2:4

M ngu ôron nahan sha u ma or nana̱ de kera tsughun ne sha kwaghôron u sha msendegh ga.

Mbakolose 2:8

Ver nen ishima, or nana̱ de ker ne yemen a ven sha kwaghfan shin sha atseregh a gbilinigh ga. Akaa ne ka sha inja i ukaaer mba ior la, shi ka sha inja i ujijingi mba taregh mba hiihii, kera ka sha inja i Kristu a lu ga.

1 Timoteu 1:7

Sar ve pe ma ve lu mbatesen atindi kpa ve fa akaa a ve lu ôron la ga man shi kwagh u ve lu pasen sha gbashima la kpaa ve fa un ga.

1 Timoteu 4:1

Kpa Jijingi ngu kaan wanger wanger er: Sha ayange a masejime yô, mbagenev vea undu jighjigh u nan, vea ver ishima sha ujijingi mba tsughun ior man sha ityesen i ujijingi mba bov.

2 Peteru 2:14

Ashe a ve iv a idya, nga memen u eren isholibo ga; mba meen ior mba ve lu a ishima i pee pee la. Ve via ishima sha hua u eren, ka ônov mba ifanev je.

1 Yohane 2:26

Akaa ne m nger ne ka sha kwagh u mba ve nenge u mgbeghan ne sha gbenda kera la.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.

Mpase U Yohane 3:11

M ngu van fefa. Kusu kwagh u u lu a mi la gbang gbang sha u ma or nana̱ de ngohol we tsar ga yô.