Mbakolose 2:14 - ICIGHAN BIBILO

¹⁴ Mnger u anzô ase a atindi a na, u a lu nan se ibo la yô, A ese un kera, A bunde un A gema A mande un sha terankon.

Mbakolose 2:14 Iomraidhean Croise

Nehemia 4:5

de cirin ifer ve ga, man shi de esen asorabo a ve sha ishigh You kera kpaa ga; gadia ve bam U sha ishigh ki mbamaan je.

Eseter 3:12

Nahan i yila mbangeren mba tor sha uwer u hiihii ayange a u pue kar utar la, nahan i nger akaa a Haman kaa la cii, i tindi hen mbatarev mba tor, man hen ungomna mba ve lu sha hanma ipaven kua hen atiator a hanma ikurior kpaa, hen hanma ipaven sha mnger na, man hen hanma ikurior kpaa sha zwa u i; ka ken iti i tor Ahasueru i nger a ye, shi i ver ikav sha mi, sha kunya u tor kpaa.

Eseter 8:8

Yô, gba ngeren nen Mbayuda kwagh u a doo ne ken iti i tor tsô, ver nen ikav i tor sha mi; gadia kwaghngeren u i nger ken iti i tor man i ver un ikav sha kunya u tor yô, ma or nana fatyô u bunden un ga.

Upasalmi 51:1

Zungwem mhôônom Aôndo, sha erdoo Wou; sha mhôônom Ou ma kôron yum la, esem akaabo am kera.

Upasalmi 51:9

Gema ishigh sha asorabo am kera, esem aferakaa am kera cii.

Yesaia 43:25

Ka Mo je M ese atindi a ou a peren kera sha ci Wam iyol Yam; Me kera umbur asorabo a ou kpaa ga.

Yesaia 44:22

M ese atindi a ou a peren kera er irkpiigh nahan, man asorabo a ou kpaa, er ibeenegh yô; hide her a Mo, gadia M paa u.

Yesaia 57:14

A kaa er: Haa nen inya guree, haa nen inya guree, sôr nen gbenda, tôô nen ityôkwagh i nan gbev mbu nôngon sha gbenda u ior Av kera.

Numeri 5:23

Nahan pristi a̱ nger ifan la sha ruamabera, a̱ ôô i shin mngerem ma nan mnyoonom mara;

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Aerenakaa A Mbaapostoli 3:19

Yô, zamber nen man gema nen ishima, sha u i̱ ese asorabo a en kera, man sha u ashighe a myôhôryol a sha ishigh ki Ter kpaa a̱ va sha a ven yô;

Mbakolose 2:20

Aluer ne kpe a Kristu imôngo sha kwagh u ujijingi mba taregh mba hiihii yô, ka nyi man shi ne rumun ner, i̱ wa ne atindi bee er shi ne mba uma ken tar nahana?

2 Timoteu 2:7

Gadia kera je kpaa kwaghmyer u mvende u vendan atindi la ngu eren tom, zan zan un u a lu yangen hegen la á va kar a na sha,

Mbaheberu 7:18

Gadia vegher ugen yô, i sough tindi u tse la kera sha ci u a lu a agee ga, ngu a inja kpaa ga;

Mbaheberu 8:13

Er a lu ôron kwagh u ikuryan i he yô, A gema i hiihii la hingir kwagh u tse je ve. Kwagh u a ye tsegh a bee iyol yô, mgbôghom a mtim je ve.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.