Mbakolose 2:11 - ICIGHAN BIBILO

¹¹ Ka ken a Na man i tsôngo ne ye. Ka sha icôngo i sha ave la ga, kpa ka u eren iyol i inyam ne kera ken icôngo i Kristu la,

Mbakolose 2:11 Iomraidhean Croise

Yeremia 4:4

Tsôngo nen ayol a en sha ci u TER, kar nen a apusu a asema a en kera, ne ior mba Yuda kua mba ve tem ken Yerusalem, sha er iyugh Yam i̱ de yeghen er usu nahan, i̱ hia zan zan ma or u pirin nana lu ga ze, sha ci u ifer i aeren a en la.

Marku 14:58

Se ungwa A kaa er: Me hembe tempel u i maa un sha ave ne, ayange atar Me shi Me maa ugen u a lu sha ave ga yô.

Luka 2:21

Tsô ayange anigheni nga kom sha u á tsôngo Un yô, i ii Un iti er Yesu, i ortyom u Sha vande kaan je, er i lu a jile Un ken uya ga la.

Aerenakaa A Mbaapostoli 17:24

Aôndo u A er tar man akaa a a lu kimi cii, tem ken utempel mba i maa sha ave ga, gadia Un ka Ter u Sha man tar.

Aerenakaa A Mbaapostoli 7:48

Kpa Uhembansha la yô, tem ken uya mba i maa sha ave ga, er profeti lu kaa yô, er:

Mbaromanu 2:29

Gadia ka u nan lu Oryuda ken ishima la je nan lu Oryuda ye, icôngo i mimi kpaa, ka kwagh u ken ishima, ka kwagh u ken jijingi, ka sha kwaghngeren la tsô ga. Iwuese i nan yô, ka i hen ior ga, ka ken Aôndo i dugh ye.

Mbaromanu 6:6

Kwagh ne se fa un, i mande tseor wase a Na imôngo sha terankon sha u i̱ kar a iyol i isholibo kera, se se̱ de kera luun ikpan sha ikev i isholibo ga.

Mbaromanu 7:24

Kpe ahii, mo or u gban kera ne! Ka an nana shi yimam sha ikev i iyol i kuugh nee?

2 Mbakorinte 5:1

Se fa tenti u shin tar ne u se tse ker ne, aluer á sough un kera kpaa, se mba a iyou i Aôndo, ka ya u tsôron u Sha u i maa un sha ave ga yô.

2 Mbakorinte 5:17

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbagalatia 5:24

Mba ve lu mba Kristu Yesu yô, ve mande iyol a ishima i kenden kua asaren a i sha terankon imôngo ve.

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Duteronomi 10:16

Yô, tsôngo nen ipusu i asema a en, de kera shi luun nen mba nômbon ikôr ga.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

Mbaheberu 9:11

Kpa Kristu yô, va due ken igbar, lu zegepristi sha akaa a dedoo a a vande van la, A nyôr ken tabernakel u hemban vesen man u hemban lun vough u i er sha ave a ior ga, inja na yô, ka kwagh u igbetar ne ga,

Mbaheberu 9:24

Gadia Kristu kera nyôr ken icighanjiir u i er sha ave a ior ga, u a lu eev mbu u mimi la kpaa ga, kpa lu Sha jim jim, sha u Una ande sha ishigh ki Aôndo sha ci wase,