Mbakolose 1:6 - ICIGHAN BIBILO

⁶ U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

Mbakolose 1:6 Iomraidhean Croise

Upasalmi 110:3

Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Mateu 24:14

Man Loho u Dedoo u tartor ne yô, á ôr u á tser tar, sha u u̱ lu mpase hen akuraior cii; ka zum la man mkur una kuma ye.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Marku 4:8

Igen yô, haa hen inya i dedoo, i mende i vese i via iyiagh i wa asange hemba ivor la kwa ikundugber, igen kwa akunduatar, igen kwa akunduataan.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 17:19

Man ka sha ci ve je M lu tseghan iyol Yam ye, sha er ve kpaa i̱ tsegha ve ken mimi yô.

YOHANE 4:23

Kpa shighe ngu van, a kuma je ve, u mba ve civir sha mimi yô, vea civir Ter ken jijingi kua ken mimi, gadia ka mba ve civir Un nahan ne je Ter A keren ye.

Aerenakaa A Mbaapostoli 11:18

Mba ongo akaa ne nahan yô, ve huan ving, ve gba civir Aôndo kaan er: Atôatyev kpaa, Aôndo na a mgemshima u zan ken uma.

Aerenakaa A Mbaapostoli 12:24

Kpa kwaghôron u Ter yô, lu seer a seer man shi lu ngeen kpaa.

Aerenakaa A Mbaapostoli 16:14

Kwase ugen lu, iti na er Lidia u ken gar u Tiatire, lu kwase u teen suun, lu civir Aôndo kpaa; a ungwa se, man Ter kpaa bugh un ishima sha u una ver ishima sha akaa a Paulu lu ôron la.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaromanu 1:13

Anmgbianev, sarem ka de lanen nen ga er acin imôngo je m wa ken ishima u van ken ven, kpa zan zan hegen i bundem, sha u ma m or iwenge ken ven er m or ken atôatyev agen nahan kpaa.

Mbaromanu 15:19

man sha agee a uivande man akaa a kpilighyol man sha agee a Icighan Jijingi kpaa. Nahan hii ken Yerusalem ningir zan zan ar ken Ilirikum m ôr Loho u Dedoo u Kristu m tser.

Mbaromanu 15:28

Nahan zum u me kure kwagh ne me za na ve kwagh u i kohol la yô, me kar ken ven man me za ken Ishpania ye.

Mbaromanu 16:26

Kpa i va a mi ken igbar hegen shi mba pasen un sha uruamabera mba uprofeti hen akuraior cii, sha u a̱ wa jighjigh u nan la iko—

2 Mbakorinte 10:14

Se mba henen ser á bunde se u aren ken ven ga nahan se mba naregh ave gande ikaa inya ga gadia kera je kpaa se vande nyôron a Loho u Dedoo u Kristu ken a ven.

2 Mbakorinte 6:1

Er se lu mbaerentom a Na imôngo yô, se mba wan ne kwagh ser, mngohol u ne ngohol mrumun u sha mhôôn u Aôndo yô, i̱ de lu gbilinkwagh ga.

Mbaefese 3:2

gayô ne ungwa kwagh u tom u i wem sha ikev sha ci wen la sha mrumun u sha mhôôn u Aôndo,

Mbaefese 4:21

gayô ne ungwa kwagh Na shi i tese ne ken a Na er mimi a lu ken Yesu je yô.

Mbaefese 4:23

Hingir nen hegh ken jijingi u mhen wen,

Mbaefese 5:9

Gadia ityamegh ki iwangeregh yô, ki ken hanma kwagh u doon, man kwagh u perapera man kwagh u mimi cii.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbafilipi 4:17

Nahan kpaa ka iwua m keren ga kpa m ngu keren atam a ngeen sha ci u mtsera wen.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

1 Mbatesalonika 1:5

Gadia ivangeli yase va her a ven, lu sha kwaghôron tseegh ga kpa lu sha agee man sha Icighan Jijingi man gbar gbar kpishi je. Ne fa anzaior a se lu her atô wen sha ci wen yô.

1 Mbatesalonika 2:13

Sha ci u kwagh ne nahan yô, se mba sughun Aôndo gbem gadia zum u ne ngohol kwaghôron u Aôndo u ne ungwa hen vese la yô, ne rumun un er ka kwaghôron u ior ga, kpa er ka kwaghôron u Aôndo man kape i lu kpaa je la, u a eren tom ken a ven, ne mba ne ne jighjigh la.

2 Timoteu 2:13

Kpa se yô, ka u sé sugh Aôndo sha ci wen gbem, ne anmgbianev mba ne doo Ter ishima gadia Aôndo tsuwa ne sha hiihii je u zan ken myom sha mtsegh u sha Jijingi man sha u nan kwagh u mimi la jighjigh.

1 Peteru 5:12

M nger ne ankwagh ne kpuaa sha ikev i Siluanu u a lu ne anmgbian u jighjigh sha mnenge wam yô. M ngu taver ne ishima man m ngu eren shiada mer, ngun ka mrumun u sha mhôôn u mimi u Aôndo je ne. Tile nen sha mi dông.