Mbakolose 1:23 - ICIGHAN BIBILO

²³ Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:23 Iomraidhean Croise

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Ukwelegh 3:66

Ú tôv ve ityô sha iyugh man Ú tim ve, shin atô a Usha mba TER.

Esekiel 18:26

Zum u orperapera nan gem nan undu perapera u nan, man nan er iferkwagh yô, nana kpe sha i; ka sha iferkwagh i nan er la, nana kpe ye.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Marku 16:15

A kaa a ve er: Zende nen sha won cii, za ôr nen uumace cii Loho u dedoo ne.

Luka 22:32

Kpa M er msen sha ci wou sha u jighjigh wou u nan a̱ de yen ga yô; we kpaa, shighe u ú gema ishima yô, taver anmgbianev ou asema.

Luka 6:48

Nan ngu er or u maan iyou nahan, nan time za shimi, nan tim imagh sha vande. Zum u mngerem iv, ikuwan ande ta sha iyou la, i fatyô u tenger i ga, sha ci u i maa i dedoo yô.

YOHANE 15:6

Or ka nana luun ken a Mo ga yô, i gbihi nan kera er gbaa nahan, nan uma je; i kohol a, i nande sha usu, a hia.

Aerenakaa A Mbaapostoli 1:17

Gadia i ôr un iyenge a vese imôngo, a ngohol kwar na ken tom ne kpaa.

Aerenakaa A Mbaapostoli 1:25

sha er nana̱ tema sha ityough ki Yuda sha tom u apostoli, u Yuda a undu sha u yemen hen ijiir na yô.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Aerenakaa A Mbaapostoli 2:5

Yô, Mbayuda mbagenev tema ken Yerusalem, ve lu mbacian Aôndo, ve due ken akuraior a sha won cii.

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Aerenakaa A Mbaapostoli 26:16

Kpa mough tile sha, gadia ka sha ci u nahan je M ande hen we ye, sha u Me ver u ortom man or u eren shiada er u nenge a Mo shi Me va ande hen we kpaa yô.

Aerenakaa A Mbaapostoli 4:12

Man shi myom ngu ken ma or ugen kpaa ga; gadia ma iti igen i i ne ior i á yima se a mi keng yô, ngi sha won kpaa ga.

Mbaromanu 10:18

Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mbaromanu 15:16

m̱ lu ortom u Yesu Kristu hen atôatyev ken icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

1 Mbakorinte 3:5

Apolo ngu di nyi je? Man Paulu yô, ngu di nyi? Ka mbatomov mba i lu tom ve man ne gem ne ne jighjigh ye, sha inja i Ter A ne hanmô wase la.

2 Mbakorinte 10:1

Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

2 Mbakorinte 11:23

Ve ka mbatomov mba Kristu? M gbe ôron er ka orihundu nahan tsô,—m hemba je. Sha tom u eren sha ican kpaa m hemba, sha gaadi u nyôron kpaa m hemba, sha ugbidi yô, gande u ôron, sha iku i waren kpaa kwa imôngo.

2 Mbakorinte 3:6

Ka Un A gem se se kom u lun mbatomov sha ikuryan i he, ka i sha kwaghngeren la ga kpa ka i ken jijingi, gadia kwaghngeren la woo a wua kpa jijingi ne a na uma.

2 Mbakorinte 4:1

Nahan yô, er se lu a tom ne sha mhôônom ma i zungu se la yô, asema kera nga yinan se ga.

2 Mbakorinte 6:1

Er se lu mbaerentom a Na imôngo yô, se mba wan ne kwagh ser, mngohol u ne ngohol mrumun u sha mhôôn u Aôndo yô, i̱ de lu gbilinkwagh ga.

Mbagalatia 4:11

M ngu cian mer, alaghga m er tom ker a ven, lu gbilin tsô.

Mbagalatia 5:5

Kpa se yô, ka sha Jijingi kua sha jighjigh u nan man se lu keghen ishimaverenkeghen i perapera ye.

Mbagalatia 5:7

Ne lu yevese dedoo; man ka an nan yange ne u ne kera ungwa imo i mimi la ga ase?

Mbagalatia 6:9

Sé gba nen uwer u eren akaa a dedoo ga, gadia shighe á va kuma yô, sé sunda aluer se yina ishima ga yô.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbaefese 2:21

Ka ken a Na man kwaghmaan la a zough a lu taven sha, hingir icighantempel u Ter ye.

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

Mbaefese 4:16

Ka ken a Na man iyol cii er i magh i, i zua i sha iwasen i hanma ijuan i i lu ker yô, sha tom u hanma ilyeegh ki lu eren sha inja i ki la, i lu vesen i lu maan iyol i i ken dooshima ye.

Duteronomi 2:25

Nyian je, Me hii u haan mcieryol wou man mciem ma á cian we sha akuraior a sha won cii; mba vea ungwa kwagh wou, vea gbire akarkase iyol, asema á yina ve sha ci wou.

Duteronomi 4:19

man shi sha er u̱ de kera kenden ashe sha man zum u ú nenge iyange man uwer man asan, akum a sha la cii, ú rumun wer a̱ urugh we zan zan ú gure ú civir a ga; ka akaa a TER, Aôndo wou, A kar kwar a mi A ne akuraior a a lu sha won cii yô.

Mbakolose 1:25

M hingir ortom u u sha tom u Aôndo A nem sha u ivin kwaghôron u Aôndo ken a ven.

Mbakolose 2:7

er ne we amise ken a Na shi i maa ne ken a Na kpaa, man i taver jighjigh wen u nan er i tese ne nahan vough, shi lu nen a iwuese wuee.

1 Mbatesalonika 3:3

sha u ma or môm nana̱ de lu pee pee sha mtev u sha atsan ne ga. Gadia ne ayol a en kpaa ne fa ka sha kwagh ne je i ver se ye.

1 Mbatesalonika 3:5

Ka nahan man mo kpaa er m kan wan ishima shio yô, m tindi sha u me fa jighjigh wen u nan shin alaghga ormeen vande meen ne kera man tom wase u hingir gbilin tsôou?

1 Mbatesalonika 5:8

Kpa se mba se lu mbaatetan yô, se lu nen geng ge geng se har nen perutya u jighjigh u nan man dooshima; man agunduutya yô, ka ishimaveren keghen myom je la.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

1 Timoteu 1:12

M ngu wuese Un u A nem agee la, ka Kristu Yesu Ter wase, gadia A nenge er m ngu jighjigh, A verem sha tom,

1 Timoteu 2:7

Ka sha kwagh ne man i verem or u yôôn man apostoli kpaa ye, ka mimi m er ye, ka aie m eren ga, i verem ortesen u atôatyev u sha jighjigh u nan man mimi.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Titu 3:7

sha u i̱ na se ishô sha mrumun u sha mhôôn Na, se̱ hingir mbayandyako sha ishimaveren keghen uma u tsôron la.

Mbaheberu 10:38

Kpa or u perapera Wam nana lu uma sha jighjigh u nan, man aluer nana hide ijime yô, á kera saan uma Wam iyol a nan ga.

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

Mbaheberu 3:6

Kpa Kristu yô lu jighjigh sha ya Na, lu Wan je. Man ka se se lu ya Na ye, aluer se kôr ave gbang gbang sha vangertiôr wase man ihagh i sha ishimaverenkeghen yase la zan zan mkur yô.

Mbaheberu 4:14

Er se lu a Zegepristi u tamen u A nyôr Usha A haa ve ijime cii, ka Yesu Wan u Aôndo je la, nahan yô, se kôr nen ave gbang gbang sha mpase u jighjigh wase u nan la je.

Mbaheberu 6:19

I yô, se mba a mi er imandetso i uma i dông i i tenger ga, i nyôr ken ijime i ikondo i yisan nahan.

1 Peteru 1:3

I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Peteru 1:5

ne mba i kor ne sha agee a Aôndo sha jighjigh u nan, sha u ngohol myom u i kegh iyol i ver a ver u pasen un sha iyange i masetyô yô.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.