Mbakolose 1:16 - ICIGHAN BIBILO

¹⁶ gadia ka ken a Na man i gbe akaa cii ye, a a lu Sha, man a a lu shin tar kpaa, a i nengen a mi la kua a i nengen a mi ga la kpaa, shin a lu mkônom ma torom, shin a lu tor u yan shin a lu mbatarev, shin a lu tahav. Akaa ne cii ka sha a Na i gbe a ye shi ka sha ci Na kpaa.

Mbakolose 1:16 Iomraidhean Croise

1 Kroniku 29:11

We TER, U kuma ivesen man agee man iengem man mhembe man icivir, akaa a Sha man a shin tar cii ka a Ou; We TER, U kuma u teman tor, U ngu ityough sha akaa cii.

Nehemia 9:6

We U ngu TER, We tseegh; We U er Sha man shi Sha u a lu sha la a ikum ve cii, tar kua akaa a a lu shin u kpaa man uzegembamngerev man akaa a a lu shimi cii, U koson a cii; ikum i Sha kpaa ngi civir We.

Anzaakaa 16:4

TER gba hanma kwagh sha inja je, een, kua aferaior je kpaa, sha ci u boiyange.

Yesaia 43:21

Ior mba M maa sha ci Wam iyol Yam je, vea pase iwuese Yam.

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

YOHANE 1:10

A lu shin tar, ka Un je A er tar ye; kpa tar fa Un ga.

YOHANE 1:3

Akaa ci ca cii ka sha a Na i er a ye; akaa a i er la cii, i gba eren ma kwagh môm ga saa sha a Na.

Mbaromanu 11:36

Gadia akaa cii ka her a Na a dugh, man ka sha a Na a lu her, shi ka sha a Na a lu veren ishigh kpaa ye. Un yô, icivir i̱ lu i Na gbem sha won. Amen.

Mbaromanu 8:38

Gadia m fa dedoo mer, ku shin uma, shin mbatyomov mba Shaav, shin tahav, shin akaa a hegen ne, shin akaa a lu van ken hemen, shin mbaageev,

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

1 Mbakorinte 8:6

kpa her a vese yô, Aôndo ngu môm tsô, ka Ter u akaa cii a dugh her a Na yô, man shi ka sha ci Na se lu uma ye; Ter kpaa ngu môm, ka Yesu Kristu, ka sha a Na man akaa cii a lu ye, se kpaa ka sha a Na se lu uma ye.

Mbaefese 1:10

sha u sôron akaa cii sha ci u shighe una va kuma vough la yô, Una kohol akaa a a lu Sha man a a lu shin tar kpaa ci ca cii sha ikev i Kristu,

Mbaefese 6:12

Gadia kera ka awambe man inyam se lu nôngon ityav a ve ga, kpa ka mbatarev man mbautahav man mba ve lu utor sha tar cii mba ime ngin ne, man ujijingi mba aferev mba sha ajiir a Sha.

Duteronomi 4:39

Fa ase nyian ne, koso ken ishima you kpaa, er i lu TER A lu Aôndo u Sha man u shin tar kpaa yô; mô gen ngu ga.

Mbafilipi 2:10

sha er hanma inyu cii i mba ve lu Sha man mba ve lu shin tar man mba ve lu shin atô u taregh kpaa, ia gure inya ken iti i Yesu yô,

Mbakolose 1:15

Un ka ibeen i Aôndo u i nengen a Na ga la, ka Waniunda ken akaa a i gbe a cii,

Mbakolose 1:20

Man er A va a bem sha awambe a sha terankon Na la yô, lu sha a Na je man Aôndo hime akaa cii a iyol Na ye, akaa a a lu shin tar man akaa a a lu Sha kpaa.

Mbakolose 2:10

Man ne mba a m-iv la ken a Na, Un u A lu ityough sha mbatarev man tahav cii la.

Mbakolose 2:15

A ngohol mbatarev man mbautahav mba sha kwavaôndo la ikav mbi utyav kera, A due a ve ken igbar hingir ikav i tesen, A hemba ve gbulugh gbulugh sha terankon.

Mbaheberu 1:2

kpa ken ayange a masetyô ne yô, A ôr kwagh a vese sha Wan Na u A ver Un dyako sha akaa cii, ka sha a Na kpaa A er tar cii ye.

Mbaheberu 2:10

Gadia Un u akaa cii a dugh her a Na yô, er A lu van a ônov mba nomso kpishi ken iengem yô, doo u Una sôr Orhemen u myom ve, A̱ hingir vough, sha atsan a yan.

1 Peteru 3:22

A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikev.