Mbakolose 1:13 - ICIGHAN BIBILO

¹³ A yima se A due a vese ken tahav mbu imev kera A nyôr a vese ken tartor u Wan Na u doon ishima.

Mbakolose 1:13 Iomraidhean Croise

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Yesaia 60:2

Gadia, nenge, ime ia cir tar, man angôghime kpaa una cir akuraior; kpa we yô, TER Una mondo iwanger sha a we, iengem Na kpaa á nenge a i sha we.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Luka 13:24

Nôngo nyôr nen hen hunda u hogholoo, gadia M kaan ne ne, ior kpishi vea nôngo u nyôron, kpa vea fatyô ga.

Luka 22:53

Er M lu a ven ken tempel ayange ayange, ne za ave sha u kôron Mo ga; kpa shighe ne ka shighe wen je ne, man ka shighe u tahav mbu imegh kpaa.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 3:35

Wan doo Ter ishima, nahan A na akaa cii sha ikev Na.

YOHANE 5:24

Mimi mimi je, M kaan ne ne, or u nan ongo kwaghôron Wam man nan ne Un u A tindim la jighjigh yô, nan ngu a uma u tsôron, nan ngu van hen ijirôron kpaa ga, kpa nan due ken ku, nan nyôr ken uma ve.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

2 Mbakorinte 11:14

Kwagh ne kpaa ka kwagh u kpiligh iyol ga, gadia Satan je kpaa ka a gema iyol na er ka ortyom u iwanger nahan.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Mbaefese 4:18

Mfe ve la wa ime, mba paleghaa a uma u Aôndo, sha ci u lanegh ku ku lu ken ve sha asema ve a cighir la.

Mbaefese 5:5

Kwagh ne a̱ wanger ne dedoo, hanma or u idya shin or u hwangeregh shin or u hua, ka or u civir akombo je la, nan ngu a dyako ken tartor u Kristu man u Aôndo la je ga.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

Mbaefese 6:12

Gadia kera ka awambe man inyam se lu nôngon ityav a ve ga, kpa ka mbatarev man mbautahav man mba ve lu utor sha tar cii mba ime ngin ne, man ujijingi mba aferev mba sha ajiir a Sha.

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

Mbaheberu 2:14

Er ônov ve zough sha inyam man awambe cii yô, kape Un kpaa A nyôr nongo a ve sha kwagh la, sha er ka sha ku man Una vihi agee a un u a lu a tahav mbu kuugh la kera ye, ka diabolo je la,

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.

1 Yohane 2:8

Nahan kpaa ka tindi u he m ngeren ne ye, u a lu mimi ken a Na man shi ken a ven kpaa, gadia ime ngi karen man iwanger i mimi gba mondon ve.

1 Yohane 3:14

Se yô, se fa, se due ken ku kera se nyôr ken uma sha ci u anmgbianev ve doo se ishima yô. Or u nan lu a dooshima ga yô, ka ken ku nan tem ye.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.