Mbakolose 1:12 - ICIGHAN BIBILO

¹² ne̱ sugh Ter u A na ne ne kuma u lun a kwar ken dyako u uicighanmbaiorov ken iwanger.

Mbakolose 1:12 Iomraidhean Croise

1 Utor 6:7

Zum u i lu maan iyou la yô, i maa i sha awen a i vande kuan a hen ijiir i dughun a la je; i lu ungwan iov i msabe shin ijembe shin hanma ikagh ki tomough ki iyôgh hen iyou la, zum u i lu maan ave la ga.

1 Kroniku 29:20

Tsô Davidi kaa a ior cii er: Yô, wuese nen TER, Aôndo wen. Tsô ior cii wuese TER, Aôndo u uter vev, ve wa ityough inya, ve gure ve civir Aôndo, ve civir tor kpaa.

Upasalmi 116:7

Hile hen mmem wou, uma wam, gadia TER er a we dedoo yum.

Upasalmi 36:9

Gadia ka her a We imbor i uma i lu ye; ka ken iwanger You man se nenge a iwanger ye.

Upasalmi 79:13

Nahan yô, se ior Ou man iyôngo You i U kor, sé wuese We gbem sha won, man sé pase iwuese You sha ikov ikov. Ngun ka sha ci u orhemen u mbawanatsam; i ver un sha ikenge i: Ulôhô mba sha Mpase. Ka Pasalmi u Asav

Upasalmi 97:11

Mba samber a iwanger sha ci u mbaperapera, man msaanyol sha ci u mba ve lu a ishima i mimi yô.

Anzaakaa 16:1

Mbamhen mba ken ishima ka mba iorov tsô, kpa imo i kaan ken zwa yô, ka hen TER i dugh ye.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Daniel 2:23

We, Aôndo u uter Av, m sugh U, man m wuese We kpaa, U nam kwaghfan man tahav, man ahegen kpaa shi U tesem kwagh u se lu keren her a We yô; gadia U pase se kwagh u tor la.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

YOHANE 4:23

Kpa shighe ngu van, a kuma je ve, u mba ve civir sha mimi yô, vea civir Ter ken jijingi kua ken mimi, gadia ka mba ve civir Un nahan ne je Ter A keren ye.

Aerenakaa A Mbaapostoli 20:32

Hegen yô, m ver ne sha ikev i Ter man shi ikev i kwaghôron Na u sha mhôôn la kpaa, Un u A lu a agee a Una maa ne, Una na ne dyako a mba ve lu uicighanmbaiorov cii imôngo.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaromanu 11:17

Aluer i asegh agbaa a gen man we u u lu angbaa u kon u olev u ken toho ne i va zor u sha ijiir i a, u zua ken mise u zaregh u kon u olev la yô,

Mbaromanu 15:27

Doo ve man ka u ve̱ er a ve nahan kpee je, gadia aluer atôatyev zua a kwar a ve imôngo sha akaa a jijingi yô, ka u a kpaa a̱ wase ve sha akaa a iyolough kpee.

Mbaromanu 8:17

Aluer se mba ônov yô, se mba mbayandyako kpaa, ka mbayandyako u Aôndo man mbayandyako a Kristu imôngo kpaa, aluer sea ya ican a na imôngo sha u shi á na se iengem a Na imôngo kpaa yô.

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

1 Mbakorinte 8:6

kpa her a vese yô, Aôndo ngu môm tsô, ka Ter u akaa cii a dugh her a Na yô, man shi ka sha ci Na se lu uma ye; Ter kpaa ngu môm, ka Yesu Kristu, ka sha a Na man akaa cii a lu ye, se kpaa ka sha a Na se lu uma ye.

1 Mbakorinte 9:23

M er akaa cii sha ci u Loho u Dedoo sha u me zua a kwar sha mi yô.

2 Mbakorinte 11:14

Kwagh ne kpaa ka kwagh u kpiligh iyol ga, gadia Satan je kpaa ka a gema iyol na er ka ortyom u iwanger nahan.

2 Mbakorinte 5:5

Un u A lu sôron se sha ci u kwagh ne yô ka Aôndo, ka Un A ne se ibumun kpaa ye, ka Jijingi je la.

Mbaefese 1:11

Un u se ya dyako ken a na, u i vande veren se la sha awashima u Un u A eren akaa cii sha mhen u awashima Na la.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbaefese 2:18

Gadia ka sha a Na man se uhar cii se lu a ian i nyôron hen Ter ken Jijingi môm ye.

Mbaefese 3:6

er atôatyev kpaa a lu mbayandyako imôngo man iyol i môm man nongo môm a vese sha ityendezwa i ken Kristu Yesu sha Loho u Dedoo.

Mbaefese 4:6

Aôndo kpaa ngu môm, ka Ter u uuma cii. A tav A kar uuma sha cii, man ngu eren kwagh ken uuma cii man ngu lun ken uuma cii kpaa.

Mbaefese 5:11

Man de nyer nen nongo a aeren a imegh a a lu a inja ga la ze, kpa guda yô, pase nen a ken igbar.

Mbaefese 5:20

Sughun nen Aôndo Ter hanma shighe sha akaa cii ken iti i Ter wase Yesu Kristu.

Mbaefese 5:4

Hwanger man kwaghôron u sha beer man asenge a doon ga la cii, a̱ de luun ken ven ga, guda yô, i̱ lu iwuese.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

Mbakolose 2:2

sha u ma i taver ve asema ma i zough ve ken dooshima ma ve fe kwaghmyer u Aôndo, ka Kristu je la.

Mbakolose 3:15

Man bem u Kristu a̱ lu orhemen ken asema a en gadia ka sha ci u kwagh ne man i yila ne ken iyol i môm ye. Shi lu nen a ishughun.

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 12:23

man mkohol u mbaiundav mba i nger ve ati Sha, man Aôndo, Orjir u akaa cii, man ujijingi mba mbaperapera mba i gema ve ve hingir vough la,

Mbaheberu 3:1

Nahan yô, ne uicighananmgbianev mba ne lu a kwar sha myer u a dugh Sha, u i yila ne la, ver nen ishima sha Apostoli man Zegepristi u se pase kwagh Na sha mpase u jighjigh wase u nan la cii, ka Yesu je la,

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

Yakobu 3:9

Ka sha u je ka se wuese Ter, man Aôndo ye, shi ka sha u kpaa ka se wa ior mba i gbe ve sha mlu u Aôndo la ifan ye.

1 Peteru 5:1

Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la.

1 Yohane 1:3

ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

Mpase U Yohane 21:23

Kwagh gba gar la a iyange shin uwer sha u ve̱ ta ker ga, gadia iengem i Aôndo ngi wanger ker, Waniyôngo kpaa ka imenger na.

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.

Mpase U Yohane 22:5

Tugh mbua kera ile ga, kwagh una kera gba ve a iwanger i imenger shin iyange kpaa ga, gadia Ter Aôndo Una ta iwanger sha a ve, vea tema tor gbem sha won.