Mbakolose 1:10 - ICIGHAN BIBILO

¹⁰ sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 1:10 Iomraidhean Croise

Anzaakaa 16:7

Zum u aeren a or ka a doo TER yô, A na mbaihomov mba nan je kpaa, ve lu a nan doo doo.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Daniel 12:4

Kpa we Daniel cir akaaôron man ver ikav sha ruamabera ne zan zan sha shighe u mkur; ior kpishi vea zende wue wue man mfe kpaa una seer.

Mika 4:5

Gadia ior cii mba zenden hanmô ve ken iti i aôndo u nan, man se yô, sé zende ken iti i TER, Aôndo wase, gbem sha won.

Habaku 2:14

Gadia tar ua mgbough a mfe u iengem i TER, er mngerem ma ngee ma cir zegemnger nahan.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 15:8

Ka kwagh ne a ne Terem icivir ye, ka u ne ume atam kpishi la, man ne hingir mbahenen Av ye.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

Mbaromanu 1:13

Anmgbianev, sarem ka de lanen nen ga er acin imôngo je m wa ken ishima u van ken ven, kpa zan zan hegen i bundem, sha u ma m or iwenge ken ven er m or ken atôatyev agen nahan kpaa.

Mbaromanu 4:12

Shi a̱ lu ter u mbaicôngo kpaa, ka mba ve tsenge a tsôngo tseegh tsô la ga kpa ka mba ve zenden sha angahar a ter wase Aberaham u a ne jighjigh er a lu ipusu la je.

Mbaromanu 6:4

Nahan i ii se a Na imôngo sha batisema u ken ku la sha u er i nder Kristu ken mbakpenev sha iengem i Ter yô, kape se kpaa se zenden ken uma u he je la.

2 Mbakorinte 2:14

Kpa i̱ wuese Aôndo u A ne se, se lu hemban ken Kristu gbem ne, shi A lu samber a ihuma i kwaghfan Na ken hanma ijiir cii sha ikev yase.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

2 Mbakorinte 5:9

Nahan yô, se mba veren ishima u ma se doo Un, shin sea lu ken iyol her shin sea kera lu ken iyol ga kpaa.

2 Mbakorinte 9:8

Aôndo fatyô u nan ne mrumun u sha mhôôn cii wuee, sha u hanma shighe né lu a hanma kwagh á kuma sha hanma gbenda cii man shi né na kwagh wuee sha hanma tom u dedoo yô.

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Mbaefese 4:1

Mo orkwar u ken Ter ne, m ngu wan ne kwagh mer, zende nen zende u u kom sha myer u i yila ne la,

Mbaefese 4:13

zan zan se cii sé va kuma sha mzough u ken jighjigh u nan, man mfe u fan Wan u Aôndo man sha mlu u igandenor man ikaren i mluyol u m-iv u Kristu la.

Mbaefese 5:10

Karen nen faan nen kwagh u a doo Ter ishima yô.

Mbaefese 5:15

Nenge nen vighe vighe er ne zenden yô, i̱ de lu er mbalanenkwagh nahan ga, kpa i̱ lu er mbafankwagh nahan.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.

Mbakolose 2:19

kpa nan kera kôr sha ityo ga. Ka sha ki man iyol cii i lu vesen sha mseer u Aôndo, sha msuur man mzough u igbila man uijuan mba i ye.

Mbakolose 2:6

Nahan er ne rumun Kristu Yesu ner ka Ter yô, shi zenden nen ken a Na nahan vough,

Mbakolose 3:20

Ne ônov kpaa ungwan nen imo i mbamaren enev ken akaa cii, gadia ka kwagh u doon Ter je ne.

Mbakolose 4:5

Zenden nen sha kwaghfan hen mba ve lu ken won la, man wa nen ian yen iko.

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

1 Mbatesalonika 4:1

Nahan hegen yô, anmgbianev, se mba zamber a ven shi se mba taver ne asema ken Ter Yesu, er ne ungwa hen vese er i doo u né zende man á doo Aôndo yô, kape ne lu zenden kpaa la shi yemen nen hemen sha mi kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:4

Ma orutya u nan lu nôngon ityav ave yô nan cimin iyol i nan sha akaa a uma u tar ne ga, gadia ka u nana̱ er kwagh u doon or u a tsough nan sha ci u utya la.

Titu 3:1

Umbur ve ve̱ ungwan imo i mbatarev man mbautahav man mba ve nengen sha akaa, ve̱ de karen imo ve ga, ve̱ wa iyol ve kegh a kegh sha u eren hanma tom u dedoo,

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Mbaheberu 11:5

Ka sha jighjigh u nan man i yem a Heno Sha ye nahan a kera nenge a ku ashe ga, man i kera zua a na ga, gadia Aôndo yem a na. Gadia er i lu a yem a na ga je tsô i er shiada sha a na er a doo Aôndo ishima.

Mbaheberu 13:16

Kpa u eren dedoo man shi u panden karen ior a̱ de hungul ne ga gadia anza a iniav mbin ne doo Aôndo.

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

2 Peteru 1:8

Gadia aluer akaa ne aa lu ken a ven man á ngee je, á dumbur yô, aa na er ken mfe u ne fe Ter wase Yesu Kristu la né kera lu gbilin shin mbaumen atam ga, ze.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

1 Yohane 3:22

Man nyityôkwagh i se sen kpaa se mba ngohol i her a Na, gadia se mba kor atindi a Na, shi se mba eren akaa a doon Un kpaa.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

3 Yohane 1:6

mba eren shiada sha dooshima wou sha ishigh ki nongo u Kristu; nahan aluer u shi u wase ve er i doo hen Aôndo yô, ú er doo.