Mbaheberu 4:3 - ICIGHAN BIBILO

³ Kpa se mba se ne jighjigh ne yô, ka se je se lu nyôron ken mmem ne ye, er i kaa yô, er: Er M bum sha ishimanyoon Yam nahan, vea nyôr ken mmem Wam mayange ga, Shin er ityom Na i kure hii sha mgbetar nahan kpaa.

Mbaheberu 4:3 Iomraidhean Croise

Upasalmi 95:11

Ka nahan man M yuwe, M bum Mer: Vea kera nyôr ken mmem Wam ga ye.

1 Peteru 1:20

I vande fan Un je er i lu a gba tar ga yô, kpa i pase Un ken shighe u masetyô ne sha ci wen.

Mbaheberu 9:26

Luun nahan yô, ma A ye ican acin imôngo hii sha igbetar je. Kpa hegen yô, A ande kwa môm sha mkur u ashighe sha u Una tôô asorabo kera sha nagh ku sha iyol Na la.

Mbaefese 1:4

A tsuwa se ken a Na je er i lu a gba tar ga yô sha u lun mba i tsegh ve man u lun a acôghol iyol ga kpaa sha ishigh Nagh. Ka sha dooshima je

Genese 1:31

Tsô Aôndo gema nenge hanma kwagh u Un er yô, lu u doon tsung. Nahan hingir iyange i been man pepe, ka iyange i sha ataratar je la.

Mbaheberu 3:11

Nahan M bum sha ishimanyoon Yam Mer: Vea kera nyôr ken mmem Wam mayange ga.

Mateu 13:35

sha u kwagh u i ôr sha ikev i profeti Yesaia la yô, a̱ kure sha mi vough, er: Me bugh zwa Wam Me ôr anzaakaa. Me pase akaa a a lu myer er i gba tar je la.

Yesaia 28:12

Un u A kaa a ve er: Ngun ka mmem je ne, na nen u vôron la mmem; man ka ngun man a lu mkunduyol je ye, nahan kpaa ve rumun u ungwan ga.

Ekesodu 20:11

gadia TER gba Sha man tar man zegemnger kua akaa a a lu ken ve cii, ayange ataratar, sha iyange i ataankarahar la A mem, ka nahan man TER A ver iyange i memen doo doo, A tsegh i kpaa ye.

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Esekiel 20:38

man Me yegher mbahendan kwagh ker atô wen kera kua Mbaperen atindi a Am kpaa; Me due a ve ken tar u ve lu shir ker la, kpa vea nyôr ken tar u Iserael ga, man nea fa er Mo M lu TER ye.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.