Mbaheberu 2:3 - ICIGHAN BIBILO

³ nahan se sé war nana aluer sé kera wa myom u vesen ne iko ga yôô? Ka Ter A hii u pasen un ye, mba ve ungwa un la kpaa, ve va taver un hen vese.

Mbaheberu 2:3 Iomraidhean Croise

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 20:6

Sha iyange la mbateman ken tar u hen kpe u zegemnger ne, vea kaa er: Nenge ase, kape ishuur wase a lu ne, henpe se yevese se za ker iwasen sha u sé war sha ikev i tor u Ashiria yô; nahan yô, se er nan man sé wara?

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 51:8

Gadia ivina ia ya ve er ikondo nahan, ijôô kpaa ia ya ve er ul nahan; kpa perapera Wam una tsôr gbem sha won, myom Wam kpaa una lu sha ikov ikov cii.

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Esekiel 17:15

Kpa ngula gema hendan a na gadia a tindi mbatyomov nav hen Igipiti, sha er ve̱ na un anyinya man mbautyav kpishi yô. Á kpe un iyol je kpa? U nan eren ambaakaa ne, nana̱ war je kpa? Er nan vihi ikuryan, nahan kpa shi nana wara?

Esekiel 17:18

Gadia a laha mbum er a vihi ikuryan kera yô; man nenge, a vande nan uwegh je, nahan kpaa a er akaa angan cii; una war je ga.

Mateu 23:33

Ne iyô, ne ônov mba igbindev! Né er nan man né war ibo i nan i ken gehena la?

Mateu 4:17

Hen shighe la je Yesu hii u ôron kwaghaôndo, gba kaan er: Gema nen asema, gadia tartor u Sha mgbôghom ve.

Marku 1:14

Mba we Yohane ken gaadi kera yô, Yesu va nyôr ken Galilia gba ôron Loho u Dedoo u Aôndo, kaan er:

Luka 1:2

er mba ve lu nengen Imo la sha ashe a ve sha hiihii je shi ve lu eren Un tom kpaa yô, ve na se a la,

Luka 1:69

A tim se korough ku myom ken ya u wanakiriki Na Davidi,

Luka 24:19

A kaa a ve er: Ka nyi akaa? Ve kaa a Na er: Ka kwagh u Yesu, Or u Nasareti, u A lu profeti u lun a agee ken tom man kwaghôron sha ishigh ki Aôndo kua ior cii.

YOHANE 15:27

Man ne kpaa, né pasen kwagh Wam sha ci u ne lu a Mo sha hiihii je yô.

Aerenakaa A Mbaapostoli 1:22

hii sha batisema u Yohane zan zan ar sha iyange i i tôô Un her a vese i yem a Na Sha la; yô, ka u mô ve nana̱ hingir orshiada sha kwagh u mnder Na la a vese imôngo keng.

Aerenakaa A Mbaapostoli 2:22

Ne ior i Iserael, ungwa nen akaaôron ne: Yesu, Ornasareti Or u Aôndo tese ne Un sha ityom i ageegh man sha akaa a kpilighyol man uivande mba Aôndo er sha ikev Na her atô wen, er ne kpaa ne fe nahan;

Aerenakaa A Mbaapostoli 4:12

Man shi myom ngu ken ma or ugen kpaa ga; gadia ma iti igen i i ne ior i á yima se a mi keng yô, ngi sha won kpaa ga.

Mbaromanu 11:14

ka sha u nan ityô yam iwuhe i gban sha kwagh ne, i̱ yima mbagenev ken ve.

Mbaromanu 2:3

We or u ka u gba nan mba ve eren ambaakaa ne ibo tsô, kpa shi u lu eren a iyol you ne, u ngu henen wer ú war ijirôron i Aôndo?

1 Mbakorinte 1:21

Gadia er i lu sha kwaghfan u Aôndo je man tar u kera fe Aôndo sha gbenda u kwaghfan la ga yô, nahan doo Aôndo u yiman mba ve ne jighjigh la sha ibumegh ki kwaghôron Na.

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

Titu 2:11

Gadia mrumun u sha mhôôn u Aôndo va ande ve, a va a myom sha ci u ior cii.

Mbaheberu 1:1

Ngise yô, Aôndo ôr kwagh a uter sha uprofeti acin imôngo man sha igbenda kposo kposo kpaa,

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 1:2

kpa ken ayange a masetyô ne yô, A ôr kwagh a vese sha Wan Na u A ver Un dyako sha akaa cii, ka sha a Na kpaa A er tar cii ye.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mbaheberu 4:1

Nahan yô, er ityendezwa i nyôron ken mmem Na i lu her yô, se cia nen sha u i̱ de nengen sha hanmô wen er i bunde nan ga.

Mbaheberu 4:11

Yô, se nôngo nen tsung u nyôron ken mmem la sha er ma or nana̱ de gbaan sha inja i ihembeato la ga.

Mbaheberu 5:9

Er A hingir vough yô, A hingir itine i myom u tsôron sha ci u mba ve ongo imo Na la cii.

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Yohane 1:1

Kwagh u a lu sha hiihii la je, u se ungwa, man u se nenge sha ashe ase kpaa, man u se kenger je, ave ase kpaa bende sha mi, sha kwagh u Imo i uma la—

Yuda 1:17

Kpa ne mbadoon mo ishima yô, umbur nen akaaôron a mbaapostoli mba Ter wase Yesu Kristu ve tsengaôron la.

Mpase U Yohane 7:10

Ve lu genger imo kaan er: Myom ka u Aôndo wase u A tem sha ikônough ki torough la man shi Waniyôngo kpaa.