Mbafilipi 4:8 - ICIGHAN BIBILO

⁸ Kwagh ugen yô, anmgbianev av, ver nen ishima sha hanma kwagh u mimi, man hanma kwagh u a kom icivir, man hanma kwagh u perapera man hanma kwagh u wang, man hanma kwagh u doon ishima man hanma kwagh u a doo u ungwan kpaa. Aluer kwagh u hemban lun a inja una lu man kwagh una kuma iwuese yô, ver nen ishima sha akaa ne.

Mbafilipi 4:8 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

2 Samuel 1:23

Saulu vea Yonatan ka mbadoonshima man mbasarenior kpaa, sha ayange a ve lu uma la, man ken ku kpaa ve pav ga; ve hemba ugafa kpaver, shi ve hemba begha agee kpaa.

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

Upasalmi 82:2

Shi nan je man né de u ôron ijir sha mimi ga, man né de u tan ken mbaafereve? Sela.

Anzaakaa 11:1

Iyôgh ki karen kwagh a mi sha icugh ka kwagh u ndôhôr TER ishima je, kpa ikaren u myoho u mimi yô, ka Un kwagh u ember je.

Anzaakaa 12:4

Kwase u mimi nan ngu tsar u sha ityou u nom u nan, kpa u nan eren kwagh u kunya yô, nan ngu er ihôônkwagh nahan ken akuhe a nom u nan.

Anzaakaa 16:11

Iyôgh ki karen kwagh a min ki mimi ka ki TER je kua ikagh ki karen kwagh a mi kpaa, uikaren mba myoho mba ken ikpa cii, ka tom Na je.

Anzaakaa 20:7

Orperapera u nan zenden ken mimi u nan yô, ônov mba nan mba ken ijime kpaa á saan ve iyol!

Anzaakaa 31:10

Ka an nana fatyô u zuan a kwase u injaa? Gadia nan hemba asa a mimi inja.

Anzaakaa 31:29

Ônkasev kpishi ve er akaa sha inja, kpa we u gema u hemba ve cii.

Anzaakaa 31:31

Na nan sha atam a ave a nan, man ityom i nan i wuese nan hen ihindagar.

I Solomon 5:16

Zwa na doo tsung, een, un cii a doo. Ka u a doom ishima je la, shi ka ikarem kpaa, ne ônkasev mba Yerusalem.

Yesaia 26:7

Gbenda u orperapera ngu vaanaa; ka U sôr gbenda u orperapera u lu shambe shambe.

Mateu 22:16

Ve tindi mbahenen vev man Mbaherode her a Na, ve kaa er: Ortesen, se fa U ngu Or u mimi, man U tesen gbenda u Aôndo sha mimi kpaa; U cie ma or ashe ga, gadia U nengen sha mlu u or er nan lu la ga.

Marku 6:20

gadia Herode lu cian Yohane sha ci u a fa er a lu or u jighjigh man shi icighanor kpaa yô; a kura un doo doo, a ungwa kwaghôron na acin imôngo je, kondo un iyol; nahan kpaa doo un u ungwan un.

Luka 16:15

Kpaa A kaa a ve er: Ka ne mba ne ne ayol a en ishô sha ishigh ki iorov je ne, kpaa Aôndo fa asema a en; gadia kwagh u a lu ior kwagh u icivirigh yô, gema ka kwagh u ndôhôr Aôndo ishima.

Luka 2:25

Orgen lu ken Yerusalem, iti na er Shimeon; or la lu or u perapera man u cian Aôndo a ishima i môm, lu keghen msurshima u Iserael; Icighan Jijingi kpaa lu sha a na.

Luka 23:50

Tsô nenge, orgen iti na er Yosev, lu orjir, lu or u injaa man shi u perapera kpaa,

YOHANE 7:18

Or u nan gbe ôron kwagh sha tahav mbu nan iyol i nan yô, ka icivir i nan tsô nan keren ye. Kpa u nan keren icivir i u a tindi nan la yô, ka nan je nan lu u mimi ye, man ma iferkwagh môm ngi ker a nan kpaa ga.

Aerenakaa A Mbaapostoli 10:22

Ve kaa er: Korneliu torutya, ka or u perapera u cian Aôndo, u Mbayuda cii ve lu eren shiada u dedoo sha a na la, a ungwa kwaghôron sha zwa u icighanortyom u Sha er a̱ yila u, u̱ va hen ya na, Sha u a̱ ungwa kwaghôron her a we.

Aerenakaa A Mbaapostoli 22:12

Tsô orgen, iti na er Anania, or u veren ishima sha atindiakaa, u Mbayuda mba ve tema keela cii wuese un yô,

Aerenakaa A Mbaapostoli 6:3

Nahan yô, anmgbianev, ker nen ior utaankaruhar ken a ven, mba i wuese ve, man ve iv a Jijingi man mfe kpaa yô, sha u se̱ ver ve sha tom ne.

Mbaromanu 13:13

Se zenden nen sha inja, i̱ lu sha inja i atetan, i̱ de lu sha iniongo i msôr shin msôrom ma hunden ga, i̱ de lu sha idya shin ijimba i eren ga, i̱ de lu sha iyongo shin iwuhe i eren kpaa ga.

Mbaromanu 13:3

Aluer or nana eren dedoo yô, mbatarev ka kwagh u cian ga, saa nana eren kwagh u bo. Sar u pe cian or u nan lu a tahav la ga zee? Yô, eren kwagh u dedoo tsô nana wuese we.

Mbaromanu 14:18

Or u nan eren Kristu tom sha gbenda ne yô, á doo Aôndo a nan, ior kpaa vea rumun nan.

Mbaromanu 2:29

Gadia ka u nan lu Oryuda ken ishima la je nan lu Oryuda ye, icôngo i mimi kpaa, ka kwagh u ken ishima, ka kwagh u ken jijingi, ka sha kwaghngeren la tsô ga. Iwuese i nan yô, ka i hen ior ga, ka ken Aôndo i dugh ye.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

2 Mbakorinte 13:7

Se mba sônon Aôndo ser, ma ne er ma kwaghbo ga, ka sha u i̱ nenge se er se kom ikaren kpee ga, kpa ka sha u ma ne er kwagh u doon shin er se sea lu er se kuma ikaren ga nahan kpaa.

2 Mbakorinte 6:8

man icivir, man iheen, man gwa u bo, man gwa u dedoo. Mba nengen se er ka mbaaiev yô, kpa se mba mbamimi je;

2 Mbakorinte 8:18

Shi se tindi anmgbian u a ze gwa sha kwagh u Loho u Dedoo ken iniongo i Kristu cii la a na imôngo.

2 Mbakorinte 8:21

Gadia se mba veren ishima sha akaa a dedoo la, ka sha ishigh ki Ter tseegh ga, kpa ka sha ishigh ki iorov kpaa.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbaefese 4:25

Nahan yô, dugh nen aie kera, hanma or nana̱ ôron kwagh sha mimi a or u nan we ndor a nan yô gadia se mba alegh ayol a ase.

Mbaefese 5:9

Gadia ityamegh ki iwangeregh yô, ki ken hanma kwagh u doon, man kwagh u perapera man kwagh u mimi cii.

Mbaefese 6:14

Nahan yô, tile nen, tsule nen kwange hen uya, ka mimi je la, har nen perutya iyol, ka perapera je la,

Duteronomi 16:20

Ka mimi tseegh ú keren ye, sha er ú lu uma, ú ya dyako u tar u TER, Aôndo wou, Una na u yô.

Mbafilipi 3:1

Kwagh ugen yô, anmgbianev av, ember nen ken Ter. U shi ngeren ne akaa shon ne kpaa, uwer gbam ga, ne yô, ka ne iwasen.

Mbakolose 4:5

Zenden nen sha kwaghfan hen mba ve lu ken won la, man wa nen ian yen iko.

1 Mbatesalonika 4:12

sha u né zende vough hen mba ve lu ken inya la, man shi ma kwagh môm a̱ de banen ne ga yô.

1 Timoteu 2:2

sha ci u utor man ve mba i ver ve sha a-an a icivirigh la cii sha u se̱ tema bem bem, ayôôso a̱ de lu ga, ken mciviraôndo kua mlu u sha inja sha inja sha hanma gbenda cii.

1 Timoteu 3:11

Kape kasev kpaa, ve̱ lu mbamimi je la, ve̱ de lu mbaangerev ga, ve̱ lu mbakundunasema, ve̱ lu jighjigh ken akaa cii.

1 Timoteu 3:4

I̱ lu or u nengen sha ya u nan dedoo, nana̱ nengen sha ônov mba nan ve̱ tema sha inja sha inja, ve̱ lu mbaungwan kwagh.

1 Timoteu 4:12

Ma or nana̱ de lahan we er u ngu wanye ga, kpa hingir mbananjighjigh ikav sha kwaghôron man sha zende man sha dooshima man sha jighjigh u nan man mlu u wang kpaa.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

1 Timoteu 5:2

kasev mba ganden kpaa er ka ungô nahan; mbayevkasev kpaa er ka anmgbianev mba kasev nahan sha mlu u wang cii.

Titu 1:8

kpa i̱ lu or u eren a mbavannya dedoo, man or u kwagh u dedoo a doo nan man or u tsev tsev man or u jighjigh man icighanor man or u kôron iyol na tsaha kpaa,

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Titu 2:2

Wa mbaganden kwagh wer, ve̱ lu per, ve̱ tema sha inja sha inja, ve̱ lu tsev tsev, i̱ kpe jighjigh ve u nan la iyol kua dooshima man ishima i wan ve la kpaa.

Titu 2:7

Lu ve ikav i tesen sha aeren a dedoo man sha ityesen i mimi man mlu u sha inja sha inja

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Mbaheberu 11:2

Gadia ka sha kwagh u jighjigh u nan man i er mbayiase shiada u dedoo ye.

Mbaheberu 13:18

Eren nen msen sha ci wase, gadia se fa dedoo ser, se mba a imo i dedoo ken ishima, sar se u zenden tsembelee sha akaa cii.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.

Yakobu 3:17

Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 4:8

Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.

2 Peteru 3:1

Ne mbadoon mo ishima, ka washika u sha uhar u m lu ngeren ne je ne. Ken ve uhar cii sarem pe umbur ne akaa, nderen ishima yen i wang.

1 Yohane 3:18

Mbayev av, dooshima wase a̱ de kera luun sha mkaan shin sha nombor tsô ga, kpa i̱ lu sha ieren man sha mimi kpaa.

1 Yohane 3:3

Hanma or u nan lu a ishimaverenkeghen ne sha a Na yô, ka nan wanger iyol i nan er Un kpaa A lu wang nahan.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.

Rutu 3:11

Hegen yô, wan wam, de cie ga, hanma kwagh u u kaa, me er u; gadia hundagar u ior av cii fa er u lu kwase u injaa yô.