Mbafilipi 4:5 - ICIGHAN BIBILO

⁵ Ior cii ve̱ fa ishimawan yen doo doo. Ter zulum ve.

Mbafilipi 4:5 Iomraidhean Croise

Mateu 6:25

Ka nahan man M kaan ne ye Mer, asema, a̱ de nyian ne sha ci u uma, wen, sha kwagh u né ya man sha kwagh u né ma, shin sha ci u iyol yen, sha kwagh u né zer la, ga. Uma hemba kwaghyan gaa, man iyol kpaa i hemba akondo gaa?

Mateu 6:34

Nahan yô, asema a̱ de nyian ne sha kwagh u kper ga, gadia kper una gba nôngon sha kwagh na iyol na tsô; hanma iyange zayol u i lu a mi la, kuma i.

Luka 21:34

Kpa ver nen ishima sha ayol a en, asema a en a̱ de yoho sha hua u sha kwaghyan man sha ihundugh man sha akaa a nyian ishima a uma ne ga, iyange la i̱ de va bulun ne er kwaghhônon nahan ga;

1 Mbakorinte 16:22

Aluer Ter Una doo or ishima ga yô, ifan i̱ kôr nan. Maranata. (Ter ngu van.)

1 Mbakorinte 6:7

Kera je kpaa kwagh hemba ne a hemba je er ne lu a ajir ayol a en yô. Kera guda u ne gba ngohol ibo sha apera tsô gaa? Kera guda u kwagh a gba saan ne tsô gaa?

1 Mbakorinte 8:13

Nahan yô, aluer kwaghyan una hingir ityôkwagh i nan anmgbian wam gbev mbu nôngon yô, mayange me kera ya inyam ga, sha u i̱ de ne anmgbian wam gbev mbu nôngon ga yô.

1 Mbakorinte 9:25

Hanma or u wan iyol sha iniumbe yô, ka nan kôr iyol i nan tsaha sha akaa cii. Ve yô, ka sha u zuan a tsar u usen tsô, kpa se yô, ka u usen ga.

2 Mbakorinte 10:1

Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

2 Timoteu 2:2

i̱ de kenden ne asema gagh ga, asema a̱ de nyian ne kpaa ga, shin a lu sha jijingi, shin a lu sha kwaghôron, shin a lu sha washika inja er ka se se nger, er iyange i Ter i kuma ve ga.

Titu 3:2

ve̱ de er kwagh u dang sha ma or ga, ve̱ de lu mbanôngonnum ga, ve̱ lu a ishima i legh legh ve̱ hide a ayol a ve ijime hen ior cii.

Mbaheberu 10:25

Se̱ de bundu nen mbamkohol asev mba aduaav er mbagenev ve eren nahan la ga, kpa sé taver nen asema ayol a ase, i̱ seer eren nahan er ne nenge iyange la i lu mgbôghom yô.

Mbaheberu 10:37

Gadia: Shi côhin tseegh man Un u A lu van la Una va, ngôôr Na je ga.

1 Peteru 1:11

Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mi zum u A tsengapasen atsan a Kristu man iengem i ia dondo sha mi la.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

Mpase U Yohane 22:20

Un u A er shiada sha akaa ne ngu kaan er: Een, M ngu van fefa. Amen, va, Ter Yesu.

Mpase U Yohane 22:7

Nenge, M ngu van fefa. Or u nan we akaaôron a profeti a ken ruamabera ne iko yô, saan nan iyol.