Mbafilipi 4:3 - ICIGHAN BIBILO

³ We ikarem u mimi u sha tom kpaa, m ngu zamber a we mer, wase kasev mban. Ve er tom sha u pasen Loho u Dedoo a mo imôngo tsung kua Kelemen man mbagenev mba ve er tom a mo imôngo kpaa, ve mba ati a ve a lu ken ruamabera u uma la.

Mbafilipi 4:3 Iomraidhean Croise

Upasalmi 69:28

I̱ kough ve ken ruamabera u uma kera; i̱ de ngeren ve a mbaperapera imôngo ga.

Ekesodu 32:32

Hegen yô, ma U shi de ve isholibo ve, man aluer ka nahan ga yô, esem ken ruamabera Wou u U nger la kera tsô.

Yesaia 4:3

Or u nan shi ken Shion man u nan lu ken Yerusalem her yô, á yila nan er, icighanor, ka hanma or u i nger nan ken mbaumav ken Yerusalem la,

Esekiel 13:9

Uwegh Agh kua lu ihom a uprofeti mba ve nengen mbampase mba icughugh man ve tsengepasen sha aie la: vea lu ken mkohol u ior Av ga, man á nger ati a ve ken ruamabera u ya u Iserael ga, shi vea nyôr ken tar u Iserael kpaa ga; nahan vea fa er Mo M lu Ter AÔNDO ye.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Luka 10:20

Kpa de ember nen er ujijingi ve lu sha ikev yen ga, kpa ember nen er i nger ati a en Sha yô.

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Mbaromanu 16:12

Sugh nen Terufina man Terufosa mba ve eren tom tsung ken Ter nam nen. Sugh nen Perse un u a doom ishima, a er tom kpishi ken Ter la nam nen.

Mbaromanu 16:9

Sugh nen Urbanu u a lu ortom a mo imôngo ken Kristu man Setaku or u doon mo la kpaa, nam nen.

Mbafilipi 1:12

Sarem pe fa nen anmgbianev, kwagh u a erem ne gema hingir mzehemen u Loho u Dedoo,

Mbafilipi 1:16

Mban yô, ka sha dooshima gadia ve fa er i verem sha ci u mpaleghyol u Loho u Dedoo yô.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 1:5

ka sha ci u ne lu ave a mo imôngo sha u pasen Loho u Dedoo hii sha iyange i hiihii la je, zan zan ar hegen.

Mbafilipi 1:7

U me hen sha kwagh wen cii nahan yô, kam kwagh u dedoo, gadia ne mbam ken ishima, gadia ken mshirim am man shi ken mpaleghyol u Loho u Dedoo man shi mtim u i tim u la kpaa ne cii ne nyôr nongo a mo ken mrumun u sha mhôôn.

Mbafilipi 4:2

M ngu wan Yuodia kwagh shi m ngu wan Suntuki kwagh kpaa mer, ve̱ zua, ve lu kwaghmôm ken Ter.

Mbakolose 1:7

Kape i tese ne sha ikev i Epafera or u eren tom a vese imôngo u doon ishima la. Un ka ortom u jighjigh u Kristu sha ci wen.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.

Mpase U Yohane 17:8

Inyam i u nenge a mi la ngise lu kpa hegen kera ngi ga, ngi sôôn u duen shin ihungwa i i ze kweng la karen zan ken mtim. Mba ve tem shin tar, mba hii sha igbetar la je i nger ati a ve ken ruamabera u uma ga la, á kpiligh ve iyol a inyam la er ngise i lu kpa hegen i kera lu ga, kpa shi ia va lu la.

Mpase U Yohane 20:12

Tsô m nenge mbakpenev tile sha ishigh ki ikônough ki torough kila, mbavesen kua mbakiriki cii. Nahan i bugh uruamabera. I shi i bugh ruamabera ugen kpaa, ka ruamabera u uma je la. Tsô i ôr mbakpenev ijir sha akaa a i nger ken uruamabera mbala, sha aeren a ve.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.

Mpase U Yohane 3:5

Or u nan hembe yô, kape á haa nan akondo a pupuu iyol je la, man Me ese iti i nan ken ruamabera u uma kera je ga, kpa Me pase iti i nan sha ishigh ki Terem man sha ishigh ki mbatyomov Nav kpaa.