Mbafilipi 4:19 - ICIGHAN BIBILO

¹⁹ Aôndo wam Una na sha hanma gbayol wen vough sha inja i mngee u A ngee a akaa ken iengem ken Kristu Yesu.

Mbafilipi 4:19 Iomraidhean Croise

Genese 48:15

Tsô a ver Yosev doo doo, a kaa er: Aôndo, u uter av Aberaham man Isaka ve zenden sha ishigh Nagh la, Aôndo, u A kuran mo sha ayange a uma wam cii zan zan nyian ne,

2 Samuel 22:7

Ken mkighir u i kighir mo ne, m yila TER; een, m yila Aôndo wam, A ungwa imo yam, ken tempel Na, mliam am nyôr Un ken ato.

2 Kroniku 18:13

Kpa Mikaia kaa er: Er TER A lu u uma ne, kwagh u Aôndo Una kaam yô, ka un me ôr ye.

2 Kroniku 31:8

Zum u Hesekia man atiator ve va, ve va nenge atihi la yô, ve wuese TER, kua ior Nav Iserael kpaa.

Nehemia 5:19

Umbur mo sha kwagh u dedoo, Aôndo wam, sha akaa a m er sha ci u ior mban cii.

Nehemia 9:15

U na ve kwaghyan u Sha kpaa, sha ci u ijen ve, man U due ve a mngerem ken vande sha ci u imura ve, U kaa a ve Wer, ve̱ nyôr, ve̱ ngohol tar u U kende uwegh Ough sha Wer, Ú na ve la.

Upasalmi 104:24

Kpash! TERE, ityom You ngi atô kposo kposo, U er i cii sha kwaghfan, tar iv a akaa a U gbe la.

Upasalmi 130:7

We, Iserael, ver ishima kegh TER, gadia ka hen TER erdoo a lu ye, man hen a Na mpaa ngu wuee.

Upasalmi 36:8

ahôm a ken ya Wou kuma ve kpekpe, U na ve ve ma ifi u uishar Ou.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Daniel 6:22

Aôndo wam tindi ortyom Na, va cir ubegha ijô, ve erem ma kwagh u vihin ga; gadia i zuam a ibo sha ishigh Nagh ga; sha ishigh you kpaa, tor, m er ma kwaghbo ga.

Mika 7:7

Kpa mo yô, me ver ashe hen TER, me kegh Aôndo u myom wam; Aôndo wam kpaa Una ungwam.

Malaki 3:10

Va nen a môm-ken-upue mba jimin ken iyou i koson inyaregh, sha u iyou Yam i̱ lu a kwaghyan; yô, karem nen ase sha kwagh ne, kape TER u akum a Sha A kaa ne, tsô Mea bugh ne a-an a Sha, Mea haa ne iveren, je ia neer á haa inya.

Mateu 6:32

Gadia akaa ne cii atôatyev nga keren a, kpa Ter wen u Sha fa er kwagh a gbe ne sha akaa ne cii yô.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

YOHANE 20:27

Tsô A kaa a Toma er: Naregh hôwe heen, nenge ave Am, shi naregh uwegh bendem ken ihan, de kera lu or u banen a jighjigh u nan ga, kpa lu or u nan jighjigh.

Mbaromanu 1:8

Hiihii yô, m ngu wuese Aôndo wam sha Yesu Kristu sha ci wen cii, gadia jighjigh wen u nan za gwa sha won cii.

Mbaromanu 11:33

Kpash! Mze u ikpelaakaa man mfe man kwaghfan u Aôndo ve za kweng ne! Ajir a ôron a Na gande u timen sha mi, igbenda Na kpaa i gande u tôvon tsôô!

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Mbaromanu 8:18

M fa, atsan a se ye shighe u ainge ne a kuma sha iengem i á va pase se la ga.

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

2 Mbakorinte 12:21

M ngu cian mer, aluer me shi me va yô, Aôndo wam Una heem sha ashe a en, á gba u me zungwe sha kwagh u mbagenev kpishi mba ve vande eren isholibo kpa ve lu a gema ishima sha hôngor ve man sha idya i eren man sha ijimba i ve lu eren la kpaa ga.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbaefese 2:7

Ka sha u ken ayange a a lu van ken hemen la Una pase mrumun Na u sha mhôôn u a ngee yum, a hemba sha won la, sha a vese ken Kristu Yesu.

Mbaefese 3:16

M ngu sônon mer, A̱ na ne sha iengem Na i ngeen yum la, i̱ taver ne ne̱ lu a agee sha Jijingi Na ken uma u ken semayolough,

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbafilipi 4:7

man bem u Aôndo u a gande hanma mfe wase cii una kura asema a en man mbamhen enev ken Kristu Yesu ye.

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

1 Timoteu 6:17

Mba ve lu mbanyarev ken tar u ainge ne yô, wa ve kwagh wer, ve̱ de gengese ayol a ve ga, ve̱ de veren ishima sha inyaregh ki i fe kwagh sha min ken hemen ga la ze, kpa ve̱ ver ishima sha Aôndo u A ne se akaa cii wuee sha u se̱ er kwagh a mi yô.

Filemon 1:4

M ngu sughun Aôndo wam gbem hanma shighe u ka mea umbur we ken mbamsen av yô,

1 Peteru 5:1

Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.