Mbafilipi 4:12 - ICIGHAN BIBILO

¹² U lun ken ican kpaa m fa, u ngeen a kwagh wuee kpaa m fa. Hanma gbenda cii man ken hanma kwagh cii kpaa, i nyôr a mo ker, m fa ci ca cii, u yan kwagh kuman mo man shi u lun ijen kpaa, u ngeen a kwagh wuee man shi u banen a kwagh kpaa.

Mbafilipi 4:12 Iomraidhean Croise

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Yesaia 8:11

Gadia TER kaam nahan zum u uwegh Nagh ku kôrom man A wam kwagh er m̱ de zenden sha gbenda u ior mban ga la, A kaa er:

Yeremia 31:19

Ken masejime u m gema la, m vaa afanyô; man ken masejime u i kôôm mo la, m gbidye uwegh sha nam, m va ahenge, een, zan zan kundam iyol, gadia m tôô iheen i iyev av je.

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Mateu 13:52

Tsô A kaa a ve er: Kape i lu man hanma orngeren u nan hingir orhenen ken tartor u Sha yô, nan ngu er orya nahan u ka nan dughun akaa a he man a tse ken iyou i nan i koson akaa a injaa la.

2 Mbakorinte 10:1

Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

2 Mbakorinte 10:10

Gadia mba kaan er uwashika nav yô, mba norom sha kwagh, shi ve taver kpaa, kpa u nengen a na sha ashe yô, ka iurenor, kwaghôron na kpaa ka u ikoogh ga.

2 Mbakorinte 11:27

M lu eren tom sha ican, m eren tom tsung je, m tsa per ayange imôngo, m luun ijen, imura kpaa kôron mo, ashighe agen kwaghyan lum ga, wuhe lu kôron mo, m lu idyelegh kpaa.

2 Mbakorinte 11:7

Er m hide a iyol yam ijime sha u i̱ kende ne sha, m ôr ne Loho u Dedoo u Aôndo gbilin, nahan m er ka kwaghbo shinii?

2 Mbakorinte 11:9

Zum u m lu a ven man kwagh gbam kpaa, m za ma or iyol ga, gadia anmgbianev mba ve za va ken Masedonia la ve wasem sha ugbayol av. M kura iyol yam sha hanma kwagh cii sha u me hingir ne ikav mbi yuhwan ga yô, shi me kura iyol yam nahan kpaa.

Duteronomi 32:10

A zua a na ken tar u desereti, ken taaikôngo u akaa a vaan ker; A kase un, a wa atô, A yisa un, A kura un er wanshe Na yô.