Mbafilipi 4:1 - ICIGHAN BIBILO

¹ Nahan yô, ne anmgbianev mba ne doom ishima shi i hangem a ven kpaa, ne mba ne lu iember yam man tsar wam u icivirigh kpaa ne, tile nen ken Ter heregh taveraa, ne mbadoon mo ishima.

Mbafilipi 4:1 Iomraidhean Croise

Yobu 31:36

Ma m tee un sha avande am kpee je, ma m kange un sha ityough yagh er tsar nahan,

Upasalmi 125:1

Ve mba ve suur sha TER yô, mba er uwo u Shion nahan, u u tenger ga, u gbe lun gbem sha won yô.

Upasalmi 27:14

Kegh TER, lu dông, ishima you i̱ taver; een, kegh TER. Ka Pasalmi u Davidi

Mateu 10:22

Ior cii vea kôr ne ihom sha ci u iti Yam; kpa u nana taver ishima zan zan mkur yô, ka nan nana war ye.

YOHANE 8:31

Tsô Yesu kaa a Mbayuda mba ve na Un jighjigh la er: Aluer nea lu ken kwaghôron Wam zan zan yô, ne mba mbahenen Av mimi je;

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Aerenakaa A Mbaapostoli 2:42

Tsô ve kange asema sha ityesen i mbaapostoli man ken mzoughshima, man ken mcoon u bredi, man ken msen u eren kpaa.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

1 Mbakorinte 16:13

Kuran nen, tile nen dông sha jighjigh u nan. Lu nen nomsombaiorov, taver nen iyol.

2 Mbakorinte 1:14

di er ne vande kaven kpuaa ner: se mba ihagh yen vough er ne kpaa ne lu i yase nahan sha iyange i Ter wase Yesu la.

Mbagalatia 5:1

Ka sha u se̱ de luun ken uikangen ga, man Kristu pase se tuhwa ye. Nahan yô, tile nen dông, i̱ de kera shi wan ne igbur i ikpan ga.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 1:8

Gadia Aôndo ka shiada wam er i hangem a ven cii tsung sha mhôônom ma kôron ma Kristu Yesu.

Mbafilipi 2:16

né taan iwanger ken ve er asan a wanger nahan; kusu nen kwaghôron u uma la gbang gbang, i̱ lum kwagh u tan ihagh a mi sha iyange i Kristu, sha u zende wam u̱ de lu u gbilinigh ga, tom wam u sha gbashima la kpaa, u̱ de lu u gbilinigh ga.

Mbafilipi 2:26

Hange un u nengen a ven cii, ishima nyian un er ne za ongo er un lu dedoo ga yô.

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

1 Mbatesalonika 3:13

sha u Una taver asema a en, a̱ de lu a acôghol a wan iyol ga ken icighanmlu sha ishigh ki Aôndo Ter wase sha m-ande u Ter wase Yesu kua uicighan Nav cii kpaa.

2 Timoteu 2:15

Nahan yô, anmgbianev, tile nen dông, kôr nen akaa a i tese ne la gbang, shin a lu sha kwaghôron, shin a lu sha washika wase kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:1

Nahan yô, we wan wam, taver ken mrumun u sha mhôôn u ken Kristu Yesu la.

Mbaheberu 10:23

Se kôr nen ave gbang sha mpase u ishimaverenkeghen yase, i̱ de tenger ga, gadia Un u A tende zwa a vese la yô ka u jighjigh je.

Mbaheberu 3:14

Gadia se hingir mbalun a kwar ken Kristu aluer se kôr ave gbang gbang sha imagh ki hiihii ki ishimaveren yase zan zan mkur yô.

Mbaheberu 4:14

Er se lu a Zegepristi u tamen u A nyôr Usha A haa ve ijime cii, ka Yesu Wan u Aôndo je la, nahan yô, se kôr nen ave gbang gbang sha mpase u jighjigh wase u nan la je.

2 Peteru 3:17

Ne mbadoon mo ishima, er ne vande fan kwagh ne nahan yô, kuran nen i̱ de kera kôron ne i̱ urugh ne sha mtsum u mbarumun atindi ga la er né gba sha mtil wen la ga yô.