Mbafilipi 3:9 - ICIGHAN BIBILO

⁹ ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbafilipi 3:9 Iomraidhean Croise

Genese 7:23

I tim hanma kwaghuma u a lu sha tar ci ca, or man zendenya man kwagh u a kper a kpela inya kua inyon i sha, i tim ve sha won kera. Noa mase waren tswen a mba ve lu vea na imôngo ken tso la.

1 Utor 8:46

Aluer vea er U isholibo (gadia or u den eren isholibo nan ngu ga), man ishima ia lu vihin We a ve, Wea na ve sha ikev i mbaihomov, man vea yem a ve uikangen ken tar ve, a lu ca shin a lu ikua ikua;

2 Kroniku 32:25

Kpa Hesekia er kwagh sha kwagh u doon u i er un la ga, gadia ishima kehe un ker, ka nahan man iyugh sen sha a na kua sha Yuda man Yerusalem kpaa ye.

2 Kroniku 32:31

Kpa sha kwagh u mbatyomov mba atiator a Babilon la, mba i tindi ve her a na er ve̱ va fa kwagh u kpilighyol u a er hen tar la yô, Aôndo maa undu un sha u karen un, sha u Una fa kwagh u a lu a mi ken ishima cii yô.

Upasalmi 14:3

Ve cii, ve hide ijime, ve hingir mbavihin cii; mô u eren dedoo nan ngu ga, môm tsô kpaa ga.

Upasalmi 143:2

De er wanakiriki Wou ijir ga, gadia ma or u umace nan ngu a ishô sha ishigh You ga.

Upasalmi 19:12

Mbamtsum yô, ka an nana fatyô u kaven ve? Nam ishô sha mbamtsum mba ken myer la.

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 33:16

Sha ayange shon la á yima Yuda, man Yerusalem una tema bem bem; iti i á yila un a mi yô, er: TER ka perapera wase.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Mateu 9:13

Kpa yem nen za hen nen inja i kwagh ne: Mo yô, ka mhôônom ma zungwen ma doom ye, ka nagh ku nan ga; gadia M va sha u Me yilan mbaperapera ga, kpa ka mbaasorabo.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

Mbaromanu 10:10

Gadia ka ken ishima ka i na jighjigh sha u zuan a ishô ye, shi ka sha zwa ka i pase sha u zuan a myom ye.

Mbaromanu 16:7

Sugh nen Anderoniku man Yunia mba ve lu ityô yam shi ve lu mbakwarev a mo imôngo kpaa la.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

2 Mbakorinte 5:17

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 2:16

Se fa or gbe zuan a ishô sha aeren a sha tindi ga, kpa ka sha jighjigh u nan ken Kristu Yesu. Man se ayol a ase kpaa se na Kristu Yesu jighjigh, sha u ma i ne se ishô sha jighjigh u nan u ken Kristu, i kera lu sha aeren a tindi ga. Gadia sha aeren a tindi yô, ma or u umace nana zua a ishô ga.

Duteronomi 27:26

Ifan i̱ kôr or u nan kera we iko u eren sha akaaôron a atindi ne ga yô. Ior cii ve̱ rumun er: Amen.

Mbafilipi 3:6

Sha kwagh u ishima i tseen, m tôv nongo u Kristu a ican je. Sha kwagh u perapera u a lu sha atindi la yô, m lu a acôghol a wan iyol ga.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:9

u A yima se shi A yila se sha icighanmyer la, lu sha ci u aeren a ase ga kpa lu sha awashima Na iyol Na man shi sha mrumun u sha mhôôn Na u i ne se ken Kristu Yesu je er shighe lu a lu ga la.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

Yakobu 3:2

Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

1 Yohane 3:4

Hanma or u nan eren isholibo yô, nan ngu vendan tindi kpaa, gadia isholibo ka atindi a vendan.