Mbafilipi 3:20 - ICIGHAN BIBILO

²⁰ Gadia se yô, tar wase ngu Sha, ka sha her kpaa se lu keghen ser Oryiman Una va ye, ka Ter Yesu Kristu je la.

Mbafilipi 3:20 Iomraidhean Croise

Upasalmi 16:11

Ú tesem gbenda u uma; msaanyol mgbough sha ishigh You, uishar mba haan iyol mba ken uwegh Ough ku yanegh gbem sha won.

Upasalmi 17:15

Kpa mo yô, me nenge ishigh You ken perapera; zum u me nder yô, mluashe Wou una kumam.

Anzaakaa 15:24

Gbenda u uma kôndo sha, sha ci u orfankwagh, sha u nana̱ war Sheol u shin inya la.

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Luka 12:21

Or u nan lu koson inyaregh sha ci u iyol i nan, kpa nan kera lu ornyar sha kwagh u Aôndo ga la, kape kwagh u nan a lu ne.

Luka 14:14

Nahan we kpaa á saan we iyol sha ci u ve mba a kwagh u vea kimbi u ga; gadia á va kimbi u sha mnder u mbaperapera la.

Aerenakaa A Mbaapostoli 1:11

man ve kaa er: Ne nomso mba Galilia, ka nyi ne til ne kenger Sha nahana? Un Yesu u i tee Un her a ven i yem a Na Sha ne, er ne nenge Un A kende A yemen Sha nahan, kape mhir kpaa Una hire vough je la.

1 Mbakorinte 1:7

nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la,

1 Mbakorinte 15:48

Er or u i er nan sha inya nan lu nahan, kape mba i er ve sha inya kpaa ve lu je la. Man er Or u Sha a lu yô, kape mbashaav kpaa ve lu je la.

2 Mbakorinte 4:18

Se mba kera veren asema sha akaa a i nengen a mi la ga, kpa ka akaa a i nengen a mi ga la, gadia akaa a i nengen a mi la ka a karen kera, kpa a i nengen a mi ga la gema ka a tsôron je.

2 Mbakorinte 5:8

Ishima i taver se, hemba saren se u duen ken iyol kera za lun vea Ter.

Mbagalatia 4:26

Kpa Yerusalem u Sha ngu ken kpan ga, ka ngô wase je la.

Mbaefese 2:19

Nahan yô, ne kera mba mbavannya kua ushirmbaiorov ga, ne mba nongo môm a uicighanmbaiorov ne mba mba ken ya u Aôndo je,

Mbaefese 2:6

man A nder se a Na imôngo, A ver se se tema a Na imôngo sha ajiir a Sha ken Kristu Yesu.

Mbafilipi 1:10

sha er né kar né fa akaa a a hembe lun a inja yô, nahan né lu wang né lu a acôghol a wan iyol ga sha iyange i Kristu,

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbakolose 1:5

sha ci u ishimaverenkeghen i i koso Sha sha ci wen la. Ne vande ungwan kwagh u i sha kwaghôron u mimi u Loho u Dedoo la.

1 Mbatesalonika 1:10

man né keghen mhir u Wan Na Sha, u A nder Un shin mbakpenev, ka Yesu u A yem se sha iyugh i i lu van la.

1 Mbatesalonika 4:16

Gadia Ter iyol Na Una sen Sha sha ikenge i kaan, sha imo i ortyom u tamen, sha mkaa u ikpamkor i Aôndo, tsô mba ve kpe ken Kristu la vea vande nderen.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:8

Mase shin tsar u mhembe u perapera u i verem, u Ter Una nam sha iyange la yô, man ka mo tseegh ga kpa ka mba m-ande Na a doo ve la cii.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Mbaheberu 12:22

Kpa ne mgbôghom a uwo u Shion man hen gar u Aôndo u uma, ka Yerusalem u Sha je la man ikpela i mbatyomov mba Shaav ngee gande u ôron, mba ve lu eren iniongo,

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.