Mbafilipi 3:12 - ICIGHAN BIBILO

¹² Ka u kaan er m ngohol ve shin m hingir vough ve ga, kpa m ngu zendan a zenda sha u me tser a mi, i̱ hingir kwagh wam gadia Kristu tser a mo, m hingir kwagh Na.

Mbafilipi 3:12 Iomraidhean Croise

Yobu 17:9

Kpa orperapera nana taver ishima sha gbenda u nan, u nan lu ave wang kpaa, nana seer taver a taver.

Upasalmi 119:5

Aeren a am ma a lu ase taveraa, sha u eren sha akaawan a Ou vough.

Upasalmi 138:8

TER Una kure awashima Na sha a mo cii; erdoo Wou TERE, ka u tsôron gbem sha won. De undun ityom i U ker ave sha mi la ga. Ngun ka sha ci u orhemen u mbawanatsam. Ka Pasalmi u Davidi

Upasalmi 42:1

Er ashim ka a ôôn fegh fegh, iwagh i i lu a mngerem i sar un nahan, kape uma wam kpaa ka a ôôn fegh fegh, U sar un la Aôndo.

Upasalmi 63:8

Uma wam var a We ityô; uwegh Ough ku yanegh ku suwem.

Upasalmi 84:2

Ityembe i sha ishigh ki iyou i TER sarem ken ishima je, iyol i kpem cii; ishima yam man iyol yam ngi ember Aôndo u uma genger genger.

Upasalmi 94:15

Gadia ijirôron ia hide ken perapera; mba asema a ve a lu jighilii cii, vea za a i ityô.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 51:1

Ver nen ato her a Mo, ne mba ne ze a perapera ityô, ne mba ne keren TER; nenge nen sha vande u i tsehe ne ker yô, man shin ihungwa henpe i tim ne yô.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Mateu 5:48

Nahan yô, lu nen vough er Ter wen u Sha A lu vough nahan.

Aerenakaa A Mbaapostoli 9:15

Kpa Ter kaa a na er: Gba zan tsô, gadia un ka ikagh ki i tsegh ki sha ci Wam sha u una zende a iti Yam sha ishigh ki atôatyev man utor kua Mbaiserael kpaa yô.

Mbaromanu 8:39

shin mtav, shin mze, shin ma kwagh ugen u i gbe un a gba kpaa, una fatyô u paven se a dooshima u Aôndo u a lu ken Kristu Yesu Ter wase la je ga.

1 Mbakorinte 13:10

Kpa zum u kwagh u a lu vough la una va yô, á kar a kwagh u a yen la kera.

1 Mbakorinte 13:12

Gadia hegen se mba nengen ken ijingi cing kpa shighe la yô, á lu ishigh a ishigh. Hegen yô, mfe wam yina kpa hen shighe la me fa kwagh vough di er i fem vough nahan.

1 Mbakorinte 9:24

Ne kera fa gaa? Mbagban ayem ken iniumbe ka ve yevese cii, kpa ka môm tsô nan tôô iwua la ye gaa? Yô, yevese nen sha er né zua a mi yô.

2 Mbakorinte 13:9

Se mba ember shighe u se lu isheer kpa ne ne gem ne taver yô. Shi se mba eren msen sha kwagh ne sha u ma ne kom vough yô.

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Mbagalatia 5:17

Gadia asaren a iyolough nga hendan a Jijingi, asaren a Jijingi di kpaa nga hendan a iyol, ve yô, mba hendan ayol a ve, nahan ne kera fatyô u eren akaa a i sar ne la ga.

Mbaefese 1:4

A tsuwa se ken a Na je er i lu a gba tar ga yô sha u lun mba i tsegh ve man u lun a acôghol iyol ga kpaa sha ishigh Nagh. Ka sha dooshima je

Mbaefese 4:12

Ka sha u nan uicighanmbaiorov ve̱ kuma sha tom u eren, sha u maan iyol i Kristu,

Mbafilipi 1:1

Paulu man Timoteu ikpan i Kristu Yesu mba sughun uicighanmbaiorov ken Kristu Yesu, mba ve lu ken Filipi vea mbakuran kua udiakon kpaa.

Mbafilipi 3:16

Kpa kwagh u se zua a mi la yô, se zende nen sha mi vough.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

1 Mbatesalonika 5:15

Nenge nen sha er ma or nana̱ de ôron iyev i ifer sha ifer ga. Nôngon nen sha kwagh u doon gbem je hen a ven ayol a en man shi a mbagenev cii kpaa.

2 Timoteu 2:13

Kpa se yô, ka u sé sugh Aôndo sha ci wen gbem, ne anmgbianev mba ne doo Ter ishima gadia Aôndo tsuwa ne sha hiihii je u zan ken myom sha mtsegh u sha Jijingi man sha u nan kwagh u mimi la jighjigh.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

1 Timoteu 6:19

nahan man vea wa imagh ki dedoo sha ci ve ayol a ve ken hemen ye, sha u vea kôr ave sha uma u a lu uma jim la.

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.

Mbaheberu 12:23

man mkohol u mbaiundav mba i nger ve ati Sha, man Aôndo, Orjir u akaa cii, man ujijingi mba mbaperapera mba i gema ve ve hingir vough la,

Mbaheberu 13:21

A̱ na ne sha u né lu vough sha hanma kwagh u doon cii sha u eren ishima Na, gadia ngu eren kwagh u a doo Un la ken a vese sha Yesu Kristu u A lu a icivir gbem sha won yô. Amen.

Yakobu 3:2

Gadia se cii se mba nenge gbev sha akaa kpishi. Aluer or nana nôngo gbev sha kwaghôron ga yô, nan ngu or u vough je, iyol cii kpaa nana fatyô u kôron i tsaha.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.