Mbafilipi 2:8 - ICIGHAN BIBILO

⁸ Man er i va zua a Na a mluyol er or nahan yô, A hide a iyol Na ijime, hingir u ungwan kwagh zan zan ar ken ku, man lu ku u terankon je.

Mbafilipi 2:8 Iomraidhean Croise

Upasalmi 22:16

Gadia iwa kasem; mkohol u mbaaferev kpaa wam atô, ve kuma ave am ve pev a kua angahar am kpaa.

Anzaakaa 15:33

Mcie u cian TER ngu tesen a tese kwaghfan je, icivir dondo sha mhir u iyol ijime.

Mateu 17:2

tsô i gema iyol Na sha ishiv vev; ishigh Nagh engem er iyange nahan, akondo Na kpaa kungu segh segh er iwanger nahan.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Luka 9:29

Tsô ngur eren msen yô, mlu u ishigh Nagh gema, akondo a Na kpaa kungu, engem kpaa.

YOHANE 10:18

Ma or kpaa nan ngu ngohol Mo un ga, kpa ka Mo iyol Yam je M lu nan un ye. M ngu a tahav mbu Me na un, M ngu a tahav mbu Me shi Me ngohol un kpaa. Tindi ne M ngohol un hen Terem.

YOHANE 14:31

kpa tar u̱ fa er Ter A doom ishima, man shi M eren er Ter A wem kwagh yô. Mough se yem nen heen kera.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

YOHANE 4:34

Yesu kaa a ve er: Kwaghyan Wam yô, ka u Me er ishima i u A tindim la, Me kure tom Na vough kpaa.

Aerenakaa A Mbaapostoli 8:33

Ka sha mlu Na u icivirigh ga la man i tôô Un ijir kera ye; man kov Na yô, ka anti je nana ôr kwagh sha u? Gadia i tôô uma Na sha tar kera.

Mbaromanu 5:19

Gadia er ior kpishi ve hingir mbaasorabo sha ihembeato i or môm yô, kape ior kpishi di ve hingir mbaperapera sha iko i wan i Or môm kpaa la.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Duteronomi 21:23

Ikom i nan i̱ de tse sha kon ga, kpa ii nan iyange la je; gadia or u i sende nan yô, Aôndo wa nan ifan; sha u u̱ de hôngor a tar u TER, Aôndo wou, Una na u dyako la ga.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Mbaheberu 12:4

Er ne lu nôngon ityav a isholibo yô, ne mba a hendan a i, i ar ken ku ga.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.