Mbafilipi 2:7 - ICIGHAN BIBILO

⁷ kpa A gema iyol Na hingir gbilin er A tôô mlu u ortom, A hingir kwagh môm a ior la.

Mbafilipi 2:7 Iomraidhean Croise

Upasalmi 22:6

Kpa mo m ngu anyigôô, m ngu or ga; m ngu kwagh u ndôhôrshima hen ior, m ngu kwagh u lahan hen ikurior ne.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 49:3

man shi A kaa a mo er: U ngu Wanakiriki Wam, Iserael, U Me pase icivir Yam ken a we yô.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Sekaria 3:8

Shi ver ato, zegepristi Yosua, we man akar a ou a a tem u sha ishi la, gadia ve ka ior i tesen a tese ikav; gadia nenge, duen Yam a wanakiriki Wam, icerenkon la.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 12:18

Nenge Wanakiriki Wam u M tsough Un, u ishima ishima, u ishima i doom a Na yum yô, Me ver Jijingi Wam sha a Na, Una yôô ijir her akuraior.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

Marku 9:12

A gema a kaa a ve er: Eliya una vande van kpee sha u sôron akaa cii; tsô er nan man i nger kwagh sha Wan u or er, Una ya ican sha akaa kpishi, shi á laha Un kpaa?

Luka 22:27

Gadia ka an nan hembe iciviri, ka or u teman a tema hen kwaghyan, shinii, ka or u duen a due a iwere? Kera ka u a tem hen kwaghyan la gaa? Kpa Mo M ngu her atô wen er or u duen a iwer nahan.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

Mbaromanu 1:3

ka Loho u sha Wan Na u A due ken tsombor u Davidi sha mlu u or la,

Mbaromanu 15:3

Gadia Kristu kpaa ker kwagh u doon sha ci Na ga, kpa lu er i vande ngeren nahan la er: Aheen a ior ve lu heen We la gema haa sha a Mo.

Mbaromanu 15:8

Inja na yô, er, Kristu hingir ortom u icôngo u tesen mimi u Aôndo sha u taver uityendezwa mba i tôndo a uter la,

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

2 Mbakorinte 13:4

I mande Un sha terankon ken isheer, kpa gema ngu uma ken agee a Aôndo. Se kpaa se mba isheer ken a Na, kpa her a ven yô, sé lu uma ken agee a Aôndo.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

Mbagalatia 4:4

Kpa er shighe va kuma vough yô, Aôndo tindi Wan Na, kwase va mar Un, i mar Un sha ikev i tindi,

Mbafilipi 2:6

Un u A lu ken mlu u Aôndo la A nenge er mlu u lun kwagh môm a Aôndo la lu kwagh u yan ishar sha mi ga yô,

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Mbaheberu 13:3

Umbur nen mbakwarev, er ne kpaa ne mba mbakwarev a ve imôngo nahan, shi umbur nen mba i lu eren a ve dang dang la, gadia ne kpaa ne mba a iyol.

Mbaheberu 4:15

Gadia se mba a zegepristi u A fetyô u zungwen a vese imôngo ken aseer a ase ga ze, kpa ka u i mee Un sha hanma gbenda cii vough er se nahan, saa di isholibo tsô A er ga ye.