Mbafilipi 2:6 - ICIGHAN BIBILO

⁶ Un u A lu ken mlu u Aôndo la A nenge er mlu u lun kwagh môm a Aôndo la lu kwagh u yan ishar sha mi ga yô,

Mbafilipi 2:6 Iomraidhean Croise

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 8:8

una kuwa zan zan ken Yuda; una kuwa emememe, una kar; una gba or iker iker je; mnaregh u akper a na una iv igbanger i tar wou cii, we Imanuel.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 10:30

Mo a Ter ka kwagh môm.

YOHANE 10:33

Mbayuda gema kaa a Na er: Ka sha ci u tom u dedoo se lu tan We awen ga, kpa ka sha ci u ityuhwanev, gadia We, U lu or tsô, U veren iyol You Wer, U ngu Aôndo.

YOHANE 10:38

kpa aluer Mea eren i, man nea nam jighjigh ga kpaa, na nen ityom la jighjigh; sha er ne̱ fa man ne̱ kav er Ter A lu ken a Mo, man Mo kpaa M lu ken Ter yô.

YOHANE 14:28

Ne ungwa er M kaa ne Mer, Me yem kpa Me shi Me va her a ven. Mea doo ne ishima yô, ma ne ember sha ci u M lu yemen hen Ter yô; gadia Ter hembam.

YOHANE 14:9

Yesu kaa a na er; M ngu a ven ayange ngee, nahan kpaa, we Filibu, u fam gaa? U nan nenge a Mo yô, nan nenge a Ter je ve; man er nan u kaan wer: Tese se Tere?

YOHANE 17:5

Hegen yô, Tere, nam icivir hen We, sha icivir i M lu a mi her a We je, er i lu a gba tar ga la.

YOHANE 20:28

Toma gema kaa a Na er: Terem man Aôndo Wam.

YOHANE 5:18

Ka sha ci u kwagh ne man Mbayuda hemba keren Un a ku ye, lu sha ci u A vihi iyange i memen tseegh ga, kpa A shi A yila Aôndo er Ter Na je, inja na yô, A fa er Un ngu er Aôndo nahan vough.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

Mbaromanu 9:5

Mba a uter mba tamen la kpaa man shi ka ken ve man i mar Kristu ken iyol kpaa ye. Un ka Aôndo u hemban akaa cii, i̱ wuese Un gbem sha won. Amen.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Mbaheberu 1:3

Un yô, ka mmondo u iengem Na man shi eev mbu mlu Na vough kpaa. Ngu a akaa cii sha ave Na sha kwaghôron u sha agee a Na la. Er A wanger asorabo kera yô, A za tema sha uwegh ku yanegh ku Icivirigh.

Mbaheberu 1:6

Man zum u A lu ôron u shi nyôron a Wan Na u iunda shin tar la yô, A kaa er: Mbatyomov mba Aôndo cii, ve̱ gure inya, ve̱ civir Un.

Mbaheberu 1:8

Kpa sha kwagh u Wan la yô, A kaa er: Aôndo, ikônough You ki torough yô, ka ki tsôron gbem sha won; ka tôgh ku perapera je, ku lu tôgh ku tartor Wou ye.

Mbaheberu 13:8

Yesu Kristu ngu inja i môm tsô, nyen kua nyian zan zan gbem sha won.

Mpase U Yohane 21:6

Shi A kaa a mo er: I kure ve! Mo M ngu Alefa man Omega, mhii man mkur. Or u imura i ker nan yô, Mo Me na nan mngerem ma imbormnger i uma la gbilin.