Mbafilipi 2:5 - ICIGHAN BIBILO

⁵ Lu nen a mhen ne ken a ven u a lu ken Kristu Yesu la kpaa.

Mbafilipi 2:5 Iomraidhean Croise

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

Luka 22:27

Gadia ka an nan hembe iciviri, ka or u teman a tema hen kwaghyan, shinii, ka or u duen a due a iwere? Kera ka u a tem hen kwaghyan la gaa? Kpa Mo M ngu her atô wen er or u duen a iwer nahan.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 20:35

Ken akaa cii m tese ne ikav mer, ka sha u eren tom nahan man i doo u né wase mba ve taver ga la ye. Man shi umbur nen akaaôron a Ter Yesu A lu ôr iyol Na yô, er: U nan a na kwagh hembe saan iyol a u ngohol a ngohol kwagh.

Mbaromanu 14:15

Aluer ka sha kwaghyan wou man ishima ia vihi anmgbian wou yô, kera ka sha dooshima u lu zenden ga. Kwaghyan u u ye la, a̱ de hingir kwagh u vihin uma u un u Kristu A kpe sha ci na la kera ga.

Mbaromanu 15:3

Gadia Kristu kpaa ker kwagh u doon sha ci Na ga, kpa lu er i vande ngeren nahan la er: Aheen a ior ve lu heen We la gema haa sha a Mo.

Mbaromanu 15:5

Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la,

1 Mbakorinte 10:33

di er mo kpaa, ken hanma kwagh cii m eren kwagh u doon ior cii nahan, gadia ka mtsera wam iyol yam m lu keren ga, kpa ka u mbagenev kpishi sha u ma ve war yô.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 1:1

Paulu man Timoteu ikpan i Kristu Yesu mba sughun uicighanmbaiorov ken Kristu Yesu, mba ve lu ken Filipi vea mbakuran kua udiakon kpaa.

1 Peteru 2:21

Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô.

1 Peteru 4:1

Er Kristu A ye ican ken iyol yô, ne kpaa, kange nen ishima sha mhen ne, gadia u nan ye ican ken iyol yô, nan de isholibo ve,

1 Yohane 2:6

U nan kaa er nan ngu ken a Na je yô, ka u nana zenden er Un lu zenden nahan keng.