Mbafilipi 2:3 - ICIGHAN BIBILO

³ De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.

Mbafilipi 2:3 Iomraidhean Croise

Anzaakaa 13:10

Iyolgengese ngi ne num tsô; kpa mba ve ngohol mhen u mimi yô, kwaghfan ngu her a ve.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Mbaromanu 12:10

Doo nen ayol a en tsung sha dooshima, hemen nen sha u nan ior icivir.

Mbaromanu 13:13

Se zenden nen sha inja, i̱ lu sha inja i atetan, i̱ de lu sha iniongo i msôr shin msôrom ma hunden ga, i̱ de lu sha idya shin ijimba i eren ga, i̱ de lu sha iyongo shin iwuhe i eren kpaa ga.

Mbaromanu 2:8

Kpa mba ve hembe wan ayol a ve iko, ve hembe mimi ato ve gem ve ongo imo i iferkwagh yô, Una na ve iyugh man ishima i vihin.

1 Mbakorinte 15:9

Gadia mo m hemba gban ijime ken mbaapostoli cii m kuma u á yilam er apostoli kpaa ga, gadia m tôv nongo u Kristu u Aôndo a ican.

1 Mbakorinte 3:3

gadia ne mba mbaiyolov heregh di tsô, gadia aluer iwuhe man iyongo vea lu her a ven yô, kera ka mbaiyolov ne lu, man kera ka sha inja i or ne zenden gaa?

2 Mbakorinte 12:20

M ngu cian mer, me va yô, alaghga me kera kohol ne er i sarem nahan ga, ne kpaa né kera zua ishigh a mo er i sar ne nahan ga, alaghga ayôôso aa lu, kua iwuhe, man ishima i vihin, man akaa a kpelan, man angereke a eren, man u kôson ior sha dang, man iyolgengese, man anzughul kpaa.

Mbagalatia 5:15

Kpa aluer ne nyuma ayol a en, ne ya ayol a en yô, ver nen ishima sha er né mena ayol a en ga yô.

Mbagalatia 5:26

Se̱ de kera tan ihagh sha ayol a ase ga, shi se̱ de vemben ayol a ase man se̱ de eren iwuhe ayol a ase kpaa ga.

Mbaefese 4:2

a iyolgengese ga, man a ishima i legh legh, man a ishima i wan kpaa, kundu nen asema a ayol a en sha dooshima.

Mbaefese 5:21

Ungwan nen ayol a en sha ci u cian Kristu.

Mbafilipi 2:14

Eren nen akaa cii, ahon a̱ de lu sha mi ga, anyiman kpaa ga,

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

Mbakolose 3:8

Kpa hegen yô, dugh nen akaa ne kera: iyugh man ishima i nyoon man ifer man ityuhwanev man kwaghôron u dang ken zwa wen.

1 Timoteu 6:4

nan ngu moron iyol, kpa nan fa kwagh môm ga; anyimanaikaa doo nan man shi u sendegh kwaghôron sha asemberakaa a ôron kpaa. Iwuhe ka i due ker kua ayôôso man ityuhwanev man u henen akaa a vihin sha or,

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.