Mbafilipi 2:17 - ICIGHAN BIBILO

¹⁷ Kpa aluer a va urum kera er nagh ku urun nahan sha nagh ku i ne kua icighantom u i er u sha jighjigh wen u nan la kpaa, m ember man m ngu ember a ven imôngo cii.

Mbafilipi 2:17 Iomraidhean Croise

Numeri 28:6

Ka nagh ku nanden gbem ku bunden ga, ku i hii nan ku hen uwo u Senai er ku lu ihuma i dedoo la; ka nagh ku usugh ku nan TER.

Numeri 28:7

Nagh ku man ku á magh sha mi yô, ku kuma môm-ken-unyiin u hin sha ci u hanma gumiyôngo; ka ken icighanjiir je ú toon TER nagh ku man ku kwaghman u taver la, hen inya ye.

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Aerenakaa A Mbaapostoli 21:13

Tsô Paulu gema kaa er: Ka nyi ne eren, ne vaan, ne nem ishima i yinan nahana? Gadia mo yô, m vande kohol iyol, ka sha ci u i̱ kangem a kange tseegh ga, kpa zan zan ku je kpaa, me kpe ken Yerusalem, sha ci u iti i Ter Yesu.

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Mbaromanu 15:16

m̱ lu ortom u Yesu Kristu hen atôatyev ken icighantom u Loho u Dedoo u Aôndo, sha u nagh ku atôatyev ku̱ doo, ku̱ lu kwagh u i tsegh sha Icighan Jijingi yô.

2 Mbakorinte 12:15

Mo yô, me vihi akaa a am saan saan shi me na nagh sha iyol yam kpaa sha ci u uuma enev. Er ne doom ishima yum, nahan mo m gema m pande a pande doon nee?

2 Mbakorinte 4:12

Kape ku u lu eren tom ken vese ne. Kpa ken ven yô, gema ka uma.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

2 Mbakorinte 7:4

M ngu a vangertiôr kpishi, ne mba ihagh i tan yam kpishi kpaa. M mgbough a ishimasurun, iember yam kpaa i ngee gande ken atsan a am cii.

Mbafilipi 1:20

er m keghen tsung shi m veren ishima kpaa mer, ma m ye kunya sha kwagh môm môm ga, kpa i̱ civir Kristu ken iyol yam vangertiôr je hegen kpaa er i vande lun keke ne nahan, shin a lu sha uma, shin a lu sha ku kpaa.

Mbafilipi 2:18

Ne kpaa, kape ember nen la, shi ember nen a mo imôngo kpaa.

Mbafilipi 2:30

gadia shi côhin ma a kpe sha ci u tom u Kristu, a gbihi uma na sha u ivin kwagh u a shi sha iwasen yen i ne wasem la.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.

Mbakolose 1:24

Hegen yô, m ngu ken atsan a m lu yan sha ci wen man m ngu ivin kwagh u a shi sha atsan a Kristu la ken iyol yam, ka sha ci u iyol Na, ka nongo Na je la.

1 Mbatesalonika 2:8

Kape se kpaa, er ne sar se yum yô, kera doo se u nan ne Loho u Dedoo u Aôndo tseegh ga, kpa zan zan kua uma wase je kpaa, gadia ne hingir mbadoon se ishima kpishi.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:6

Mo yô, mba urun mo kera er nagh ku urun nahan. Shighe u myem wam kuma.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

1 Yohane 3:16

Kwagh u se fe dooshima sha mi yô, ka un ne: A na uma Na sha ci wase, nahan se kpaa, ka u sé na uma wase sha ci u anmgbianev.