Mbafilipi 2:15 - ICIGHAN BIBILO

¹⁵ sha er né lu a acôghol a wan iyol ga, né lu wang, né lu ônov mba Aôndo mba ve lu a ahuar iyol ga yô, ker atô u kov u lun kpe u geseghee ne,

Mbafilipi 2:15 Iomraidhean Croise

Upasalmi 122:5

Gadia i ver mkônom ma torom heregh sha ci u ijirigh, ka mkônom ma torom ma hen ya u Davidi je la.

Ekesodu 34:35

Mbaiserael vea nengen ishigh ki Mose, er kwavshi u Mose u lu engem yô, Mose a shi a cir ikondo sha ishi zan zan saa shi una nyôron u ôron kwagh a Na.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Anzaakaa 8:8

Akaaôron a ken zwa wam cii ka a perapera, ma kwagh u huren shin u icughugh ngu ken a kpaa ga.

Yesaia 60:1

Mough sha, ta iwanger; gadia iwanger you i va, iengem i TER kpaa ngi mondon sha a we.

Daniel 6:4

Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Mateu 10:16

Nenge, M ngu tindin ne er iyôngo ken atô u ugbaseela nahan; yô, lu nen mbafankwagh er iyô nahan man wang er mkungum nahan.

Mateu 17:17

Yesu gema kaa er: Kpash! Kov u lun a jighjigh u nan ga, u lun geseghee ne, mase shin ayange a me je man Me wa ishima a vene? Va nen a na her a Mo.

Mateu 5:45

sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.

Mateu 5:48

Nahan yô, lu nen vough er Ter wen u Sha A lu vough nahan.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

YOHANE 5:35

Un yô lu imenger i yeghen i mondon iwanger kpaa, man doo ne u ember iwanger na la anyangem kpeghee.

Aerenakaa A Mbaapostoli 2:40

Shi a seer ôron ve akaa agen, lu pasen ve kwagh gbar gbar, lu taver ve ishima, kaan a ve er: I̱ yima ne sha kov u lun kpe ne.

Aerenakaa A Mbaapostoli 20:30

Man her atô wen je kpaa ior vea mough, vea gba ôron akaa a geseghaa, sha u vea urugh mbahenen ken ijime ve yô.

Mbaromanu 16:19

Iko yen i wan la i fa i sha won cii, ka nahan man m lu ember sha kwagh wen ye. Kpa sarem ka lu nen mbafankwagh sha kwagh u a lu u dedoo yô, kpa gema lu nen wang sha kwagh u bo la.

1 Mbakorinte 1:8

u Una taver ne zan zan mkur sha u né kera lu a acôghol iyol sha iyange i Ter wase Yesu Kristu la ga yô.

2 Mbakorinte 6:17

Nahan yô, due nen ken atô ve kera, lu nen kposo, kape Ter A kaa la, kwagh u hôngorough kpaa, de benden nen ave ga. Nahan Mo Me rumun ne,

Mbaefese 5:27

sha u Una ver nongo Na sha ishigh Nagh, u̱ engem u̱ de kera lu a ahuar shin adivir shin mô u ken ambaakaa la kpaa ga, kpa u̱ lu ken mtsegh, u̱ de lu a acôghol iyol ga.

Duteronomi 32:5

Ve er a Na dang, ve kera mba ônov Nav ga, mba a acôghol iyol; ka kov u bo u lun kpe.

Mbafilipi 1:10

sha er né kar né fa akaa a a hembe lun a inja yô, nahan né lu wang né lu a acôghol a wan iyol ga sha iyange i Kristu,

Mbafilipi 3:6

Sha kwagh u ishima i tseen, m tôv nongo u Kristu a ican je. Sha kwagh u perapera u a lu sha atindi la yô, m lu a acôghol a wan iyol ga.

1 Mbatesalonika 5:23

Aôndo u bem iyol Na, A̱ tsegha ne wang jimin cii, ma i kor jijingi wen, man uma wen ken ishima man iyol yen cii purututu, ve̱ de lu a ma acôghol a wan iyol je ga sha m-ande u Ter wase Yesu Kristu.

1 Timoteu 3:10

Kpa mban yô, á vande karen ve, aluer vea lu a acôghol iyol ga yô, ve̱ er tom u diakon.

1 Timoteu 3:2

Orkuran yô, ka u nana̱ lu a acôghol a wan iyol ga keng je, nana̱ lu or u kwase môm, man or u kundun ishima, man or u tsev tsev, man or u eren kwagh sha inja, man or u eren dedoo a mbavannya, man or u fan ityesen kpaa.

1 Timoteu 5:14

Nahan yô, sarem pe kasev mba côgholov mba ve lu a mhem iyol yô, ve̱ er noov, ve̱ mar ônov, ve̱ nengen sha uya vev, ve̱ de ne orihom ian i lamen dang ga.

1 Timoteu 5:20

Mba ve eren isholibo yô, yange ve sha ishigh ki ior cii man mbagenev kpaa vea cia ye.

1 Timoteu 5:7

Wa kwagh sha akaa ne kpaa sha er vea lu a acôghol a wan iyol ga yô.

Titu 1:6

I̱ ver ior mba ve lu a acôghol iyol ga man ior mba ve lu a kwase môm môm man ônov vev kpaa i lu mbananjighjigh mba i ne ve ibo sha ijimba i eren ga shin sha ipila i eren kpaa ga yô.

Titu 2:10

ve̱ de iin ga, ve̱ eren akaa cii sha jighjigh doo doo sha u vea hingir kwagh u hweegh sha ityesen i Aôndo Oryiman wase sha akaa cii.

Titu 2:15

Ôron akaa ne, waan kwagh man shi yangen kwagh sha utaha cii. Ma Or nana̱ de lahan we ga.

Mbaheberu 7:26

Gadia ka imbazegepristi ne i kom se ye; ka u wang, u lun a ibo ga, shin acôghol a wan iyol kpaa ga, u a lu paleghaa a mbaasorabo, man u i kende Un sha A kar Usha cii.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

2 Peteru 3:14

Ne mbadoon mo ishima, er ne lu keghen akaa ne yô, nôngo nen tsung sha u á kohol ne ken bem sha ishigh Nagh né lu wang a acôghol iyol ga yô.

Mpase U Yohane 2:5

Umbur hen ape u gbe yô, gema ishima, er aeren a hiihii la. Gayô, Me va hen we, Me tôô daarimenger wou ken ijiir na kera, aluer wea gema ishima ga yô.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.