Mbafilipi 2:1 - ICIGHAN BIBILO

¹ Aluer ma msurshima una lu ken Kristu, man aluer ma ishima i taver i sha dooshima ia lu, shin ma mzough u ken Jijingi una lu shin ma mhôônom ma kôron man mhôônom ma zungwen maa lu yô,

Mbafilipi 2:1 Iomraidhean Croise

Upasalmi 133:1

Nenge, aluer anmgbianev vea tema imôngo, ishima ve ia lu i môm yô, á doo yum á hôm kpaa.

Yesaia 16:11

Ka nahan man myam am ma eren imo er adiguve nahan sha ci u Moabi kua ishima yam kpaa sha ci u Kir-hereshi ye.

Luka 2:25

Orgen lu ken Yerusalem, iti na er Shimeon; or la lu or u perapera man u cian Aôndo a ishima i môm, lu keghen msurshima u Iserael; Icighan Jijingi kpaa lu sha a na.

YOHANE 14:18

Me undu ne icôghol ga, M ngu van her a ven.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 17:13

Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

Aerenakaa A Mbaapostoli 2:46

Ve zer kohol ken tempel ayange ayange, ve coon bredi sha uya vev ser ser, ve yaan kwagh a iember man a ishima i wang,

Aerenakaa A Mbaapostoli 4:32

Ikpelaior i i na jighjigh yô, asema a ve man mhen ve hingir kwagh môm, man shi sha akaa a hanmô ve nan lu a mi la yô, ma or kera kaa er, ka kwagh u nan iyol i nan je la ga, ve nungwa akaa a ve lu a mi la hingir kwagh môm.

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

Mbaromanu 8:26

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

1 Mbakorinte 12:13

Gadia se cii kpaa, ka sha Jijingi môm i er se batisema ken iyol i môm ye, shin a lu Mbayuda, shin a lu Mbagrika, shin a lu ikpan shin a lu ônov kpaa, se cii i haa se Jijingi môm, heen se iyol cii.

1 Mbakorinte 15:31

Mimi je, sha ihagh i m te sha a ven ken Kristu Yesu Ter wase ne, anmgbianev, m ngu kpen ayange ayange.

1 Mbakorinte 3:16

Ne kera fa er ne lu tempel u Aôndo man Jijingi u Aôndo A tem ken a ven gaa?

2 Mbakorinte 13:14

Mrumun u sha mhôôn u Ter Yesu Kristu man dooshima u Aôndo man mzough u Icighan Jijingi ve̱ lu sha a ven cii. Amen.

2 Mbakorinte 2:14

Kpa i̱ wuese Aôndo u A ne se, se lu hemban ken Kristu gbem ne, shi A lu samber a ihuma i kwaghfan Na ken hanma ijiir cii sha ikev yase.

Mbagalatia 4:6

Man sha ci u ne lu ônov yô, Aôndo tindi Jijingi u Wan Na ken asema a en, ngu genger imo er: Aba, Tere.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbaefese 4:4

Iyol ngi môm, Jijingi kpaa ngu môm di er i yila ne sha ishimaverenkeghen môm i sha myer wen la nahan.

Mbafilipi 1:8

Gadia Aôndo ka shiada wam er i hangem a ven cii tsung sha mhôônom ma kôron ma Kristu Yesu.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbakolose 2:2

sha u ma i taver ve asema ma i zough ve ken dooshima ma ve fe kwaghmyer u Aôndo, ka Kristu je la.

Mbakolose 3:12

Nahan yô, haa nen mhôônom ma kôron tsung iyol, man shi ieren i dedoo man iyol i gengese ga, man ishima i legh legh man ishima i wan er uicuwan mba Aôndo mba ve lu uicighanmbaiorov mba doon ishima nahan.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.

1 Yohane 3:24

Or u nan we atindi a Na iko yô, nan lu ken a Na, Un kpaa luun ken a nan. Ka sha kwagh ne man se fe er Un A lu ken a vese ye: ka Jijingi u A ne se la.

1 Yohane 4:12

Mayange ma or ngu a nenge a Aôndo ga, kpa aluer se doo ayol a ase yô, Aôndo tema ken a vese man dooshima Na kpaa hingir vough ken vese.

1 Yohane 4:16

Se yô, se kav man se na dooshima u se doo Aôndo ishima la jighjigh kpaa. Aôndo ka dooshima je; man u nan tem ken dooshima yô, nan ngu ken Aôndo, Aôndo kpaa ngu di ken a nan nahan je.